السلام عليكم …
حبيت أنقل لكم هذه القصة
وأتمنى أن تحوز على إعجابكم
—————————————————————–
يومِيات محمد و زينب
انزين البدايه
زينب عندها 3 خوات وهي الرابعه
وعندها اخو واحد وامها وابوها ويدتها الي مغربلتنهم
انزين الأم والأبو و اليده ام الأبو
انزين اخو زينب الهو العود اسمه علي و عمره 23
تالي تجي اختها سارة عمرها 20
تالي تجي هي زينب عمرها 18
تالي تجي اختها مريم الي عمرها اثنا عشر سنه ,,, انزين هذي عائلة زينب
انزين عائلة محمد
هذا محمد ولد طائش
عنده خت سمها ايمان عمرها عشر سنوات
واخوه حسين سبع سنوات وإخته فاطمة 16 سنه
وهو عشرين سنه
يلا نبدأ الحلقه الاولى من يوميات :: محمد وزينب ::
******* ـــــــــــــــــــــــــــــــــــــــــــ*******
*
في ليله من ليالي العطله الصيفيه ,, صار محمد متملل ولا عنده شغله شوفوا ويش سوى
محمد : اوووه ويش هل الملل ,, افف انعل ابوها حاله ما ليي الا اطق رقم واذا طلع رقم بنيه خير واذا ما طلع في الطقاق
وقام حضرته يطقق ارقام هرار ما سمع الا : ريال : الوووو ؟؟؟؟ من . تحجى وصمخ جلاب ياخدك
محمد : بللللييييي هاويش هل الحظ وقطعه
رد قعد يهر ارقام ما سمع الا صووت بنيه
زينب : الووو من معاي
محمد : احم هني محمود ؟ (( يتعلف ))
زينب : لا الضاهر النمره غلط خووي
محمد : اوكي مسامحه اختي
سكرو التفلون
محمد استانس قال خوشش ,, باسيف الرقم عندي
بعد جم ساعه قام حضرته كل حين يطرش ليها مسجات
قامت هي اتصلت له : الوو ,, انت ليش تطرش ليي مسجات انت من ؟
و ويش تبغي ؟
محمد : لا بس يعني حبيت اتعرف
زينب :
انزين مر سبوع وهم على هل الحاله يعني يتصلون الي بعض ومسجات
المهم صارو فري ويا بعض عادي مو دلاعه
تتكلم وياه كأنه اخوها
عاد محمد عنده قطوة يحبها يموت عليها
اتصلت زينب الى محمد
شال التلفون : هلا , ويش تبين
زينب بصوتها العادي مو دلاعه :ويش ابا بعد ابي اتكلم وياك
محمد : روحي انا مشغول بحبيت قلبي
زينب :اي حبيبت قلب بعد؟
محمد : هي بصراحه اني احبها اكثر منش
زينب : صدق جليل حيه ,, وسكرت التلفون
رد اتصل شالت التلفون : وي وي ويش تبا روح الي حبيبتك
محمد : حبيبتي طلعت .. هبول تدرين منهي حبيبتي الي اتكلم عنها ؟؟
زينب : منهي اني ؟
محمد : لا يبا انتين
زينب : منهييييييييي
محمد : قطوه خخخخخ
زينب : ههههههههه حسبي الله على بليسك الحين هي ويش تسوي ؟؟
محمد : قلت لش طلعت ,, المهم انا الحين بروح ويا الربع
زينب : يعني الربع اغلى مني
محمد : اوهو بدينه بالمقارنه
زينب : بي بي يت يدتي … وسكرت التلفون
اليده : أهو أهو اتصلي ليي بيت ابرار رفيقتش ابي اچالم أمها
زينب : انزين اوف .. اتصلت زينب وقعدت اليده تهرهر وتبربر يمكن نص ساعه
عاد اتصل محمد وصار الخط مشغول
زينب : بس عاد خلصتين الفوجر وتالي سكرت التلفون
رن التلفون وشالته : توها بتقول الو الا اختها مريم يايه
مريم : هذي من أبرار ؟؟
زينب: نعم ؟ ما يخصش قومي فچي عني
مريم : لا والله ؟ ماني قايمه الا اذا عرفت
زينب : ولاخير قومي لا تخليني اصرخ
مريم : زين زين ما اقدر على صراخش يهز البيت ,, يمه
زينب: اي احسن
