السلام عليكم **انا عندي مشكله توها صارت معايه وهي بان وحده بنت من اعز اعز صديقاتي ومن ايام الثانوي اعرفها وعلاقتنا مستمره حتى بعد زواجي وسفري مع زوجي ودايماً اشتكي لها عن مشاكلي من زوجي وتعرف كل شي عني واتفاجأت اليوم ان زوجي يقول لي تعالي شوفي صاحبتك مسويه لي اضافه عالفيس بوك وهو عرفها من اسمها وعمرها قريب من عمري وسنة التخرج مع بعض انا وياها تخرجنا وهي حاطه كل المعلومات عنها ومن المعلومات حاطه انها حلوه وترغب في الشباب. وتحب تفتح الكام مع شباب ووووووو الى ………. **الخ مع العلم انها الله يهديها دايم على معاكسات تلفونيه وامور كثييره تسويها ودائماً انصحها لكن تطنشني لكن اللي صدمني انها جايه تلعب على زوجي انا عصبت وتهاوشت مع زوجي لان زوجي قعد يحلفني اني ماأزعل البنت ولا أأذيها وقلت له انت ماتهمك مشاعري قال لا انتي ولا هي همتني مشاعركم عندي زي بعض ماهميتوووني هذا جهازي **واضيف اللي ابغاه عندي !!! انا مقهوررره وماني عارفه اتصرف مع صديقتي **ومع زوجي تكفووون ردوا عليه ؟!
الحمد الله انه ريلج خبرج ولا سوا شي من وراج وهذا ممكن يخفف شوي من الصدمة
يمكن ربيعتج ما تعرف انه اللي ضافته ريلج
واذا تعرف انا اقول رمسي ربيعتج وخبريها انج عرفتي انها كانت تبا تضيف ريلج
والله النت كله مشاكل من اتفه موقع لاكبر موقع
وبالهداوة ممكن تحلين هالمشكلة مع ريلج
موفقة
استغفر الله العظيم الذي لا اله الا هو الحي القيوم واتوب اليه 
انتي اختي سبب المشكلة لانك افشيتي اسرار زوجك ومشاكلك معه وفتحتي اعينها على زوجك اختي تعلمي ان تكون مشاكلك انتي وزوجك لك فقط ولايعلم بها احد
اختي لاتخبريها بما اكتشفتي لان بعض النساء عندما تواجههم لايرضون بالحقيقة وينقلبون عليك بشراسة وتتحداك وتقترب الى زوجك باي طريقة اختي فقط عليك ان تقطع علاقتك معها لانها لم تحترمك وتعدث على حق ليس لها
حبيبتي الف حمد وشكر انك لحقتي وعرفتي الموضوع قبل لايصير شي
ونصيحتي..
واجهي صديقتك وترى البنات عاطفيات وانتي ادرى تناقشي معاها
بس لاتبينين لها ضعفك مرة وقولي ان زوجي كمآن انصدم اكثر منك..
لاتبينين لها انك خايفه حسسيها ان زوجك كرها بعد الحركه هذي وإنه حذرك منها وطلب منك تبعدين عنها
عشان هي من نفسها تبعد..
الله يهديها ويسخرلك زوجك ويبعد عنكم شر كل ذي شر
…
أختك..سوما
إحتسبي الأجر من الله سبحانه وتعالى فيما نالك من أذى وصبرك عليه
قال رسولنا الحبيب صلى الله عليه وسلم :
( ما يصيب المسلم من نصب ولا وصب ولا هم ولا حزن ولا أذى ولا غم
حتى الشوكة يشاكها إلا كفر الله بها من خطاياه )
عزيزتي . انتي من البداية عارفه سلوك صديقتك ولا ادري اشلون ترضين على نفسك تماشين وحده بهذي الاخلاق
وانتي اختي غلطانه في افشاء اسرار حياتك الخاصه
عليك بدفاع عن حياتك .. وزوجك إذا مابيخاف الله في نفسه راح يتعرف سوا عليها او على غيرها حاولي تبعديه عن هذي المواقع اللي ماوراها الا خراب بيوت
ونصيحتي صديقه مثل هذي اقطعي علاقتك فيها
الله يكفيك شرها