عندي لكم طريقة زربيان مرة طعمة اول حاجة حبايبي تجيبي دجاجة وتقطعيها 4 قطع وتجيبي زبدية تحطي فيها لبن زبادي وتحطي عليه مويه الين يصير اللبن زي الموية شوي وتحطي ملعقة كاري ونصف حبة بصلة مفرومة ومكعب ماجي وتحطي 4حبات بطاطس والدجاج وتخليه يتبل لمدة نصف ساعة او ساعة في هذه الاثناء اطبخي رز ابيض ويكون نوعه من الحبة الطويلة مثل الوليمة او الشعلان وتحطي مع الرز نصف حبة بصلة مفرومة وقرفة4حبات وقرنفل وهيل وتخليه لمن يستوي طفي عليه بس لاتخليه ينهري بعدين جيبي قدر وحطي فيه بصلتين كبار مفرومة وربع كاس زيت واخليه يتحمس مع الزيت كثير الى ان يحمر مرة ويقرب على السواد بس موتحريقيه خليه يحمر كثير بعد ذلك خرجي شوي منه في صحن عشان بعدين حتستخدميه وحطي الدجاج على البصل الباقي وحركي وبعدين حطي البطاطس وحركي تقريبانصف ساعة وبعد ذلك حطي الخلطة تدريجيا وحركي الى ان يستوي ولاتحطي ماء الا اذا احتجتي حطي شوي مرة بعد مايستوي الدجاج والبطاطس حطي نصف كمية الرز وبعدين البصل الي خليتيه في صحن وبعدين باقي الرز ورشي شوية زعفران على طبقة الرز الي فوق واقفلي النار عند التقديم شيلي الرز المصفر وحطي اكلتك عادي بعدين وزعي الرز الاصفر من فوق وبالهناء والعافية جربوها ترى مرة طعمة كان نفسي انزلكم صورة بس مااعرف (منقول)