وتابعت زينب كلامها وي محمد
يوم زينب تتكلم ويا محمد كان محمد ويا ربعه
انزين عاد ربعه مثله
الهو يقول انزين متى بتتصلين ليي
الهو يقولون له ربعه منهي هذي الي تباها تتصل لك
قال : انتون هادوي هل التفكير هذي اختي
قـالو: اي كلش اختك …. هههههههههاااااي
وتالي قال ليها باي وسكر التلفون
ومهل وايد ويا ربعه
عقب كم ساعه تمللت زينب من النت والتلفزيون
قالت اروح اتصل الى محمدوه
وتصلت له وصار ليهم نص ساعه إلا بييت (( بجيت )) اخوها
زينب : يوووو جا اخويي
محمد : عادي قولي صديقتش
زينب : رووووح صديقتي في هل الحزة .. ودخل اخوها ومرة وحده سكرت التلفون
اخوها علي : من الي في التلفون
زينب : ها هادا اقصد هادي خالتي
علي : خالتي هل الحزة ويش تبا
زينب : ها … تقول تسأل عن امي
علي : والله ماعندها سالفه تسأل عن امي هل الحزة
زينب : اي اي ويش دراني بها
علي : قومي سوي ليي بيض يوعان ما تعشيت
زينب : اوه ما أعرف
علي : ويييييش ما تعرفين وعمرش 18 امن بلوه قومي قومي
زينب : اوه روح سو لك گباگب الي صادهم ابويي العود اليوم
علي : صدق في گباگب
زينب : لالالا امزح وياك (( وتقول في قلبها : احسن شي بعطي الگباگب الي محمد ))هههههه
على : مينونه بس شفيتيني عليهم
المهم قومي سوي ليي بيض
زينب : انزين (( وتقول في قلبها : احسن من ياخد الگباگب )) خخخخخ
وقامت تسوي البيض حق اخوها علي
تالي اكلها وراح نام
ردت اتصلت الي محمد وقالت له : محمد الحق
محمد : ويش ويش صاير كشفوش
زينب : لالا .. عندنا گباگب ابي ايبهم لك
محمد : الحيييييييييييين
زينب : لا هو انت صادفت
محمد : متى عيل إفادي في گباگب من زمان ما أكلت
زينب : انزين تعرف بيت حجي علي دون صوبه خباز انت روح صوب الخباز ؟؟
محمد : اي اي اعرفه
زينب : روح صوبه الساعه وحده الظهر
محمد : انشاء الله من عيوني … يعني انتين بتكونين هناك ؟؟
زينب : لييييييي چي اني بقرة اروح هناك چان تشوفني
محمد : لوي ماتبيني اشوفش لا يكون تخوفين خخخخخ
زينب : حدك عاد ترى اني احلى مني ما تحصل
محمد : المهم لوي تبيني اروح صوب الخباز
زينب : لان بتحصل الگباگب هناك
محمد : اهاا ,,, شكرا
زينب بدلع صوت : عفــواً
محمد : الا منعمه صوتش
زينب : اووه يلا ول ابي نام فيي نومه باي
تلتقي معاكم في الحلقه القادمه
__________________
تحياتي
قعدت زينب حضرتها من النوم الساعه 12 وبسرعه ودت الگباگب المكان المحدد
ورجعت البيت
زينب : ويش الغدا ؟
الابو : الغدا عدس
زينب : يعني فدمتكم في ناس يسوون غدا عدس ؟
الا الجده قابله : ويش فيه العدس ؟ ها؟ بنات هل الزمن طايحين حظ عيل الله ذاكر العدس في القرءان وهي تقول ما احد ياكله
الابو : هدي يا امي ,, هي متجبره ومتكبره ما تبى الا من المطاعم
زينب : بل ويش هل الحاله اكلوني بقشوري صدق متخلفين
ساره : يا علي كل هواش صلو على النبي ,, باقول ليكم شي
الابو : ها ويش ؟
ساره : حصلت ليي شغل
الابو : اوووو بالمبارك يا حبيبتي , ها هذي البنيه العدله الله يوفقش
زينب: صدق ما عندش سالفه ولا احسبها بتنخطب بعد
اليده : وجم البيسات ؟
ساره : ما ادري ,, هم توهم مثبتيني في الشغله ادعو ليي يعطوني معاش عدل
