السلام عليكم يا حبيباتي أن شاء الله طيبين وبخير يارب لك الحمد
أحبتي أنا ما في شيء ما سويته عشان أنسى من أستغفار وذكر الله والأبتعاد عن الأغاني والصوم والى الأن الحمد لله بس ما أعرف أيش في مخي هذا الأنسان لا يفارقني في كل وقت أفكر فيه وأنسى وأقول ما أبغى أفكر وأستغفر وأقراء قران أشغل نفسي بكل شيء ما تتوقعوه بس برضو لاصق في مخي والله يبنات أني دائماً أدعي وأقول يارب أني أستودعك قلبي فلا تجعل فيه أحدا غيرك وأدعي الله يبعد عني الهم والضيقه وبكل الأدعيه الحمد لله حالي أفضل بس كل ما اروح مكان أتخيله معي كل ما أسوي شيء في حياتي أتخيله يشوفني ويراقبني والله يبنات تعبت والله تعبت من هذا الأحساس المرهق والغبي 
هذا الشاب والله يبنات ماعمري كلمته في حياتي كان بيننا فقط نظرات أيام المراهقه أستغفر الله يارب سامحني كان يستناني كل يوم أمام بيتنا وأنا رايحه المدرسه وكان يوقف بعيد عشان يراقبني أحسست أنو هذا الولد يكن لي بعض المشاعر أستمر هذا الحال لمدة ثلاث سنين من غير كلام فقط نظرات من بعيد لبعيد لبعض المرات فكرت أنو ينام أمام بيتنا بس عشان يشوفني المهم حبيته ولم يتجاوز عمري 14 سنه وأستمر هذا الحال لين ماصار عمري 17 سنه أختفىء بعدها ولا صار يبين ولا صار يجي يستناني زي أول ولا يرسل أحد يراقبني عشان لمه أجي يروحو يقولوله أنو أنا جيت المهم بعد مرور ثلاث أشهر أكتشفت أنو هذا الشاب يبحث عن عروسه من نفس مدرستنا من وحده من صحباتي كانت تعرف أخته معانا في نفس المدرسه ومواصفات العروسه كلها فيا بس لأسف يافرحه ماتمت راحت أخته خطبت له وحده من صحباتها في المدرسه المهم صارت في هذه الاوقات مشاكل بيني وبين صحبتي عشان راحت قالت لاخته أنو في وحده تحب أخوكي 
مريت بفتره صعبه شويه كرهت فيها الدراسه بس الحمد لله عديت وحاولت أنسى الصدمه المهم الحمد لله نسيت وتخرجت ودخلت الجامعه صار كل تفكيري بدراستي ..
تفاجاأت بهذه السنه برجوعه والوقف أمام منزلنا ؟؟ ما صدقت وكنت أحسب أنو أتزوج وصار عنده عائلة أستحقرته وأستحقرت ما فعله بقلبي الصغير ولم أعطيه أي أهتمام مرت الأشهر ورأرني مرة ذاهبه مع اهلي ومن غير قصد جات عيني بعينه وتفاجأة بحركة غبية فعلها وضع يده على مكان قلبه 
لم أهتم للموضوع وفي السنه الثانية في نفس الشهر كان متواجد في نفس المكان ولكن لم يستطع رؤيتي عشان أنا قررت أنهي القصه الخنفشاريه الروميوميه هههه مع أنو أنا كنت جدا تعبانه في تلك الفترة بسببه المهم عدت الأيام وعدت ثلاث سنين ولا حس ولا خبر…
السنه الي فاتت تفأجاة برؤية أصدقائه أمام منزلنا وأنا كنت رايحه مع أهلي وركبت السياره كانو أثنان معتاده على رؤيتهم كل بعد فترة أمام منزلنا المهم واحد منهم قال شوفت فلان وقصدهم هوا شفناه بسوبر ماركت كبير قريب مننا هوا وزوجته أنا رحت في صدمه أخرى من نفس الشخص ولكن قررت هذه المره النسيان التام وأنا ليه سنه من يوم سمعت هذا الخبر وكل ما أفتكره أقول ممكن كذب بس يبغاني أغار أو ممكن عشان يخليني أنساه خلاص
ياجماعة الخير أنا ما أجري وراه ولا عمري كلمته هوا الي كان يطلعلي في كل مكان وخلاني أتعلق فيه بس أبغى أطلعه من تفكيري كيف بالله عليكم خلاص طفشت منو 
هوا دحين مستمتع بحياته الله يهنيه وجرحني أنا الله يسامحو بس لا تقولولي هذا غباء الي بينكم هذه كانت قصة حب بس أنا ما حكيت القصه كلها من طولها ولت تقولولي قربي من ربك وأنسى أنا الحمد لله زي ما قلتلكم قريبة وأبعد عن معصيته بكل ما أقدر وأستغفر بس أبغى أنسى معليش طولت عليكم بس تعبت والله من الوهم الي عايشه فيه 
وسلامتكم
الله يبعد عنك كل مكروه ويعوضك بولد الحلال
أسأل الله ان يرزقنا اياكم أزواجا صالحين يخافون الله
و كلما يجي يطلع ببالك أكثري من التسبيح و الحمد، و أدعي رب العالمين، وأكيد الله سبحانه راح يعينك
بس ما تخليه أول و آ خر همومك خلي ربي و عبادته همك الوحيد انو الله سبحانه يرضى عنك
و ثقي فالله لأنو راح يجعلك مخرج بإذنه تعالى.
و ربي يبعثلنا الخير انشاء الله. و أنا واثقة فيه لأبعد الحدود و إبحثي بداخلك راح تلاقي نور رائع جداااا مريح كثير، راح تقولي أنا بمين كنت شاغلة حالي، وراح تشوفي أنو اللي كان كل شيء فعلا هو ولا شيء.
و أنا بجاوبك عن تجربة و ما في أحسن من حب الله و الاشتغال بذكره.
الله يهنيك بحياتك.
وربي جد نسيان من نحب صعب صعب صعب
بس حاولي ياقلبي مره مرتيين ويارب راح تقدريييين
ماكو شيء صعب عند العزيمه
وربكـ سبحانه اقوى من كل شيء