السلام عليكم
عندي مشكلة منكدة عليي حياتي من قبل عقد زواجي، هي ان زوجي عنده صديقات أو زميلات بحكم عمله وغربته والبلد الفااااسد اللي بيعيش فيه،،
بس والله انو زوجي نظيف الحمدلله وماعنده علاقات محرمة ابدا لأنو بيخاف من الله، بس المشكلة هية صداقاته وهو محبووووب ودمه خفيف لهيك كل البنات اللي بالشغل بيحبوه ،، المهم اني صرت اطلع مع زوجي ومع رفقاتوا الشباب وبنت وحدة رفيقتهم كل اسبوع عالقهوة وهنن اللي يطلبوا منا انو نطلع ، وأنا بصراحة بكرههااااا لهي البنت مع انها اكبر مني ب 12 سنة بس هيي مشخلعة وبتلبس مكشوف من عند الصدر وديق ووو
ودائما كل اهتمامها بزوجي يعني ما بتهتم بباقي رفقاتها مثل ما بتهتم فيه يعني مثلاً كل مزحة بيمزحها لازم ترد عليه فيها وكتير احيان يترد بشكل قليل أدب 
آآآآخر مرة طلعنا وكان معنا رفيقه وهي البنت بس وصارت تقول عازمتكم على قهوة عندي بالبيت ومنلعب ورق يعني(شدّة)، أنا ما كنت بدي روح بس زوجي قلي يالله منروح ومنتسلى المهم طول الفترة هالمخلوقة قاعدة ومبينة صدرها وأنا منغاظة منها والله عيب عليها!! بس هيي ما بتعرف الله ولا العيب ،، فزوجي مزح مزحة وقال اللعبة مو حميانة قصده عن لعبة الورق والله هو طيب وعلى نياته ،، اعذروني بدي قول شو قالت… ردت عليه تعال حمّيك ياقلبي.. أمامي وأما صديقه بربكم هي المخلوقة فيها خجل؟؟ عذرا لأني حكيتها بس مضطرة عشان تفهموني وتعطوني رأيكم
والله اني رح جن حسيت مي سخنة انكبت عليي وهو ما انتبه اصلا وانا سكتت من طيبتي وغبائي وبس رجعنا عالبيت قلتله واتخانقنا وقلي انو ما اتنبه!!
عصبت وبكيت وجنيت
وقلتلو اني كان لازم ننفصل قبل زواجنا وقلتله اني بدي سافر على بلدي اذا ما حط حدود لهي البنت وترك كل صديقاته وقلتله اني بس اشتغل رح يصير عندي اصدقاء شباب ورح خليه يذوق من نفس الكاس (بس انا طبعا ما بعمل شي يغضب ربي هاد بس تهديد) وقلتلو اذا ما حطيتلها حدود انا رح طلها حدود!!