اليده : بحق هل الجمعيه ((يعني يوم الجمعه )) ربي يوفقش ويسعدش
ساره : ان شاء الله
زينب : اووهوو كل واحد يهر لي من صوب باقووم اطلب ليي اكل من المطعم وبعدين بتصل الى محمد
بعد ما اكلت زينب الاكل راحت اتصلت الى محمد
زينب : ها ويش ؟ اخذت الگباگب ؟
محمد : لا ! اووو صدق نسيت,,, الحين باقوم آخذهم يلا باي
زينب : باي
تالي اتصل محمد اليها : الو زينب هاكم اخذتهم ,, فلله كلهم كبار الليله نهبس عليهم
زينب: هههه حشى مجبوس ؟
محمد : ههههه لا بس انا احبهم ونفس الشي ربعي ,, الا على طاري المجبوس انتين تعرفين تسوين مجبوس ؟
زينب : ها ,, اي اعرف وكل الطبخات اعرفهم بعد (هي زين منها تسوي بيضه )
محمد : اووو خوش بنيه عيل
زينب : احم احم شكرا
محمد : العفو يا الغاليه
زينب: اوووو روح مناك ترى اني استحي والله
محمد : ههههههههه انزين
محمد : هذا ويش هل الفوضى .. بيتكم كل فوضى
زينب: هذي الهبله مريم تطالع سبيستون
محمد : اييييييي سبيستون مالت اليهالوووو ههههه حتى اخواني يطالعونها
زينب: اها بس اني يعني ساعات اطالعها هي مي بس مالت يهال عن الملل اطالعها
محمد : هاهاها زين زين فهمنا
زينب : اني احب اكثر شي كوكب بون بون
محمد : هذا بون بون يطلع وي ؟
زينب: هذا كوكب الحيوانات جذي يعني
محمد : هع هع يعني انتين حيوانه ههههههه ؟
زينب : ويش قصدك يعني ؟قاعد تشبهني بالحيوانات ؟ لكن ما علي الي تعطيك ويه
محمد : هي تعالي انا امزح وياش
زينب: لا ؟ تمزح ؟ قول تتمسخر
وقطعته في ويهه
محمد يقول في قلبه : بل لهدجه هي عصبيه ,, بعدين اتصل ليها اراضيها ادري عنها تتغلى عليي خخخخ
نلتقي في الحلقه القادمه
__________________
تحياتي
الأم : كلللللللللللللووووووش
زينب : ويش صاير بعد .. مثبتين سارة في شغلها ؟
الأم : ان شاء الله
زينب :عيل ليش كل هذا
الأم : اختش بتنخطب ان شاء الله
زينب : صـــــدق ,, على من ؟
الأم : على واحد اسمه محمد ولد عائلة كذا كذا
زينب : ويييييييش ؟
الأم : يووو ويش فيها هذي بعد
راحت زينب تركض حجرتها
وعلى طول اتصلت الى محمد
زينب: هــي انت :
محمد : ويش صاير ؟؟؟ ليش معصبه ؟
زينب : انت ويش اسم عائلتكم
محمد : ليش ؟
زينب : انت قووول
محمد : كذا كذا
….زينب : يعني انت
محمد : انا شنو ؟
زينب :
وسكرت التلفوون في ويهه
محمد : هذي ويش فيها ,, انا ما سويت فيها شي
راحت زينب على طووول الى ختها
زينب : انتين
ساره : هلا زنووووب
زينب : متى بيون ؟
ساره : من ؟
زينب : الي بخطبونش ,, لا تتهيبلين
ساره : ان شاء الله الليله .. بس ويش فيش مستحمقه ؟
زينب :اووووه روحي مناك انتين اهيء اهيء
ساره : يؤؤؤؤ ويش فيها ,, تعالي
راحت زينب وقفلت الباب عليها وهي تصيح ومن يتصل ليها محمد تقطعه في ويهه
محمد : هي ويش فيها ؟ بطرش ليها مسج
وصل زينب المسج و قرأته
زينب: يسوي روحه ما يدري ويسأل ويش فيني بعد
ساره : طق طق
زينب : من ؟ ويش تبوون ؟
ساره : اني اختش بطلي الباب
زينب : ماني اني ما اشتهيش كريهه
ساااره : يؤ يؤ ليش ؟ انتين افتحي الحين
زينب : ماني روحوا عني عساكم المووووت كلك
ساره : يا علي ,, اكيد في السالفه ان
