زوجي يريد ان اعيش معه بالحرام -تم الرد 2024.

انا يا رب اتعبت كتير وانتظرت كتير انك تنتقم من الظالم زوجي وانا ما ارضيت اعاقبه بالمحاكم والسجون لاني تركته الك وانا مش رح ايأس رح اظل استنى اك تنتقم الي ولاولادي من هالظالم اللي اذاني انا واولادي كتير كتير وعمل عمايل فينا مجرده من الانسانية والشعور والابوة انا يا اخواتي ما بنام الليل من قهري ولمن انام بيطلعلي هالحقير في منامي وهو بيضرني وبيسبني,مش كافيه الضرب والمسبات والاهانات اللي اهاني اياها ابتعرفوا كيف كان يضربني ؟انا رح احكيلكم رحلتي الطويلة من الضرب اللي اكلته من هالظالم , اول مرة ضربني فيها كانت في شهر البصل لمن كشفت كذبه وخداعه في البيت اللي وعدني فيه كنا قبل الزواج متفقين نقعد عند اهله اربع شهور لحد ما يطلع المستأجر من البيت اللي كان المفروض نعيش فيه في منطقة غير المنطقة اللي اهله ساكنين فيها وكان امفهمني انا واهلي انه البيت اللي بدنا نسكن فيه اله يعني باسمه وطبعا كعادته اللي اكتشفتها بعد الزواج انه بكذب في كل صغيرة و كبيرة طلع البيت باسم ابوه وكنا متفقين انه ما انجيب العفش الا لما نسكن في البيت اللي كان المفروض انعيش فيه واللي صار انه جاب الاثاث الجديد في البيت اللي عند اهله وقال بدنا نسكن هون عند اهله وليش انا ارفض واقوله لا اتفاجئت بوابل من الشتايم السافله واللي بتمس شرفي وبصراحه انا اول ما اسمعت هالمسبات السافله اللي بتمسني وبتمس امي واختي صابتني صدمه وما كنت امصدقه شو بحكي ولحد اليوم ما بنسى هالموقف الفظيع . عمره ما حدا في الدنيا شتمني كلام سافل ومنحط عمري ما اسمعت وانا عند اهلي مسبه سافله ويمكن ما تصدقوا اذا قلتلكم اني لليوم مصدومه من هالموقف اللي صار شبه يومي في حياتي مع هالنذل ولليوم هالموقف بنعاد في ذاكرتي كل يوم كأنه صار قبل شوي انتوا متصورين كيف بكون شعور واحده عمرها ما سمعت مسبه عليها ويا ريت اكتفا بالسب قام يضربني عشان قلتله ما اتسب والله شاهد اني عمري ما سبيته وانا ع ذمته لاني كنت اتذكر كلام ابوي لمن وصاني اني ما اشتم زوجي حتى لو حط السكين ع رقبتي وخوفا من لعنة الملائكة.كيف اول مرة ضربني فيها هالظالم مسكني من صدري ومزع بلوزة البجامة ومزع الفانيلا وبطحني ع الارض ودعس ع راسي بكندرته وصار يفغص براسي بكندرته وبعدين جرني وانا شبه عريانه ع الدرج اللي في وسط البيت وصار يخبط راسي بالدربزين وينتف شعري وانا احاول اساعد نفسي بس ما قدرتله وبعدها خبطني خبطه قوية ع داني وما وقف ضرب الا بعد ما سال الدم من ذاني وصرت اترجاه يوقف عن ضربي واخدني عند دكتور صاحبه لانه خاف انه الشرطة تتدرى . هذه كانت اول مرة وبعدها صار ع اي شي يضربني وانا كنت مجبوره اسكت واذل حالي عشان ما يشمتوا الناس في لاني كنت متزوجه قبل منه واطلقت فكنت ما بدي افشل في زواج تاني مع العلم انه زواجي الاول كان ع الورق لانه زوجي الاول كان عنده حاله نفسيه منعته انه يعاشرني معاشرة الازواج وكان يستحي مني لدرجة انه كان يغير ملابسه بغرفه تانيه مع العلم انه كان انسان عنده دين واخلاق ويا ريتني صبرت عليه احسن من هالزاني اللي اتزوجته . وهيك صار هالظالم يستغل اني حريصه اني ما اطلق منه وصار يذلني هو واهله كل ساعه وكل يوم ويضربني وانا حامل وفي حملي التاني قعد ينط في بطني و يضربني في القشاطة بده يقتل الجنين وضله يضرب لحد ما شاف اني بنزف ولكن قدرة ربنا حمت هالجنين اللي كان عمره شهرين وطعمني ربنا كمان صبي وفي حملي الثالث ضله يضربني لحد ما قتل الجنين اللي كان عمره اربع شهور . ومن يوم ما اتزوجته وهو في كل كبيرة و صغيرة بحكيلي انت طالق يمكن صار حكيها عشرين مرة بعد ما اجبرته يروح ع المفتي لانه حكاها من قبل كتيروالمفتي حسبهم طلقتين وبعدها طلق كذا مرة والمفتي قاله انه احنا امحرمين ع بعض وما قبل ياخد ورقه من المفتي وكذب علي وفي مرة من المرات وهو امعصب اعترف بالحقيقة وبعدها قررت ما اعيش معه مع العلم اني كنت عايشه معه لمدة شهر لحالي بعد ما ابعدت اولادي عنه لاني اكتشفت انه شاذ .وبعد ما ابعدت اولادي اطاوشنا وقتل اللي في بطني الحمل الثالث اللي حكتلكم عنه ويومها اعترف بكذبته عند المفتي.وهلا بدوا اعيش معه بالحرام وبيحكي اني ع ذمته بس والله العظيم انه كذاب وانا متأكدة انه العيشه معه حرام وزنى ومستحيل ارضى لاني متأكدة مليون بالمية انه حرام وابوي واخوي بشهدوا . انا بالحلال مستحيل اعيش معه بعد اللي عمله ومستحيل اترك الاولاد دقيقة لحالهم معه لانه سافل كتير كتير وما بميز انه هادا ابنه ولا بميز حلال من حرام ولا بعرف اي قيم انسانية او اخلاقية وانا من يوم ما اتاكدت انه هو امحرم علي صرت اردله كل الشتايم السافله عشان ارتاح شوي وهلأ كالعادة عامل حاله محترم ومهذب وطبعا كله تمثيل زي دايما لدرجة اني بردله مسباته وبظل ساكت امفكر اني بعيش معه بالحرام. اهلي لحكوا ما اسبه عشان المحكمه والقاضي ما يخدهم ضدي بس هادا هلا مو زوجي حتى لو قانونا مو مطلقه هادا بستاهل مش بس المسبه بعد اللي عمله في ابنه هادا بستاهل الرجم.

ربي ينصرك ويهديك للصواب