ضاقت فيني يارب فرجك،ساندوني . الطبيب يجيب 2024.

السلام عليكم ورحمة الله وبركاته
ارجوكم يا ادارة انشروا موضوعي الله يجزيكم خير
بنات انا تعبانة نفسيا والله العظيم ماقدر استحمل اكثر عمري كله ضيعته على تفاهة مجتمع متخلف يعتبر البنت وسيلة للفاحشة بس، انا سبق وكتبت موضوع عن اتهامي بأني عندي جوال ثاني استخدمه ل**** استغفر الله لانهم بس شافوا كارتون فارغ و ابوي هددني و راح فكره الى اني اسوي المنكرات!!! والله بريئة والله العظيم وكله من تحت راس اختي تبلت علي وفرحت لانه شك فيني ، ماصار يأمن علي تخيلوا يا بنات،بقولكم وش صاير معي في هذا الوقت ، ابوي مرات يسكت و مرات يشك تخيلوا يا بنات يتصل لي لي وانا بالجامعة ويقول مع من جالسة! ، وبالبيت يتصل ويهاوشني على كل شي يقولي انا ما احب اي احد يتكلم عن شررفي!!!! بنات ورب الكعبة المشرفة اننا دايما محبوسين بالبيت لا نطلع ولا نجي الا للجامعة والمشاوير المهمة وبالحسرة علينا ، عندي توائم وحدة منهم تبلت علي ومعاها وحدة شهدت ضدي كذب و هو شك فيني و هم فرحانات ! هم سوالف الثانوية حقتهم بويات ومصخرة والله يا بنات اني قدوة قدامهم وانصحهم و مايتقبلون النصايح يقولون لا تسوين نفسك شريفة !!! تخيلوا بس اصغر مني ويتطاولون علي، امي طبعا متوفاة من سنين وعايشين كذا، ابي يدلعهن قبل فترة شرالهن جوالات كل وحدة و ماوصاهن على شيئ يخص الشرف والعاار! جالي قالي علميهم لا يغلطون بالجوالات ولا انتحر قدامكم الا شرفي وعاري ! وقدامهم يقول مبروك جوالات عندكم و لا وصاهن ، بنات انا تعبت نفسيا كل شيء كل غلط على راسي انا، انا بالجامعة يتصل ويشك ولا شك فيهم يا بنات ويدلع الي تبلت علي ، تخيلوا مرة كانت عندي ورشات وكنت مطولة اتصل قال يلا تعالي البيت وهو كان معصب من اخوي وجا فرغها فيني تعالي البيت وشوفي الاهمال وووو وانا وش سويت انا امشي انظف وهم يوصخون مرات ، اخوي غرفته دمار ياكل وينام وبلايستيشن و يقذف باخوات وامهات الي يغلبونه باللعب بكلمات ماتنقال والله قذف قذف و هو يتبلى علينا عند ابوي يوحي له اننا مب شريفات علشان اننا نكشف الغطوة قدام الرف بالسوبرماركت لنختار اغاراضنا ، مقابل الرف ياناس!!!! صورة الرجال الي على المنتج بتغازلني؟ يسوق بدون رخصة ويطلع على مزاجه وحنا البنات بالبيت اذا بنطلع يلا بيوت بس مافيه تمشيات طلعات و اذا تمشينا متغطيات طول الوقت! انا مع الغطوة لكن ارحمونا مانشوف العالم نمشي بغطوة حتى بكل مكان!!! حتى المخفي بالسيارة لما نقعد يقول تغطوا!!!!!!! اااااخ والله العظيم تعبت انا اعلم وانصح وابويا يهدم بدلعو لهم، كان يقولي انا بشتريلهم جوالات قريب الدوام بس لان شاف وحدة تلح قال بشتريلهم، والله يابنات يشكون فيني شك متعاونين علي انا حرمت اخواتي من النت لانهم يستغلون وقت انشغالي ويكلمون صديقاتهم المسترجلات و وحدة منهن تبغي تصير البنت حقتها !!!!!! ساكتة على كل الي يسوونه