طرشت زينب مسج الى محمد تقول فيه : بس لا تعرفني ولا اعرفك عقب الي سويته
رد محمد : انا ويش سويت ؟
قالت زينب السالفه اله كلها
اتصل محمد : ههههههههههههه هههههههههه
زينب: وتضحك ؟ احر ما عندي ابرد ما عندك
محمد : يقطع سوالفش ههههههههه قتلتيني من الضحك وانا احسب شي جايد
زينب : يعني تباني اضحك ؟ واستانس ؟
محمد : ههههههههه انتين ما تدرين ويش السالفه هههههههه الحين بقول لش
زينب : قووول ,, ما اقدر اصبر
محمد : هذا الي متقدم الى اختش يصير عـــــــــمي
زينب : ها
محمد : ايييي عمي اسمه محمد وعمره 24
زينب : صدق ؟ اشوى …. هبالتي احسبه انت
محمد : هبله ولا تتأكدين
زينب : اعذرني لاني من سمعت محمد واسم عائلتك استخفيت و لا انت بعد قدها فشكيت في الامر
محمد : افـــــــــا ,, تشكين فييي ؟
زينب: الصبيان هل الزمن ما ليهم امان
محمد : لا انـــــــا غير
زينب : اي مبيــــن عليك
محمد : عساااش السعاده ,, لهدرجه تحبيني
زينب : اي
محمد : انـــــــــا بعد احبــــــــش يا الورده
زينب بخجل : ههههههههه
محمد : ويش فيش ؟
زينب : لا ولا شي ههههههه
محمد : تسلم لي هل الضحكه
زينب : ,, اني الحين بقووم
محمد : وين ؟
زينب: ببطل الباب الى اختي وامي شاكيين فيي
محمد : بل سويتينها وقعه في بيتكم الحين بكشفونش
زينب : لا باضبط السالفه لا تخاف
محمد : اووكي ,, تحملي بروحش
زينب : انت بعد ,, مع السلامه
وسكوا التلفوون
زينب ظلت تفكر ويش تقول ليهم
الأم : بطلي الباب لا خليت ابوش لين جا يكسره عليش ,, طايحة حظ
سارة : ويش فيها عليي هذي
الأم : ويش دراني بها من قلت ليها اسم الصبي وعائلته صادفت عساها صداف اكثر
بطلت الباب زينب : وي ويش فيكم
الأم : وتسألين بعد ويش فينا .. انتين الي ويش فيش
زينب : لا فيي شي ولا شي بس مستانسه على ان اختي بنخطب
سارة : كل هذا ومستانسه
زينب : اي دموع الفرح .. ولا ما في دموع فرح فهل البيت , والله
الأم : مافيش شي ? وانتين تدعين علينا بالموت
زينب : ها .. لا اني ما كنت ادعي على حساب هذا الموضوع
الأم : عجل على ويش ؟
زينب : على حساب شي ثاني .. لان انتون ما افتكرتون في عيد ميلادي ومستانسين على عرس بتش
الابو : ويش هست هني ؟ ويش السالفه الكل متجمع على الحجره ؟
الام : هل المقرووده .. ما ادري ويش سالفتها بدل ما تبارك الى ختها راحت سوت وقعه
الابو : وانتين كل هوشه وياش ؟
زينب : اووو انتون اصلا ما تفهموون شي رووحوو مناك
علي : زينب ,,, زينب
زينب : ويش ؟
علي : هاش هديتش
زينب : ايي صدق ,, ما في الا انت تذكرني
بطلت زينب الهديه
زينب : الاااي حلييو النعال شكرا شكرا …. بس جيفه عرفت مقاسي
علي : شفت نعالش وعرفت
زينب : خخخخخ
الام : يلا امشو اتغدوووا
اليده : ويش عندش يا زينب قالعه الفريق
زينب بصوت منخفض : يلا خد هي صدق ما عندها سالفه
اليده : ويش عندش تبسبسين ؟
زينب : لا ولاشي اوف انتين روحي اكلي غداش وفكينا
اليده : تتأفأفــــــــين ؟ ما تعرفين كلام الله ( ولا تقل لهما افا ولا تنهرهما وقل لهما قول كريما )
زينب : يلا خد ,, جي انتين امي ؟
اليده : اني بحسبت امش يا الخانسه
زينب : انزين اني ابا اتغدى ممكن تكرمينا بسكوتش
