صنيه بطاطس باللحمه سهله ولذيذه
السلام عليكم ورحمة الله وبركاته
ازيكم جايبلكم النهارده طريقه سهله جدا وسريعه ولذيذه لعمل صنيه البطاطس باللحمه اول حاجه نسلق اللحمه عادي جدا وبعدين نجهز الصنيه كالاتي نقطع بصل شرايح مدوره ونحطها في قاع الصنيه بعد اما نحط شويه زيت صغيرين وبعدين نقطع البطاطس برده شرايح مدوره ونحطها فوق البصل ونحط عليها شربه من سلق اللحمه ومعلقه صلصه بعد اما تدوبيها في شويه ميه علي فكره ممكن تكتري الصلصه او تقلليها حسب ما بتحبي والصلصه طعمها احلي من الطماطم المعصوره بس هي تنفع برده المهم ظبطي الملح والفلفل وسبيها تغلي علي النار لحد اما البطاطس تقرب تستوي حطي اللحمه عليها وسيبها تغلي مع البطاطس وبعد اما البطاطس تستوي خدي الصنيه وحطيها فالفرن وولعي الشوايه عشان وشها يحمر وبالهنا والشفا جربو وقلولي رايكم
مشكورررررررررررررة
مشكوره يعطيك العافيه
مشكوره يالغاليه