مساءكم ورد…صباحكم ورد
كيفكم ياحلوات؟؟
عندي لكم فكره حلللللللللللللوه
كل حلوه فيكم تقول لنا وش تطبخ كل يوم على سفرة الافطار
ونبي الوصفه كامله واذا ممكن بالصوره
يسلمو مهاوي عالافكار العسل متلك
دمتي في حفظ الرحمن
ورمضان كريم
ومن بكره انشاء الله نسوي الاطباق ونحط الصور اذا كنا مصحصحين عااااد اول يوم الله يعين
ورمضاااااااان مبــــــــــــــــــــارك عليك يالغــــــــــــــــــلا
انا ممكن اقلكم شو حعمل اليوم
بس بالنسبه للصور فممكن تخلوها لبعدين
لضيق الوقت
الصراحه انا ناويه اليوم اعمل الثريد
وطريقتها :
بحضر كل انواع الخضار
بطاطا _ باذنجان _ جزر _ كوسا _ بصل _ بندوره ( طماطم )_ فاصولياء خضره _ باميه… واي نوع من الخضار
بقطعهم لقطع كبيره وبجهزهم كلهم بالطنجره
بكون بهاي الاثناء سالقه اللحمه
باخد من مرقة اللحمه وبوضعها فوق الخضار
لحد ما تنضج الخضار وتستوي
وبعدين بحط اللحمه فوق الخضره وبخليها تغلي شوي مع الخضار
وبهاي الاثناء بكون جهزت الصلصه مع شوية ملح مع فلفل اسود وفلفل ابيض وشوية بهارات مشكله
وبخليها تغلي كلها مع بعض
واثناء السكب
بكون جهزت خبز الرقاق بالطبق
وبعدين بحط الخضره والصلصه عليها
والف صحه وعافيه
وهاي الاكله بصراحه طريه على المعده ومفيده كمان
وطبقي التاني هو صينية ستيك محشيه بالخضار المشكله
وهاي الطريقه
بكون مجهزه الستيك مسبقا
بتتبيلته وكل شي
وبعدين بجيب الخضره
جزر _ بطاطا _ كوسا _ بازلاء _ ذره _ وبصل
بقطع كل هاي الخضره الى قطع صغيره
وبحط المقلاه على النار
وبوضع قليل من زيت الذره
ويعدين بوضع البصل لما يستوي شوي
وبعدين بحط البطاطا وبعده الجزر وبعده بقية الخضره
بحط قليل من الملح وقليل من الفلفل الاسود وشوية قرفه
وبعدين بجيب كل حبة ستيك وبفردها وبوضع ملعقه من الخضره على الستيك
وبلفها وبصفها بالصينيه
وهكذا لما اخلص من جميع حشو الستيك
وبعدين بجيب بصل بقطعه صغير وحبتين طماطم وبقطعها لقطع صغيره
وبحط بالمقلاه قليل من زيت الذره
وبحط البصل لما يصبح لونه ذهبي
وبعدين بحط الطماطم لما اشوف انه البندوره خلص استوت
بحط قليل من الملح والفلفل الاسود
وبوضعها فوق طبق الستيك
وبحطها بالفرن لحد ما يستوي الستيك
واذا حبيتي رش من فوق قليل من الجبنه المبشوره
تتعطي لون حلو على الوجه
وهاد طبقنا التاني
والف صحه وعافيه
هاد كمان الشوربه طبعا والسلطه
وسمبوسه وقلي بطاطا
الف صحه وعافيه على قلوبكم
اعذروني
علشان الصور
وباذن الله تعالى انزل الصور لبعدين
وكل عام والجميع بالف خير والامه الاسلاميه بخير
ربنا يتقبل ما صيامنا وقيامنا وكافة طاعاتنا
امين يا رب
يسلموووووووووووووو
الله يعطيك العافية
كيفكم يا بنات
كان اليوم فطورنا طبعا جمب الشوربه والسلطه
عملت فته باللحم
وهو عباره عن الخبز الايراني
طبعا بسقيه بمرقة اللحم
وبكون عامله ثوم فلفل وليمون
وبوضعه على الخبز المشروب بمرقة اللحم
وبعدين بحظ الرز الابيض فوق وبعدين اللحم المحمر
وكمان كنت عامله مسخن
كلنا بنعرف طريقة المسخن
عملته متل السندويتشات
هاد فطورنا لليوم
والف صحه وعافيه
شوربه
سمبوسه
مكرونة البيتزا
تبوله