السلام عليكم
شخباركم بناات
انا حدي مخنووقه ولا ادري اش اسوي او ايش اقول ومالي غيركم افضفض له
انا ممتلكه صارلي سنه وتدرون مو حلو فترة الملكه تطول
لكن ظروف زوجي بالشغل صعبه جدا لانه عسكري قررنا الزواج بشهر اغسطس
بس للاسف توفى ابوي يرحمه الله بشهر 6 وكنسلنا الصاله وكل شي
ولكن اجازة زوجي ف شهر 8 وما يقدر يبدل لانها تجي بالاسم لانه عسكري تنزل برقمه العسكري واجازاتهم تقسم من الضباط واجباري ياخذونها وعشان هالاجازه قدم رساله حج الضابط عشان ياخذها بشهر 8 الحين ايش نسوي ايش نعمل ما يقدر يغير اجازته او يبدل مع احد وقال اهوه ياخذني لبيتهم بدون عرس بدون ربشه اهلي يحضرون بس ويجي اهوه ياخذني وانا وافقت بس خواتي وازواجهم رفضوا وامي تقول الرأي رأي زوجك واهوه اللي له كلمه عليك ولم خواتي رفضوا قالت خلوه ياخذها وبعدها تغير كلامها صارت وياهم مع العلم ما عندي اخ الحين ايش الحل برأيكم انا نفسيتي حدها تعبانه ومحتاجه اني اغير جو عن البيت وانتقل لبيت زوجي لاني دلوعة ابوي واكثر وحده وياه حدي تعبانه ساعدوني شلون اقنع اهلي بدون زعل وهواش بدون مشاكل تعبت وانا اتخيله بزوايا البيت تعبت وانا اتذكر صدى ضحكاته تعبت وانا كل يوم ابكي عليه واترحم له شوي وبنفجر واجن ومحد حاس فيني اشيروا علي دلوني بحل ارجوووكم تكفووون
اسمحولي ع الاطاله بس من الضيق والحزن اللي فيني
لان مسالة العرس باتت مستحيلة فالظروف الحالية
انا ارى الكلمة الاولى لزوجك لانه هو المسؤول عليك
وامك لازم تكون راضية عن اي قرار اتخدته
اما خواتك اذا ما كان عندهم سبب لموقفهم هدا فلا تاخدين رايهم بعين الاعتبار
الله يقدم لك اللي فيه الخير
ان شاءالله بقنعها
وعسى خير يارب دعواتكم بس
انفجر راسي من التفكير بين اهلي وزوجي
ادري بس انا ما ابي حتى ولو امي طلعت من العده انا ما ابي اسوي ربشه وحفل بس المشكله خواتي ورافضيييين شسوي ما ابيهم يزعلون
الخيمة لازم تكون قريبة من بيتكم او بيت اهل المعرس علشان دورات المياة وانتي بكرآمـهة .,
مولازم مطربة وحده تتكفـل تنزل بجوالها شوي من الاغاني الحديثة .وتحذفها بعد زواج .وبسَ
ف البداية تقديمات( بعد صلاه مغرب ) ثم طرب(بعد صلاه العشاء) ثم العشاء(الساعة 10) ثم طرب لمده ساعة ثم كل وحده تروح لبيتهـا .. "
يااا لييييت انا بدون اغاني وبدون شي ما رضو عاد بخيمه وهالسوالف