السلام عليكم
بالبداية انا غير متزوجة
سؤالي ممكن يكون غريب شوية ومضحك
وهو لما تشوفك وحدة وتسألك انتي بنت مين وبيتكم فين ومين أهلك طبعاً ماسألت كل هذي الاسئلة الا وراها خطبة
طيب لما تسألني اي وحدة مثل ذا السؤال وشلون أرد بثقة وبدون مايبين عليّ الارتباك
يعني وش اقولها لما تسألني
((( أحس الاجابة بتنعقد بلساني وبطالعها وأضحك بس ههههه )))
بالتأكيد انا ماراح أتجاهل عليها واقول ليش تسألين لأنها بتكون متأكدة اني عارفة ليش تسأل
الله يخليكم وشلووووووووون أتفادى مثل ذا الموقف وانا ضابطة نفسي وواثقة بدون ارتباك
لأن بعد كم يوم راح يكون عندنا ان شاء الله اجتماع كبير وابغا اتفادى الاحراج الله يوفقكم ادعوا لي من قلوبكم يالطيبين أني أنخطب واتزوج واحد صالح طيب ذو اخلاق ونبيل وعزابي بعد الله يسعدكم لاتنسوني
جاوبوا على موقفي !!!! وادعوا لي ربي ينولني مرادي على خير @@@
مشكورين يالغوالي
ارجوكم اللي تدخل وماعندها فكرة بس تحط أيقونة عشان ترتفع معنوياتي او تحط آآآآآآآب خلاص يالغوالي ؟ ماتنسوووووووني 
اول شي ترا انا مو متزوجة بس ان شاءالله افيدك لانها دايم تحصل معاي بس ارد بثقة وبدون اي احراج..
طبعا اذا سالتك هذي الاسئلة جاوبي عليها بثقة
قوليلها
انا بنت فلان بن فلان
وانتي زي ما قلتي انه في اجتماع كبير فاكيد ان امك موجودة
اذا سالتك وحدة قوليلها انتي بنت مين وقوليلها هذي امي وعرفيهم على بعض وانتي اهررررررربي لانها اكيد بتصاحب امك ويبدأو الاسئلة مع بعض وانتي اهربي منها ههههههههههههههه
وبسس اما اذا كانت الوالدة مو معاكي
فقوليلها اني فلانة بنت فلان بن فلان اذكريلها اسم عائلتك والمنطقة اللي انتي فيها
والله يوفقك ويتقدمولك مية وتختاري اللي تبي
الله يبارك فيكي يا عسل
ان شاءالله اكون افدتك ..
والله انا ما صارت معاي الا مره وحده وطالعت للحرمه ومشيت وطنشتها من الخووووف والارتباك
طبعا انسي انها تفكر تسألني مره ثانية تلقيها تقول وش ابغى فيها هذي شايفه نفسها ما تدري اني هربت من الخووف
المهم
انا متزوجه بس مثل ما قلت لك ما مريت بهالموقف الا ذيك المره وبس
اتوقع تردي بثقة ومعاهم شوية خجل احس كذا حلو
وربي ينولك اللي ببالك
بهذا
بس احس ان وحده تلحقني ودريت انه سالت وخلصت وبس تقز عاد انا دوريني ههههههه
اذا سالوك عادي جاوبي بكل اريحيه
واذا تبي رقمك عطيها وعطيها تحويلات اذا لقت الخط مشغول ههههه
وسعي صدرك صح ربكه واحراج بس هيك التعارف موفقه
قولي انا بنت فلان عادي سهله السالفه ..
أرتبكي وأنحرجي لا أنخطبتي
اما الآآن أنتي بريئه …
والله يوفقك ويرزقك الزوج الصالح بأذن الله
ترى احيانا يسألو الحريم لقافه مو عشان شئ معين لذلك لا تفسر سؤال اي حرمه انه خطبه ومن هالكلام عشااان ماتنصدمي وتتضايقي لو ماصار شئ فاهمه علي اتمنى
والله يوفقك في ابن الحلال اللي في بالك
استغفري الله كثير وادعي وتلاقي الفرج باذن الله
بس شوي موقف مختلف .. زوجي شافني بمكان عملي
وبعدين امه دخلت مكتبي وقعدت تسولف معاي وتسألني
جم عمرج؟ مرتبطه؟ انتي من اي عايله ؟ وامج من اي عايله؟
طلعت تعرف عمه امي .. وطلبت رقمي .. ورقم امي