السلام عليكم اخواتي انا محتاجة مساعدتكم ونصايحكم فارجوكم ساعدوني انا مشكلتي انه زوجي بيغلط كتير بالحكي معي وبيضربني باسباب تافهة وبيكبر بالحكي معي…وبعد شوي بيعتذر مني وبيحكيلي انه غلطان وانا بسامحه بس بيرجع ببضربني والله لاسباب تافهة ومو مستاهلة…المشكلة اني تعبت من هالحالة معه واحيانا بفكر اطلب الطلاق بس برجع بتراجع بقراري لاني بحبه كتير وما بتخيل حياتي بدونه وهو لاني بيعرف هالشي عم يتمادى معي بالحكي والضرب…الله يوفقكن ساعدوني وقلولي شو الحل؟؟؟؟؟
|
المشاركة الأصلية كتبت بواسطة مشكلتي
 لاتكلميه بس قدام اهلك اعملي حالك تمام معه وإذا دخلتم الغرفة احقريه ،، معليش بس اهلك وينهم عنك ؟؟!!؟
|
اهلي أنا مابخبرن بالموضوع مشان ما تكبر القصة …خصوصا انه نحن قاعدين عندهم بخاف احكيلن يقوموا يحكوا معه شي كلمة تزعجه…والله مو عارفة شو ساوي والله يا اختي اشتهيت شي يوم يغازلني لك والله بعرف العرايس كلن بيتدللوا وازواجهن بيغازلهون…ما بعرف ليش هيك عم يتعامل معي مع اني والله ما برفضله طلب وشو ما قلي بقله حاضر…وياويلي اذا قلتله لأ والله ليحطني ويقتلني او بيغلط علي
لكن لاتسمحين له يمد يده حاولي تمسكين ايده لو بيضربك
خليك قويه شوي كل شي يهون الا الضرب