السلام عليكم
مالي غيركم خواتي بعد الله أنا طرحت مشكلتي بخصوص إني طالبه سكن بعيد عن اهل زوجي
لاني اتأذيت وحصلت منهم مضره وإهانات وطبعا زوجي إهو السبب في كل إللي يصير لي منهم
مشاكلنا كلها عند امه وحتى اتفه الأشياء إللي تصير يقول لها وأكثر من مره يصرخ علي قدام أهله ويفضحني ويطردني آخر مره طردني على سبب تافه وأمه قطت علي كلام وأنا طالعه وأصيح وإهي تصارخ علي
أهلي استلموني من الشارع أنا وعيالي ويوم امي دقت على امه وقالت لها ليش كذا سويتوا في بنتي قالت لها زين ولدي متحمل بنتكم هالوصخه ماتطبخ ولا تغسل ولاتنظف وتاكل وتشرب وماكله خير ولدي و…
كل كلامها إهانات لي ولأهلي وإهو لاحس ولا خبر لا تكلم مع اهلي ولا حاول يراضيني إللي سواه انه يجي ياخذ عياله ويطلعهم ويرجعهم بس
والبارحه كنت مضايقه تخيلو شهر ماطلعت شافني اخوي مضايقه قلي قوموا بوديكم على البحر رحنا البحر وسبحان الله شافنا زوجي ولحقنا وقام يهددني ويقولي إنتي مطلوبه في بيت
الطاعه**
ايش اتصرف معاه خواتي ترى انهنت وكرامتي انداست منه ومن اهله
مابي انهان اكثر خلاص تعبت
ابي رايكم
ماتحيجيه لبيت الطاعه
صدفه عجيبه ان رحتوا البحر وشفتوه .. يمكن هو حس انك متعمده تخرجي وتغيظيه انه في عندي من يخرجني
ويمكن اخوك المتعمد يعني فعلا صدفه جدا عجيبه اسمحيلي!
يمكن لاجل هذا زوجك متضايق
واما اهله فكل اهل الزوج وخاصه الأم تكون عامله مشاكل انت اختصري
لا تعاندي ولا تردي وبتمشي الحياه
|
المشاركة الأصلية كتبت بواسطة مشكلتي
 طيعي زوجك
ماتحيجيه لبيت الطاعه صدفه عجيبه ان رحتوا البحر وشفتوه .. يمكن هو حس انك متعمده تخرجي وتغيظيه انه في عندي من يخرجني ويمكن اخوك المتعمد يعني فعلا صدفه جدا عجيبه اسمحيلي! يمكن لاجل هذا زوجك متضايق واما اهله فكل اهل الزوج وخاصه الأم تكون عامله مشاكل انت اختصري لا تعاندي ولا تردي وبتمشي الحياه |
اختي انا مطروده واهو ماجاء صالحني ولا تفاهم مع اهلي شلون ارجع
وبيت الطاعه للمرأه الناشز يعني إللي طالعه عن شور زوجها وأنا ماطلعت من بيته بكيفي إهو إللي طردني
وروحة البحر ماشفناه في البحر صدفه احنا جيران وإهو شافنا راكبين السياره ومشى ورانا للبحر ومجرد مانزلنا نزل إهو وقام يهدد
الله يفرجها عليك ماقلتي انه انت جيران وهو لحقكم ولا فهمت انه هو طردك اسمحيلي شكلي مصدعه
تحسبت انت خرجتي من البيت زعلانه وهو مش عارف كيف يراضيك
على اي حال خله يسوي اللي يبيه !! اي بيت طاعه هذي بالله !!
وهو اللي طاردك !!!! خله يروح للمحكمه بيودونه بيت الروضه ( الحضانه )
لانه محتاج يتعقل شوي طردك ويطلبك بيت الطاعه اما عجيبه !!!
زين هو ماقال لك ارجعي ولااااا كلمك من بعدها ابد!!
لا ترجعين له .. لان احتمااال كبيير انه يمثل او انه صدق تااب .. بس بعدين بيرجع
على وضعه الحالي .. لان اهله ما راح يشوفون طيب معاك ويتركونه فـ حاله
اهله راح يرشدونه انه ما يطيعك ويبتعد عنك .. لان هذي اهله وما راح يتغيرون
واذا اهوا تغير .. اهله ما راح يتغيرون ويمكن حتى لو زوجك تغير عليك وصار يحبك
اهله راح يخربون هل علاقه …
فـ انصحك ما ترجعين له لو اللي يصير ..
هذي مجرد وجهة نظر .. لكن الله اعلم شنو الآصح
لاترجعي والله حتتعبي وتندمي كثيير
حاولو تحلي الموضوع مع امه يخليكي ويخلي عيالك معاكي ويبعد عنكم
انتي لاتكلميها خلي امك تكلمها
او ابوكي يكلم ابوه
واذا مانفع خلي اعلى مافي خيله يركبه
استغفري كثييير ودوري محامي كويس يوقف معاكي
قال بيت طاعه الهي ينتقم من كل واحد زييه
والله لو انو قدامي كان مسحتلك فيه الارض
انتي انسان عندك كرامة حتى لو كنتي بنت مو من حق احد يسوي كدا
لاتنسي عندك حقوق انسان واشياء كثيرة استعملي كل شي تقدري عليه ضده