كيفكم جميعا ان شاء الله بخير وبنعمه
بعرفكم علي أنا بنت قبيله معروفه وناس معروفين عمري 20 سنه
متزوجة وعندي بنت عمرها 3 سنوات زوجي عمره 34 سنه
لي 4 سنوات متزوجة اول الأيام بزواجنا كانت احلى الأيام بس بعدها بفترة
استمرت المشاكل مشكله وراء مشكله يبدأ بالضرب لأتفه الأسباب بعطيكم كذا
موقف وقولو رأيكم اتفقنا نطلع للبر وقلت له خل نجيب من برا غدا لان شوي
تعبانه قال أوكي خلاص ولما جت الساعة 9 الصباح حسّيت نفسي مصحصحه
ونشيطه حيل واروح اتفنن واسوي طبخات سويت كبسه لحم وسويت دقوس و سلطه
و سويت صينيه مقالي باذنجان مع لحم مفروم ومتبل وحركات اشياء ابيه ينبسط
و اكيد الشاي والقهوه والشاي المغربي وجهزتها وخليتها قريب من الباب
وصحيته من النوم ولبست بنتي وقلت له يلا عشان نروح نجيب غداء من براء
ولبس وكذا ولما نزل انبسط لما شاف كل شي مجهز وكذا ولما ركبنا السياره بنتي
مرره مدلعه وتبكي على اي شي لو تافهه لما بكت بالسياره مااذكر على ايش قالي سكتيها
حاولت باسلوب حبيبتي خلاص شطوره اسكتي وعطيتها جهازها مافي فايده وجلس يعصب علي
ينزعج من صياحها وانا ساكته بس احاول اسكتها عطيتها كل شي ماسكتت قالي الله يلعن والديك
الله يلعن امك ام الرجاجيل حاطين اشاعه على امي وكلام فيها لان ابوي يكون عم زوجي ولما توفى ابوي
بعدها بسنتين جاء واحد وخطب امي امي صغيره عمرها في الاربعينات وانا اكبر وحده المهم لما قالي الله يلعن امك ام الرجاجيل
الكلبه قلت مالكلبه الا امك وضربني للحين في كتفي كدمات زرقاء ضربني كم مره على هالمكان لما اتفخ حسبي الله ونعم الوكيل
والله مواقف كثيره مو بس هالموقف ويشكك فيني ششك اعوذ بالله كل يوم مشاكل انا كرهته كرهه كل ماضربني ياخذ هالجوال
ويقفل هالباب المهم انا كان عندي لاب توب وكل ماطلع فتحت القيمزر البلياردو المهم دخلت اسولف وكذا وماكنت اعطي احد وجهه
وبعدها بكم شهور كنت اسولف مع واحد كنت اشكي له عن زوجي انه يضربني وانه يسوي فيني كذا وكذا الخ وهو متزوج
وكان يعطيني قصص يقول انتي وضعك اهون بكثير في كل بيت مشاكل بس الله يعينك عليه ومع الايام اخذت رقمه
كلمته بس واتس سوالف لما يطلع زوجي بس كنت اشكي له لما بعدها بايام كلمته لما اداوم اكلمه بالصباح بس شوي لان وقتي مايسمح لي
بعدها بايام زوجي قالي من هذا الرقم مسوي تحويل لمكالماتي وضربني قال هذا الرقم مكلمه معه كثير والمشكله طلع اسمه كامل
اعترفت له بعد الضرب قلت بس كنت اشكي له مابيننا شي والله العظيم راح اخذ الرقم ويبي يجيب صاحب هالرقم
يقول والله مايروح من يديني راح للهيئه وقال والله لو انك موب بنت عمي ان ارميك عند اهلك واوديك للهيئه واخلي العالم يعرفون
باللي سويتيه ي الخاينه ي الخ قذف وكلام مالها داعي اكتبه ،، والحين انا خلاص معاد ابيه ابي اتطلق منه بس اخاف
يعلم علي وكذا مع العلم انا والله العظيم اني سيده لا اللف ولا ادور وكنت انقد وانصح بس هو السبب عذبني
لدرجه انه مايخليني اكلم احد ماعندي احد اشكي له ف اظطريت اني اكلم لكن والله توبه ارجع لهالشي
كل ماتهاوشنا يذكرني باللي سويته خلاصص تعبت والحين ماخذ جوالي ما اكلم امي الا الصباح من جوال وحده من صديقاتي بالدوام
وفيه مشكله ثانيه انه يجيني من وراء كرهته قسم بالله
عطوني الحل وسوري على الاطاله حبايبي
يعني خلصت ناس تروحي تكلمي واحد اجنبي على مشاكل
كان ممكن تكلمين امك اخوك اختك خالك خالتك حتى عمك
مو رجال
احمدي الله أنه ما طلقك وستر عليكي
وبعدين صحيح هو غلط لكنك مخطئة الأكبر
ومشان مشكلتك التانية قولي لجوزك حرام وقوليلو الدليل من القرآن
والله يصلح اموركم
تعميها ليش؟؟
هو غلطان و انتي زدتي الغلط غلط ، اجمل شي
البراءه و إنك تكون مظلوم و لو ان الظلم يذبح
بس وربي اهووون اهوون من أن زوجك يمسك عليك زله
و ما اي زله بنظره خيانه لا تحتمل التصحيح مطلقاً..
و الله ما انصحك تطلقي اثبتي انك شريفه
و ادعي ربك ان يحنن قلبه عليك و ان يسامحك ..
كان سولفتي ويا بنات يعني أتوقع في قيمزر في بنات
مب لازم تسولفين ويا أولاد بس لأنه عطاج وجه
وغلط أنج عطيتيه رقمج خير إن شاءالله
أنا ما ألوم زوجج يوم شك فيج
كان مفروض تثبتين له عكس ما كان يتوقعه منج من بداية
لا تثبتين له شكوكه الي ماكان لها من صحة في بداية
حاولي قدر إمكان تثبتي له أنج ندمانة وأنج ما عاد تكرري هذا غلط
وصح مستحيل بينسى الشيء الي فعلتيه بسهولة
بس مفروض أن يسامح مب كل شوي يذكرج
صدق أن رياييل يوم يسوون غلط نحن نسامحهم وما نذكرهم وهم عكس
يعني لو تطلقتي وين بتروحين بترجعين لبيت أمج وعقب شو
ع الأقل الحياة الي عايشتها كثير يتمنونها
وكل وحدة تروم بأسلوبها تكسب قلب ريال و تخليه ينسى الي سوته
موفقه~
ربي يعينج~