السلام عليكم
شخباركم
انا سجلت عن جديد في المنتدى عشان تساعدوني
انا يوم الاحد تزوجت وفي صباحية عرسي صارت هذي المشكلة تمنيت ان افرح مع زوجي مثل باقي البنات في الصباحية بس كلشي تحول الى هم وحزن
والله ضايقة فيني الدنيا
انا عمري 20 سنة وزوجي 23 اتمنى اتساعدوني
بقول القصة بالتفصيل عشان تساعدوني وانا ملي غيركم اقوله عشان يقولي كيف اتصرف
يوم الاحد بعد عرسي رحنا انا وزوجي بيتنا وصرنا ندردش مع بعض عشان نتعرف على بعض اكثر واكتشفت ان زوجي خجلان مني لان اليوم اول يوم لنا مع بعض
بعدين نمنا صحيت من النوم في الليل الا لقيت زوجي يلتوي شوي يجي عاليمين وشوي عاليسار قلت شكله محصور صحيته من النوم قلت له حبيبي فيك شي قال لا سالته مرة ثانية شكلك محصور قال لا حبيبتي انتي نامي لاتخافين مافيني شي بعدين نمت
وصحيت من الصبح مبسوطة ورحت اسوي الفطور جهزت الفطور ورحت بصحي زوجي الا شفت تحته بركة كبيرة من البول فكرته ماء بعدين شميته اكتشفت انه بول وانصعقت وقلت راح اسكت وانا متوترة مااعرف شسوي رحت جلست عالكرسي عند الدريشةاذا قعد بشوف ردة فعله وجلست ادردش مع صديقاتي
بعدين صحى من النوم وشاف تحته بركة البول وانصعق اكثر مني ماسمعته الا يبكي بكاء قوي ويشهق من البكاء خفت عليه رحت له سويت نفسي مااعرف بشي قلت له شنو فيك حبيبي سكت ومارد علي بعدين شافني وانا اطالع ثيابة المبللة وقال لي صدقيني ماكنت اقصد مادري شنو صار لي ماحسيت لنفسي وازداد صوت صياحه خفت عليه وقلت له حبيبي لاتسوي بنفسك شذي كلنا مرينا بهالموقف وبعدين عديناها لاتكبرها وهي صغيرة وقال لي ان مرتين قبل لايتزوجني سواها على نفسة وقلت له عادي انزين لاتسوي شذي انت رحت عند الدكتور قبل لانتزوج لما صارت لك هالحاله؟قال لي اي وقال ان انا سليم هني انا ارتحت وحطيت راسه على صدري وصرت امسح عليه بحنان لين ماتوقف عن البكاء بعدين قال لي انا اسف والله اسف قلت له اصلا مافي داعي انك تعتذر الحين روح وتسبح وغير ثيابكك وانا بغير الشرشف سمع كلامي وراح وبعدين جلسنا عالسرير حاولت اعرف منه الاسباب اللي خلته يتبول بس ماقال لي وحسيت ان عيونه بتدمع فقلت ماراح اكلمة بهالموضوع عشان لا يبكي وحسيته ضجران وخجلان مني حييل لانها صباحية عرسنا ولكن انا ابي اعرف الاسباب اللي خلته يتبول بس شلووون؟ قولولي؟
انا ما عندي احد افضفض له او احد يعلمني كيف أتعامل مع زوجي لان أمي وابي متوفيان 🙁
اتمنى تساعدوني شلون اتعامل معاه بهالايام ترى مالي احد غيركم اقول له والله خايفه ان حياتي الزوجية تتاثر باللي صار
هل اللي صار يمكن يكون محصور ولا سبب ثاني
واذا وحدة منك زوجها مر بهذا الموقف لا تبخل علي وتقول لي كيف تصرفت
سامحوني
ومادام الطبيب قد اخبر زوجك أنه بخير
فلا تستعجلي الهم وتقلقي نفسك
لكن لو تكرر هذا الأمر كثيرا
فحينئذ لك الحق أن تخافي وتهتمي للموضوع
ربما كانت حالة نفسية سببها التوتر لا غير
أتمنى ان يجيبك غيري بما يفيدك
وفقك الله لكل خير .
انا بعد ياعزيزتي اول ماقرات المشكله قلت بنفسي نفس كلام اختي فافا
قبل ماأقرأ ردها
انتبهي اسرارك اسرارك الزوجيه لا تطلع برا
وانا اشوف البنات الله يهديهم هنا الوحده بحسن نيه او من القهر تفضفض
لكن الوحده تخاف يوصل كلام من هنا او من هناك
او تصيبها عين
كل شيء جايز
الله يشفيه يارب
.
الف مبروك غاليتي الزواج
ثانياً
اضم صوتي للاخوات فافا ونبض قلبي والعيون
كلامهم صحيح والمشكلة بسيطه حبيبتي مايحتاج لنشرها
قدام العالم في المنتديات
خاصه في وقت البلاك بيري والتويتر تضمنين
ماحد يدخل عن طريق البلاك بيري ويصور الموضوع
وينشرونها من باب التسليه والتنكيت ترضين ذلك
مثل ماحصل في المنتديات النسائيه اكيد عزيزتي لا
على الفور قلبي اطلبي حذف الموضوع او عدلي المشاركه
نصيحه اخت لاختها
والله يوفقكم يارب بحياتكم الزوجية
او اسم زوجها لكن هي سمت نفسها( امورة بحلاها) يعني بضل مجهولة الهوية بالنسبة للناس
ومو ممكن احد يعرفها من خلال هاد الاسم
وخاصة انهاكتبت الموضوع وهي مضطرة
هي وجهة نظري
تقبلو مرورررررررررري
والله يشفيلك زوجك ويفرج همك