المهم تاني يوم صالحني وقلي انو رح يحطلها حدود ،، سكتت بس النااار بعدها بقلبي وكل ما بتذكر الموقف بحس دمي محروق
يابنااات بترجاكم قولولي شو الحل؟؟ كيف بدي اخلص منهم كلهم؟؟ لو كنتوا مكاني بهالموقف شو بتعملوا وكيف بتتصرفوا؟؟؟؟ انا ندمانة لأني ما اتصرفت بوقتها
عم فكر ابعتلها مسج بهدلها فيها…شو رأيكم؟؟؟
انصحوني شو اعمل مع زوجي،، والله هو بيحبني كتير بس خلص هو اتعود على هالحياة ومفكر حاله انه لسى عزابي ،، قال أنا مالازم احبسه وقال انا منطوية على نفسي وما بحب الناس
آآآسفة اني طولت عليكم بس مافي حدا احكيله همي غيركم، ارجوكم عطوني حل ولا تقولولي الأختلاط من الأصل حرام
لأنه خلص هو اتعود هيك بحكم شغله
ارجوا من الإدارة انو تنزل موضوعي الله يوفقكم
الله يجزيها الخير اللي بتعطيني حل أو بتدعيلي
الله يعينج صراحة انا اللي مالي دخل والله تضايجت
انتي حاولي شوي شوي تبعدينه عن هالطريق
بعدين هي شكلها هالبنت تبي تضايجج انتي
عشان جيه تتصرف مع ريلج بهذي الصورة
بس ريلج لو ما عايبه الوضع كان ما ظهر مع الشلة اللي هي فيها
ممكن فوحدة من الطلعات معاهم تاخذين هالبنت على جنب
وتهدديها وتفهميها انه حركاتها مع ريلج ما تعجبج
ابغى اسأل سؤال : اصحابككم الشباب ليش ما ييبون زوجاتهم معاهم؟؟
موفقة
من وجهة نظري انك ما تحكي معها شي هلا ابدا لوكنتي بدك تصرفي كان لازم تصرفي بلحظتها ام هلا من الافضل لا
لانو لو حكيتي معها رح تشوفك انتي منغاظة ويمكن تزيدها عليكي
المشكلة مو بالبلد الي انتو فيها المشكلة الحقيقة بزوجك لانو هو الي السمح بهل الاختلاط
انا مقيمة بدولة اوربية وبعرف شو معنات الحكي العم تحكي بس مع ذلك ماعنا اختلاط نهائياااااااااااااااااا
مكان العمل مخصص للعمل وبس وبرات الشغل ابدا مالكن مطرين للاختلاط
الحل الوحيد انك تقولي لزوجك انك انتي بتخافي الله والاختلاط محرم شرعا ومشان هيك انتي مابدك تطلعي قدام رفقاتو وقوليلو متل ما انا مابرضا على حالي الاختلاط مع الرجال اكيد انت كمان ما بترضا الاختلاط مع النساء
وقليلو انو مكان العمل مختلط ومابيطلع بالايد شي مضطرين بس برا العمل اكيد مالكن مطرين واذا حابب يسهر زوجك مع رفقاتو بيسهر مع الرجال واذا انتي حابة تسهري بتسهري مع النسوان بسسسسس
ومن وجهة نظري الانسان الي بخاف الله مابيرضو على حالو يروح على بيت بنت حتى لوكانت مرتو معو او رفيقو
الغلط الاساسي من زوجك لانو سمح لنفسو يعمل صداقات مع البنات برات العمل
فهمي انو الاختلاط حراااااااااااااام وانتي مابدك تختلطي مع الرجال ابداااااااااااااااااااااا ساعتها رح يحس على حالو ورح يبتعد عنهن
معقول رد واحد !!! والله تعبت لنزل موضوعي
|
المشاركة الأصلية كتبت بواسطة روح عبودة
 مممم بصراحة انا انغظت عنك فكيف انتي
من وجهة نظري انك ما تحكي معها شي هلا ابدا لوكنتي بدك تصرفي كان لازم تصرفي بلحظتها ام هلا من الافضل لا لانو لو حكيتي معها رح تشوفك انتي منغاظة ويمكن تزيدها عليكي المشكلة مو بالبلد الي انتو فيها المشكلة الحقيقة بزوجك لانو هو الي السمح بهل الاختلاط انا مقيمة بدولة اوربية وبعرف شو معنات الحكي العم تحكي بس مع ذلك ماعنا اختلاط نهائياااااااااااااااااا مكان العمل مخصص للعمل وبس وبرات الشغل ابدا مالكن مطرين للاختلاط الحل الوحيد انك تقولي لزوجك انك انتي بتخافي الله والاختلاط محرم شرعا ومشان هيك انتي مابدك تطلعي قدام رفقاتو وقوليلو متل ما انا مابرضا على حالي الاختلاط مع الرجال اكيد انت كمان ما بترضا الاختلاط مع النساء وقليلو انو مكان العمل مختلط ومابيطلع بالايد شي مضطرين بس برا العمل اكيد مالكن مطرين واذا حابب يسهر زوجك مع رفقاتو بيسهر مع الرجال واذا انتي حابة تسهري بتسهري مع النسوان بسسسسس ومن وجهة نظري الانسان الي بخاف الله مابيرضو على حالو يروح على بيت بنت حتى لوكانت مرتو معو او رفيقو الغلط الاساسي من زوجك لانو سمح لنفسو يعمل صداقات مع البنات برات العمل فهمي انو الاختلاط حراااااااااااااام وانتي مابدك تختلطي مع الرجال ابداااااااااااااااااااااا ساعتها رح يحس على حالو ورح يبتعد عنهن |
تسلميلي حبيتي ،، بس المشكلة انو صرله 8 أو 9 سنين بهالبلد واتعود هيك ،، وقلتلو انو الإختلاط حرام بس قلي طول ما أنا محترم معهن وعلاقة الصداقة محترمة ما فيها شي،، بس أنا رح حاول خليه يشوف دروس دينية تحرم الإختلاط وان شاءالله يمشي الحال.
