السلام عليكم اخواتى
ازيكم اخباركم اية
ربنا يعلم انى بحبكم اوى اوى
مش هطول عليكم حبيت اشارك معاكم باكلة حلوة زيكم هى اكلة تتخن شوية بس بحبها اوى
اسفة للاطالة ونخش على الطريقة
نجيب كبدة من عند الجزار مثلا كيلو وتقطع شرائح وبعدين تخدى شريحة شريحة تشوحيها بالزبدة على الجانبين وبعد ما تخلصيها تحطيها كلها على بعض وبفضل انها تتشوح فى الحلة ال هتتسوى فيها ونتبلها بالملح والفلفل وبعدين نجيبوا بطاطس تقطعوها صوابع وتحمروها فى الزيت عادى وبعدين تخدوها وتحطوها على الحلة ال فيها الكبدة وتقلبوها كويس اة كمان لو حبيتم تخلوها حامية ممكن تجيبوا فلفل حامى وتحمروه بسيط فى الزبدة مش كتير يا دوب تحطوة فى الزبدة وتقلبة وتطفوا النار علية وتحطوا الكبدة علية والبطاطس وتقلبوة وتشوفوا اذا كان محتاح ملح ولا حاجة وبعدين بعد ما يتقلب كلة مع بعضة تحطوة على النار يا دوب يسخن كلة مع بعضة على نار هادية
ملحوظة زبدة التحمير بتكون كتير كدة وحلوة لان البطاطس هتشربها ويبقى طعمها تحفة
انا باكل معاها مكرونة اسبكتى مسلوقة ومتشوحة بالزبدة والملح والفلفل
وبالف هنا وشفا ليكم يا رب
ملحوظة انا مش تخينة خاااااااااااااااااااااااالص والاكلة دى باكلها كل فين وفين لانها دسمة مووووووووووووووووووت
يسلمو
شكلها حلو وشهى
تسلم أيدك روما حبيبتى على الوصفة
الشهية وإن شاء الله بجربها وبقولك النتيجة ^_^
لكِ أطيب وأرق تحياااتى ,,,
:
/
:
/
المــــــاردة
ومنتظرة رايك فيها
يممميمم
—
