السلام عليكم ورحمة الله وبركاته
[IMG]https://img690.********************.us/img690/7316/41398414.gif[/IMG]
حبيباتي
اليوم غنقدم ليكم فكرة جديدة لتقديم السلطة بشكل بسيط لكن مميز
هادالسلطة كنت عملتها فضيافة سابقة
[IMG]https://img17.********************.us/img17/5360/moie.gif[/IMG]
طاجين الدجاج معسل و مخضر بطريقتي و بالمراحل المصورة من كوزينتي
و كيف واعدتكم نزل ليكم الطريقة و المقادير
اليوم كتاب نزلها
مقاديرها بسيطة و ممكن التنويع فيها بالمتوفر عندكم
المهم هو فكرة التقديم على شكل نافورة
باش ننوعو و نفرحو ضيافنا او اهل البيت
كيف كيقول المثل العين كتاكل قبل الكرش
نخليكم مع المقادير و الطريقة
[IMG]https://img683.********************.us/img683/9720/22588564.gif[/IMG]
المقادير :
انا كان عندي الاتي
قمح مسلوق (غنزل ليكم الطريقة ان شاء الله)
بطاطة مسلوقة
باربة مسلوقةن
لوبية مسلوقة
خص
مطيشة’:
كورنيشون كبير
خيار
زيتون اسود
قلوب الخس
بصلة مقطعة ترونشات رقيقة مرقدة فالخل و السكر
فرماج منسم بالثوم و الاعشاب
فلفلة حلوة
للتنسيم :
خل
ملح
ابزار
ثوم محكوك
ڤينيڭريت و كريمة قدمتهم على جنب للتغماس
[IMG]https://img683.********************.us/img683/2758/69288681.gif[/IMG]
الطريقه:
اختارو الطبسيل للي يعجبكم المهم يكون شكلو يوحي بالنافورة
انا استخدمت 2 طباسل واحد فوق الثاني
اولا كنحطو القمح المسلوق بعد منسموه بالملح و الخل و رشة سكر و ابزار
وسط الطبسيل
ثم كندورو عليه البطاطة
كيف كتشوفو قطعتها دوائر زيڭزاڭ
و كنديرو دورة ديال اللوبيا
ايضا منسمة بالڤينڭريت (خل ملح ابزار رشة ثوم محكوك)
كنحاول نشكل بيها وردة بين القمح و البطاطة الصور تشرح اكثر
ثم كنضيف بجنب دوائر البطاطة
قطع باربة مقطعة على الطول بشكل زيڭزاك
و ايضا نسمتها بالڤينڭريت (خل ملح ابزار رشة ثوم محكوك)
ثم كنضيف بجنب الباربة دورة اخرى من دوائر البطاطة
و كنوزع فوقها قطع الباربة
و قلوب الخس مغروسة فيها قلوب الفلفة الحلوة
كنزين قلب السلطة اي القمح المسلوق بترونشات بصلة
مقطعة رقيقة مرقدة فالخل و السكر على شكل بتلات
و حبة زيتون اسود
و كملت التزيين بحبات الزيتون و ترونشات البصلة
الصور تشرح اكثر
ثم كناخد الخيار المقطع الى ترونشات رقيقة غير مفصولة
كنزين بيه جنبات الطبسيل
باش يعطي شكل الماء المتدفق
و فوق كل لواية خيار كنحط مكعب او ملعقة صغيرة فرماج منسم بالاعشاب
و نزين باقي جنبات الطبسيل الاول بترونشات الكونكوبر
و بين كل خيارة متدلية كنحط ترونشات المطيشة
و رؤوس الخس الصغيرة
و حبات الزيتون الاسود
كيف مبين فالصور
اظن الصور ابلغ فالوصف
و هاهي نافورتي جاهزة للتقديم
او للحفظ فالثلاجة لحين التقديم
[IMG]https://img683.********************.us/img683/4841/96476659.gif[/IMG]
التقديم:
لما قدمتها ارقفتها بالڤينيكريت
و بكريمة الجنب المنسم بالاعشاب و بالمايونيز
و كلا غمس الخضار حسب ذوقو
ان شاء الله نكون وفقت فإيصال الفكرة
ماشي مهم مكونات الطبق الاهم التقديم
يعني لو عندك غير 2 انواع خضار ممكن تشكلي بيهم طبق مميز يعجب اهل بيتك او ضيوفك
و لا تنسوني من صالح الدعاء حبيباتي
اللهم لك الحمد و الشكر كما ينبغي لجلالك على نعمك الكثيرة اللتي لا تحصى و لا تعد
اللهم ادمها نعمة و بارك لنا فيها و اكتب لي بها حسنة طيبة و احفظها من الزوال
الله يرزقنا و إياكم خيرات الدارين و لا يحرمنا من طيبات الجنة و نعيمها
دمتن في رعاية الكريم
اختكن أمنــار
أم ريـَّــان
وعليكم السلام ورحمة الله وبركاته
فكرة لذيييييييييييييييييييييذة جدا وتصلح للمناسبات
مشكوووووووووووووورة
يعطيكي العافية اختي الغالية
يستاهل التقييم …بعد النقل للقسم المناسب