السلام عليكم حابه اعرض مشكلتي واتمنى تفيدوني بأرائكم انا سيده متزوجه من احد عشر سنه وعندي اطفال ولله الحمد زواجي كان تقليدي زوجي انسان بسيط غير متعلم كان عايش في قريه كريم غير بذئ يحب يعيش سي السيد شباب لاكن بقلب شايب المهم هو وبس تفكيروه جنسي بحت ومايراعي اي شي غير هواه عيونه زايغه لاكنه مايغازل بشكل صريح من بداية الزواج عرفت انه ماراح نكون منسجمين انا مافي الصفات الي هو يبي يعني انا ماني رشيقه جدا ولاني بيضاء جدا لاكني متعلمه ومتفهمه وعلى طول اسنده بكل شي يعني انا يده وعقلهواتجنب زعله وعمري ماحسسته اني انا فاهمه وهو لا في الي شي دائما استخدم كلمة ايش رايك او زي ماتحب نسيت اقول انه النقاش بيننا معدوم لانه بس يامر ومايرضا اني اناقشه بشي ولاعندنا اي شي مشترك حتى مثلا بالتفزيون لما نشوف فلم ولازم الفلم يكون اكشن علشان هو يهتم باحركات تلاقوني بس اشرح مين مع مين هذا بشكل عام المشكله بدئت لما سكنو عندنا جيران من جنسيه عربيه الزوج سعودي والزوجه لا كانو مره طيبين على طول نرسلهم ويرسلولنا ادرجة انه ولدهم ينام عندي كانواحيانايسافرو لمدة يوم يومين والولد عندي ماكنت اضايق حتى لما ياسافرو اجازه طويله كنت ارسل الاكل لولدهم الي في الجامعه ماكنت ازورهم كثير ولا يزورني كثير بس على طول متواصلين بحكم اني موظفه وكانت جارتنا عندها اخت مطلقه جات السعوديه زياره انا ماشفتها الا في المصعدبس سلام وعليكم السلام هذي الاخت لفت على زوجي وماكنت عارفه الرجال اتغير لدرجة انه والله ماصار يدخل البيت الاللنوموالكل لاحظ تغييره المهم وكانت تواعده حتى في الليل كنت شاكه فيه انه يعرف وحده بس ماكنت ادري انها اخت الجاره وفي يوم لقيت رساله بجواله منها باللهجه حقتهمووجاهته وقلي هذي وحده اعطتني الرقم وانا بس اتسلى معاها المهم كسر الشريحه ووعدني انه ماراح تتكرر بس انا ماصدقت وفي يوم الظهر ارسلت الجاره انها تبي تجي انا مره استغربت لانه مابيننا زيارات بهذا الشكل وكمان الظهر الحاصل استقبلتها وكان معاها امها واختها والله يابنات من لحظة مافتحت الباب ما رتحت وقلبي صار زي النار,دخلو المجلس شوفو ايش صار الام العجوزة انسدحت والجارة بس ساكته والاخت الي اول مره اشوفها قبل ماتجلس قالتلي انتي عندك شغاله بكم جايبتها لاني شارطه على خطيبي يجبلي,انابصراحه ذهلت رحت اجيب الضيافه لقيت جوزي مرابط عند المدخل لا وكمان يخترلي الكاسات الي راح اقدم فيها ’المهم راحو وبعد ماخرجو قلت لزوجي هذولي وراهم شي قالي انت تتوهمي وفعلا طلع زوجي يعرف الاخت ويحبها وناوي يزوجها ولما واجهته وصارت بيناتنا مشاكل كثير قلي انه خلاص قطع علاقته فيها وهو كذاب الجاره نقلت والاخت سافرت ومازالت المكالمات بينها وبين زوجي وكل شهر يحولها مبلغ واناساكته بس ادعي عليهم واحاول اني اكسب زوجي بس من جد اعاني خاطري مكسور قهرني لما كان عارف انهم جايين يتفرجو عليا وهو ساكت قهرني لما نصرهم عليا ولما طلعني بمظهر الغبيه هو الحين مصدق اني ما اعرف انه يكلمها او يصرف عليها انا ماعرفته علشلن اعرف اكثر وعشان ماهدم بيتي واتمنى الي عندها راي تفيدني
اتوقع المطلقة غوته بكل الوسائل وأكيد راح يطب
انتي حاولي تحكي له قصص فيها عبره عن رجال خربو. بيتهم وشتتو عيالهم
عسبت وحده وخان العشره ومن هذي السوالف عشان يبدأ يفكر في بيتكم وكيف راح ستدمر
والله يصلحه يارب
أتمني أشوفك سعيده
حاولي تتمسكين بزوجك الله يخليه لك ويسعدك يارب
قلبي محسسني انو اتزوجها
الله يصبرك
ما إلك إلا الدعاء
وينصرك عليهم، ماشاءالله عليك وصابرة
الرجال تدرين وش يبيلهم يبيلهم حرمة تنفضهم نفض علشان يحترمونها،أنا أنصحك ياأختي نصيحة لله زوجك هذا تعودأنك تصرفين علية وهو قاعد ، خلي فلوسك لك أجمعيها لك وللزمن
والله ماتدرين وش يصير لك بعدين، أقطعي الفلوس عنة، يأخذ فلوسك يرسلها لها، وشوفي نفسك وأهتمي بجمالك،وشعرك ومظهرك،ولبسك، وخلي عطرك مميز.
والله يوفقك في الشهر الفضيل ويسخرة لك ياقلبي