السلآم عليكم ..
يَ عضوآت هالمنتدى أرجوكم سآعدوني أنآ ما لي أحد أستشيره غيركم 
أنآ عمري 16 سنة وأنآ أكبر أخوآني … والحمدلله عآيشين !
وامي تقريبا عمرها في أوآخر الثلآثين يعني مو كبيره وصآر فيها كيذآ
المهم … قبل فترة كآن المغرب أمي كآنت بالغرفة تصلي وأبوي بالعمل
وإحنآ لآهين .. فجأة نشوف أبوي جآ من العمل بدري على غير عادته
ورآح لأمي على طول وهي تبكي مررره !! وتكلم معاها شوي وطلع ,
وأنآ حاولت أعرف وش يصير 
؟؟؟؟؟!!!
المهم فهمت أن أمي حست بخنقة وحست إنها بتموت وإتصلت على أبوي وقآلت له ..
وكل فتره نشوف أمي تصيح ووجهها محمممر بس ما تقولنا شي أبد 
أبوي جآب لها موية زمزم وزيت زيتون مقري عليه !
وجآب لها أشرطة الرقيه الشرعيه ..
بس لسه ما بدت فيه ..
واليوم جت وقآلت لي أنها حآسه إنها بتموت قريب !
وقالتي لي أنتبه على أخواني
أنآ سكتت مآ قلت شي إنصدمت 
بنآت قولو لي شلون أسآعدها ؟ هل اللي فيها عين , حسد , وسوآس وشو ؟!
فكرت أبحث في النت عن الوسوآس وعلاجه وأكتب لها في ورقه وأعطيها ..
عشآن مآ أحب أواجهها في هالموضوع >> تخنقني العبره !!
سمعت عن تبخير البيت بالحبة السودآء شرآيكم ؟!
الله يخليكم سآعدوني لأن أهل أمي بعيدين عنآآآ مررره ومآ نشوفهم كثير
وسمعت عن الادوية حقت الاكتئآب وكيذآ .. أنصحها فيهم ؟
***يَ ليت ينزل موضوع بأسرع وقت لآ حرمكم الله الأجر **
الله يخليك لاهلك ويبارك فيك
والله يابنتي الغاليه حاسه فيكم
امي تجيها هالحاله لما ماتاخذ علاجها وحبوب النفسيه والاكتئاب
تبكي تقول بموت والخ
لكن لاتقيسي حاله امي ع حالة امك
انا اقولك..شجعيها حاولي تخرجينها من جو الكابه
شغلي قران في البيت
وخليها تقرا على نفسها
لو انتي تقرين على المويه الي تشربون فيها بالبيت
الفاتحه سبع مرات والكرسي والمعوذات بنيه الشفاء والسكينه
بدون لاحد يدري خوذي كاس واقري عليه ثم صبيه على المويه
وخليهم يشربون منها
الله يفرج همكم
هذه الأعراض ممكن تكون من القولون العصبي ,
وممكن المعده العصبي ( بالرغم من أنهم قالوا مسمى المعده العصبي مو دقيق) ..
بس خلي أمك تروح المستشفى وتكشف وكمان تستمر على الرقيه الشرعيه وماء زمزم وصدقيني فتره وتعدي
وما في أحد يقدر يعرف متى يموت
ويقول الشيخ أبن باز
""الإنسان لا يعلم الغيب ، ولا يشعر بالأجل " ..
فأمك أحساسها هذا ناتج من القلق اللي أكيد له سبب عضوي أو نفسي .. فأطمني ياقلبي ..
وممكن جدتك أم أمك تجي عندكم أو أنتم ترحون عندهم هالفتره
بس أنت لا تخافين ولا تقلقين بالعكس طمني أمك ترى ياكثر الحالات اللي هى مثل حالة أمك ..
عالعموم الدكتور النفسي يشخص المرض ويعمل خطة علاج قد تستمر 3 أشهر إلى 6 أشهر
وتكون أمك تخلصت بإذن الله من هذا المرض
والمرض النفسي مثل المرض العضوي الجسدي يصيب أي أحد وفي أي عمر
ويشفى الشخص منه بإذن الله لو سمع لنصائح الدكتور