الأبو : سكتي يا أمي عنها هذي تعطينها چلمه تعطيش بدلها عشر
اليده : اي .. بنسكت عنها بعد ويش نسوي في بتك لغويه
عقب ماتغدوا راحت زينب وامها وسارة يجهزون الى الناس الي بجيون يخطبون سارة
جت اليلل وجوا الناس
دخلوا وكرموهم وسولفوا وشافوا ساره وعجبتهم و عطوو سااره صورة الصبي ,,, واتفقوا ان يردوون عليهم عقب يومين
يوم طلعوا الناس
الام : ويش يمى ؟
ساره :
زينب : يلاا قوولي اي لو لا
الابو : صبروا شوي عليها ما مداها تبلع ريقها
اليده : خلووها يمى تفكر
الام : اني ما اشووف فيه عيب صبي مؤدب وطيب
الابو : ايي محمد معرووف عنه في الديره خوووش صبي
زينب: يلا انطقي جلمه
ساره : ايي موافقه
الام : افضل الصلاة والسلام عليك يا حبيب الله محمد كلووووووووووش .. مبروووووك يا حبيبتي
ساره : الله يبارك فيش
الام : الفال الى اختش زينب
زينب : ان شاااااااء الله
بعد يوميـــــــــــــــــن رن تلفوون البيت
الام : الو
المره : السلام عليكم
الام : عليكم السلام ,, شخبارش
المره : الحمد لله انتون شخباركم
الام : زينين
المره : ها ويش جواااب البنت
الام : ان شاء الله موافقه
المره : زين عجل حصل خير
الام : الخير بوجهش
وقعدوا يسولفوون ويحددون متى المعادل والمجله وهل الاشياء يعني
زينب : ويش ؟ هيمن هي ؟
الام : هذي ام الصبي ,, وينهي ساره
وراحت الام تتكلم مع سااره وتقول ليها على الي صار
زينب : الاااااااي بصير عندنا عررررس ,,, كشخـــــــه
رن تلفوون زينب
زينب : هلاااا
محمد : هلا بهل الصووت هلا
زينب : بنصير نسبـــــــه
محمد : صدق ؟ لا يكوون اختش وافقت على عمــــــــي
زينب : ايي بعد يومين المجله
محمد : صدق ؟ في بيتكم ؟
زينب : اي عجل في وين
محمد :اووووو عجل باجي عشان اشوف بيتكم ويمكن اشوفش بالغلط
زينب : ههههههههه ويش يشوفك ايايي
محمد : يمكن بالغلط خخخخخخخ
زينب": ههههههه
محمد : ان شاء الله الفال لـــــــش
زينب :
محمد : ما تدرين ؟
زينب : لا ويش
محمد : فكرت اخطب
زينب :
محمد : عاد قولي من ؟
زينب : من ؟
محمد : وحده مو من ديرتنا
زينب :
محمد : ويش فيش ؟
زينب : اهيء اهيء
محمد : هههههههههههههههههه لا تصيحين ,, الحين اقول لش من
زينب : من ؟
محمد : هي الحين تتكلم ويايي
زينب : هههههههههه عساااك السعااده ,, انت كل اسويي ليي مقالب
محمد : ايي اني اسويي جذي للي احبهم
زينب : لكن ليش ؟ عشان تخوفهم
محمد : عشان اعرف مدى حبهم لييي خخخخ
زينب : عليك حركاات .. وان شاء الله اكتشفت مدى حبي لك ؟
محمد : اي اكتشفت هههه
زينب : زين والله
محمد : يللااا الحين اخليـــــــش
زينب : وين ؟
ِمحمد : بارووح اوصل امي و اختي السووووق
زينب : اهااا ,, اووكي اتحمل برووحك عن الشارع
محمد : ههههههههه ان شاء الله عمتي ,, انتين بعد تحملي بروووحش عن القطوه لا تشمخش
زينب : ههههههههههه ان شاء الله عمي
محمد : هههههه بااي
زينب: باااااااااااااي
=============================
وإن شاء الله نواصل في حلقات قادمة
__________________
تحياتي
الموقع / حى الخليج في الرياض للجاديين فقط التواصل عن طريق الخاص
شكرا خيو ع القصه فله فن