وهي البنت اصلا مارح ترضى تقعد معي لحالنا وبس !! لأنها متحررة ومو مسلمة وماعندها دين اصلاً ورح تقول عنا متخلفين لهيك مابدي صحبتها من الأساس.
|
المشاركة الأصلية كتبت بواسطة مشكلتي
تسلميلي حبيتي ،، بس المشكلة انو صرله 8 أو 9 سنين بهالبلد واتعود هيك ،، وقلتلو انو الإختلاط حرام بس قلي طول ما أنا محترم معهن وعلاقة الصداقة محترمة ما فيها شي،، بس أنا رح حاول خليه يشوف دروس دينية تحرم الإختلاط وان شاءالله يمشي الحال.
وهي البنت اصلا مارح ترضى تقعد معي لحالنا وبس !! لأنها متحررة ومو مسلمة وماعندها دين اصلاً ورح تقول عنا متخلفين لهيك مابدي صحبتها من الأساس. |
يا اختي انا زوجي صرلو 12 سنة بالمانيا وزوجي دكتور مهندس يعني درس وسافر وراح واجى كتير مع ذلك ولا مرة اختلط مع حداااا نهائيا وعلاقتو كانت بحدود العمل وبسسسسس
هلا انا ماقتلك انو تشوفيها لوحدكن انا بقصد صديقاتك انتي مو هل الانسانة لانو هي ما بتهمك بشي هي مجرد زميلة عمل لزوجك
وعلى فكرة انا ضد فكرة انك تفكري تقول عنكم متخلفين هي حرة وانتي حرة
انا عايشة بالمانيا ومع ذلك بتصرف وبتطلع وبتدخل كاني ببلدي سوريا وبفرض ع الكل احترام راي وديانتي وماحدا الو علاقة فيني الي بدو يقول عني متخلفة هو حر هي وجهة نظرو
هلا برجع لزوجك هو عم يقول انو طول ماهو محترم معهم ما بهم طيب والكلمة الي قالتها البنت هي بتنم عن احترام ولا تقليلي انو ما سمعها لاني ما بصدق لوكانت علاقة الصداقة بين زوجك ورفقاتو فيها احترام ما كان سمحت لنفسا بهيك تصرف وخصوصا انك كنتي معو
ببساطة لو كنتو ببلدكن يا ترى زوجك رح يسمحلك انك تروحي لعند صديق الك وما الو متزوج مشان تشربو قهوة بظن اكيد مارح يسمحلك وحتى لو كانت صداقتكم محترمة
للاسف زوجك هو الغلطان مو البنت لانو هو الي سمح بهل الشي
قولي لزوجك انو انت اكيد محترم مع اصدقائك بس اذا كانو هنن مالن محترمين بتستمر بالعلاقة معهن
من رايي انك تقوليلي انك مابدك تختلطي مع الرجال وانت حر بدك تسهر معن سهار وشوفي شو رح يقلك