شيش كباب بالبرغل وسمبوسك بطريقتين وحشوتين -من مطبخي 2024.

المقادير:

نصف كيلو لحم مفروم

نص كوب برغل ناعم مغسول ومنقوع ومصفى جيدا (انا وضعت ربع كوب فقط)

1 بصلة مبشورة

3 فص ثوم مدقوق

ملح وفلفل اسود وكمون وكارى وقرفة

1 كوب بقدونس مفروم

الطريقة:

**تخلط جميع المقادير جيدا

**تكبب الاسياخ

**تشوى على الفحم او الشواية الكهربائية وممكن فى الفرن

هنا بنتى فاطمة طلبت اظهار يدها وهى بتشوى للتدليل على مساعدتها لى فى المطبخ

**يقدم

وبالهنا والشفا

انا عملت معاه سمبوسك وشيبسى وسلطة خضراء وسلطة طحينة (أموت فى السلطات)

**سلقت مكعبات بطاطس وصفيتها

**خلطت بطاطس مع فلفل اخضر مقطع وملح وفلفل اسود وكارى وهرست خفيف مش ناعم

**خلطت جزء اخر من البطاطس مع جزر مبشور وملح وفلفل اسود وكارى وهرست خفيف مش ناعم

**حشيت السبوسك بالخليط مع وضع قطعة جبن كيرى او مثلثات او شرائح شيدر

**لفيت السمبوسك ولصقت بخليط طحين وماء

**غمست البعض فى الطحين

والبعض الاخر فى بيض ثم بقسماط مطحون متبل

**قليت فى الزيت الغزير الساخن

ده بالطحين

وده بالبقسماط

الاتنين حلوين بس لون المغمس بالبقسماط افضل طبعا والبقسماط اعطى طبقة مقرمشة خارجية اممممممممم

الحشوتين رووووووووووعة بس الجمهور عندى عجبه خليط البطاطس والجزر

واكتشفت ان الجزر عند خلطه فريش ع البارد نال اعجاب اكتر من المشوح على النار مع بصل وزيت

وعموما الكل اتنسف ما شاء الله

هنا البنات ماعجبهمش الطبق اللى عملته قليل فكبسوا الطبق بهذا المنظر

وبالهنا والشفا