كلمة وداع الى اعز الأصدقاء
رسالة وداع للمنتدى واحلى المشرفات والصديقات :
بسم الله الرحمن الرحيم
السلام عليكم ورحمة الله وبركاته
انتهت لحظاتي الجميلة بينكم
كما ينتهي أي شيء جميل فى هذه الحياة بسرعه ..
وقد يزيد من قصر اللحظات الجميلة في حياتنا ترقبنا للحظات الوداع
بخوف منها ورجاء أن لا تكون قريبة
نودّها ابعد من تخيّلنا لبعدها
ولكن لابد من ان نصحو يوما على حقيقة الوداع
التى هي من حقيقة الدنيا التى نعيشها
أحببتكم وأحببت تواجدي بينكم
ولكن
تذكّروني دائما بالخير
وان كنت أسات لأحدكم
فليسامحني
وان كنت قصرت مع أحدكم
فليعذر تقصيري
واحملوا لي في قلوبكم كل ما هو طيّب
لكن لا مفر من أن أودعكم…وان شاء الله لي عودة عن قريب..
بس إذا (صار ما صار)…لا تنسوا بريق قلمي…واحتفظوا
بأوراقي وأشعاري….
فمن يدري؟…ربما عدت قريباً؟…..
وهكذا آمل…
اقول لكم وداعا … وليس وداعا …ولكن الى اللقاء القريب
الى (اللقاء القريب)
ان آسفة صديقاتي أنا رايحة لأسباب خاصه وما بعرف ايمتى برجع يمكن يوم يومين شهر أو شهرين الله وأعلم بس بطمنكم اني انشالله راجعة وبتمنى تسامحوني بحبكم كتير عنجد صديقات ولا أروع من هيك الله يحميكم الصراحه والله بحبكم كلكم وبتمنى نضل اصدقاء لاخر العمر
والله لادعي لكل وحده وقفت بجمبي وسألت علي والحامل الله يقيمها بالسلامه واللي بتستنى الحمل الله يبعتلها احلى مولود تفرح فيه ويعوض عليها
مشرفاتنا الحبيبات نيفين شكرا الك لوقفتك معنا والله يجزاكي الجنه ويبعتلك الولد عاجل غير اجل
حمامة السلام الله يرزقك على قد نيتك وين مختفيه الك فترة الله يجازيكم الخير كلكم
مستشارة ان شاء الله بيبعتلك اللي بتتمنيه ما احلاكي بتساعدي كل الناس ان شاء الله بتلاقي وقفتك معنا عند ربنا والله لا يحرمكم من السعاده
حبيبتنا الفراشه روحك روح الفراشه وان شاء الله بيبعتلك ربي كل اللي ببالك يا رب ويخليكي ويجازكي كل خير على وقفتك مع البنات
وما رح انسى المراقبات الله يكون بعونكم هههه على قد ما بتراقبونا وعلى فكرة من راقب الناس مات هما هههههه بمزح معكم الله يخليكم ويبعتلكم اللي ببالكم ويحفظكم ويجزاكم الجنه
ام يزن بتمنى تبعتيلي رساله عالخاص تبشريني فيها انك حامل
ام سوسن وياسمين الله يقيمك بالسلامه وبعد توأم الولاد الله يبعتلك توأم بنات هههه خليهم يجننوكي
hindo_3 الله يقيمك بالسلامه ويرزقك اللي بتتمنيه
بركان من الحنان بعد بنوتك التانيه ان شاء الله بتسمعينا خبر حملك بالصبي يا رب
small rose تسلمي يا احلى اخت على احلى دعوات كانت تطلع منك والله يحقق اللي ببالك
عاشقة الدعاء بستنى منك رساله عالخاص تقليلي شو رح تجيبي لاني بدعيلك من كل قلبي واللي من الله يا محلاه
ام لوكة الله يخليلك ملاك واختها ويتربو بعزكم وتشوفيلهم اخ عن قريب
حبيبي ظاظا رح ضل ادعيلك وان شاء الله بتفرحي بشوفة بنتك بين ايديكي وعلى سريرها ببيتك يا رب
المحجبه الله يخليكي ويحميكي انتي والبوبو والله انكم احلى خوات تعرفت عليهم
لحضة شوق رح افتقدك الله يقيمك بالسلامه
السيده الاميرة ان شاء الله بتفرحي ببنتك مع اولادك يا رب
هيما مبروك دخولك التامن وعقبال يا رب تحكيلنا انك ولدتي وجبتي ولي العهد اللي ما بعرف اسمو هههههه
خزامى الله يقيمك بالسلامه وتسمعينا دايما الاخبار الطيبه
حلوة يا ناس اليساندرا الزهرة البنفسجيه وجنات انتو احلى خوات بالكون الله يخليكم لبعض وما يحرمكم من الهنا بتمنى تسامحوني يلي ما ذكرت اسمائكم بس والله من الزعل اني رح اترككم مش عارفة اركز
بتمنى تسامحوني وتدعولي تمنيت اجي باخبارر حلوة بعد هالغيبه بس ظروفي ما سمحتلي كمل معكم ادعولي الله يفرجها علي ويرزق زوجي من واسع فضله دعواتكم ان شاء الله مستجابه بحبكم كلكم كلكم كلكم 
أكيد رح ننتظرك والقسم رح ينور بوجودك
لك كل الشوق والمحبة
كيفك ام منير والله حزنت على هذا الخبر كثير وان شاء الله ترجعي لنا سالمه وتخبرينا عن منير واحواله ننتظرك وان شاء الله ماتطول غيبتك ياشيخه انتي عضوه مهمه مشاء الله عليك وشاطرة في كثير من الامور الله يوفقك وادعيلك من كل قلبي الله يسهل امورك ويوفقك 
ربنا يقومك بالسلامة وتفرحي بمنير بين اديكي
ويفرجها على زوجك ويرزقه
يا ريت ترجعي وتطمنينا عنك وعن منير واحنا ما رح ننساك ابدا ابدا
ورح نضل ندعيلك
وان شاء الله ربنا يفرجها عليك ويسهل امورك حبيبتي
بس والله رح افتقدك كتير
انا حبيتك من قلبي
ان شاء الله ترجعيلنا بالسلامة
الله يرجعك بالسلامه ويوفق زوجك ويرزقه ويقومك بالسلامه وتفرحي بشوفه منير بين يدينك