لانه ابوي مريض و حرمتهم من النت بهدوء و سكوت، مايشك الا فيني و دايما البنات عرض و شرف و نمشي بالسوق نتخبط و بلادنا مانعرف وش فيها من اماكن ومطاعم، كل شيء صعب عندهم بالبيت هذا ، مشوار ابو 15 دقيقة يطلع عينا عليه لحد ما اقول مابغى ، اوكي بحكم انني الاكبر اتحمل امور كثيرة لكن موب لذي الدرجة ، لما ارجع من الدوام احس بضيق ورب الكعية من اشوف البيت والباب انا بنت كبيرة بالعشرينات موب صغيرة رفضت الزواج لجل اقعد مع ابويا لكن بالنهاية الحين شفت ما في حل للهروب من ذي البيئة الا الزواج والله يا بنات انا مابغى غير شوية حرية شوية ثقة شوية تشجيع شوي احترام للمرأة من ناحية الشرف انا موب عار على غيري ! اخويا عار علي لانه يسب ببنات وامهات الي يلعبون معه ويصرخ بذا و يجي يتكلم عن الشرف يقول اخواتي شرفي على الاقل اخواتك علمهم الادب الصغار وهو مراهق مثلهم يتهمنا الكبار بالوساخة من هو عشان يتكلم عن الشرف وهو غادي عار علي لان لو طلعت وحدة بكرة من اخوات الي سبهم هو بتتشوه سمعتنا على يده!
وربي صبرت على العقد حنا الوحيدين بالعايلة الي ممنوع نلبس بنطلونات وممنوع نطلع مع صديقاتنا لمكان عام حتى ولو مطعم مغلق للعائلات او كذا ، انا مقدر اربي ودموع اخواتي و دلعهن يخلي ابي يرأف بهن ،ليه اختي عادي كل شيء عندها الي افترت علي والله انها معززة مكرمة وربي يا بنات احس بالذل و الاهانة والهزيمة لما اخلص لهم شغلة بيدي لكن افوض امري لربي ، انا طيبة و طيبتي خربتني كل مرة اقول بصلح علاقتي مع اختي ذي في كل مرة تطلع بشي جديد ، هي تتقرب من ابي و تخليه يسحب مني اشياء و يشك فيني وتبعدني عنه بالشكوك يا بنات ماتخاف ربنا ؟ انا حرمتهن من النت على حق و كنت خايفة اني ظالمتهن و هي افترت علي انا من وين بكون علاقات وسخة وادور الوساخة وانا مقابلة حيطان البيت مالي الا النت يسليني و اتصفح فيه كل شيء ماعدا الشيء السيئ ، وهي اول ماعرفت عن العملية الي تتم بين الزوج و الزوجة صارت تبي تعرف حتى فتحت دفتر من الدفاتر الي عندها لقيته تكتب جنس و كذا و تكتب اكره ابي و يتكلمن عنه بالسوء و الغيبة وجدامه يتميلحن لحاجتهن بس، انا احب ابي والله العظيم ضيعت الزواج عشان ابغي يتزوج قبل مقدر اخليه كذا ، تعبانة يابنات ساعدوني بدعاء او شي او حل والله ماعدت احس بأمان حتى بغرفتي حتى وانا ماعندي شي والله احس بخوف و ارتباك و دائما متوترين و ماعصابنا مشدودة اي تهم تجينا بأي وقت ، طبعا خواتي الصغار لا ماتجيهم اي مصايب انا واختي الي اصغر مني بسنة وكم شهر. عيشتنا مهب طبيعية نفسيا ابدا مانرتاح، ما اعرف وش اسوي بنات كلامي طويل لكن والله احس بقلبي كلام كثير مقدر ومعرف وش اقول وش اخلي ليه كذا طيبتي صارت غباء

الله يرزقكن الجنة لكن من تدعيلي ولاختي ، ادعولي تتيسر الامور لنا ويتزوج ابي و اتزوج انا و ارتاح والله يرحم والدتي الي صبرت على كل ذا … ويرحم جميع موات المسلمين.