السلام عليكم
اليوم راح اكتب لكم تجربتي في تنظيف شعلات (عيون) البوتجاز علشان تستفيدوا مثلي
دائما وانا منزعجه من شكل بوتوجازي
وكل الي اعرفهم كانو ينظفون الشعلات بطريقة نقعها في ماء وكلوركس وفيري لعدة ساعات وينظفونها بكل سهوله لانهم كانوا ينظفوا اول باول لكن هذه الطريقة ما كانت تنظف شعلاتي لاني ما كنت اهتم بتنظيفها دائما فتراكمت فيها الدهون واحترقت
وفي يوم وانا ابحث في طرق تنظيف المنزل
لفيت وحدة كاتبه عن تنظيف الشعلات بالخل وبيكربونات الصودا الله يجزاها خير
وقلت بنفسي معقول ان الخل والبيكربونات افض من الكلوركس وقلت خلني اطبقها وفعلا
رحت جبت صينية فرن قديمة عندي ما احتاجها
وصبيت فيها ماءحار
وحطيت نص قارورة خل ابيض
وبيكربونات الصودا
وشوية كلورس (انتبهي لاتحطي الكلوركس على الخل والبيكربونات مباشره عشان لايفاعل اضيفى الماء اولا)
ونقعت فيها الشعلات
ونقعتها بعد صلاة العصر ولما جات الساعة 9 بعد العشا قلت خلاص بطلعها علشان اسوي العشا بس لما طلعتها تفاجئت لقيت ان الدهون والاوساخ بدات تذوب رحت ودقيت على زوجي وقلت له جيب عشا من بره با خليها منقوعة الى اليوم التاني وفي الصباح بدري رحت انظفها لقيت ان الاوساخ ذابت واستخدمت سلك الاواني وانتبهي لا تستخدين النوع الرخيص لانه يخدش
وصرت افرك وما اخذت الا دقايق بسيطة وبعدهاصارت شعلات البوتجاز فضيييييية وتلممممممع
واستعججججججججججججبت لاني كنت اظن ان لونها اسود نسييييييييييت ان لونها كان فضي 
واخيرا اخذت السلك وحطيت عليه فيري وفركت حاملات القدور ورحت نظفت البوتجاز وحطيت علية قصدير وركبت الشعلات والحاملات صار نظيف والحمد لله
موفقه يالغلا
تشكراتي………..
الهام علي
هجرني الحنان
ام ميادا
حياة الامل
اشكركم على ردودكم الجميلة
اختي حياة الامل بيكربونات الصودا هي اخت الباكنج بودر بس علبة الباكنج بودر لونها ازرق فاتح ولون علبة بيكربونات الصودا اخضر فاتح
وتلقيها في السوبر ماركت بجانب البكنج بودر والفانيليا
وهي نفسها الي تنحط مع الخلطات
واتمنى اني اكون افدتك
وبجربها أن شاءالله وياااارب تضبط معاي مثلك