السلام عليكم ورحمة الله وبركاته اسأل الله العظيم رب العرش العظيم ان يحرم جلودكم عن النار
انا احدى مجهولين النسب امر في مشاكل الله وحده اعلم بها بسبب زوجي وكل من حولي ولا يوجد باب الا وقد وقفت عليه لاجد حل مما نا فيه بسبب هذا الزوج الظالم الذي لم يكتفي بسوء معاملته لي ولا تقصيره في حقي الا انه وصل به الامر الى ان يطعنني في شرفي فانا اطلب من الله ثم منكم المساعده ابغى اوصل لاحد المسؤلين من ولاة الامر بالسعوديه ليقف على مشكلتي لا احد يطلب مني انا اذهب الى مكتب الاشراف او المتابعه الاجتماعيه او الحمايه الاجتماعيه لانهم واقفين معه ضدي بسببب كلامه عني وهو عارف وعلى يقين ان لاظهر لي ولا معين الا الله سبحانه بالاضافه انه من عائله معروفه وظنهم انه على حق ولا يمكن يكون سئ العشره وطبع فارجو من الله ان اجد العون والمساعده منكم يعلم الله اني مظلومه حياتي تحطمت ونفسيتي الله اعلم بحالها مع العلم اني حامل منه وقد قال انه ليس بطفله تكفون اللى له يد او يقدر يساعدني لا يتردد واللى مايقدر مااطلب منه سواء الدعاء لي وقول حسبي الله ونعم الوكيل
شفيهم الناس هالأيآم مافيهم خيــر
حبيبتي بقوولج انا مب فـ يدي شي بس ماحبيت اقرأ موضوعج واطلع بدون مارد عليج وادعي لج !
وإذا انتي مظلوومـــه ادعي عليه فديت روحج دعوهـ المظلوم مستجآبه لا ترد لا مسلم ولا كآفـــر
وتقربي من ربج اهو الوحيد اللي بيفرجهــا عليج خلي النااس وادعي ربج فـ كل حزه وصلي ركعتين فـ ليل واستغفري واايـــــد !
صدقيني حلج عند رب العالمين بس انت سووي اللي قلتلج عليه
وان شاء الله ربج بيفرجها عليج وبيسهل اموورج .. ربج بيراويج فيه ريلج يوووم !
والله يفرج عليج عاجلا غير اجلا يارب
مثل ماقالت اختي خليك قريبه من ربي وادعي واستغفري
وصلي اخر الليل وادعي ان الله ينصرك عليه
وانا مابنساك من دعاائي
وان شاء الله تحصلين من يقف معاك بـأذن الله
عليك بصلاة الليل والدعاء بجوف الليل عليك بسهام الليل انها تصيب
اسال الله ان ينصرك ويرفع عنك الظلم
وشلون يعني مجهولين النسب.!؟ قصدك منتيب قبيلية ولاوشو أبغى أفهم.!؟
حسبي الله عليه هالحقير يطعنك بـ شرفك ليه بس.!!
ماعندك أقارب ياخذون لك حقك منهشوفي حبيبتي أنا بأقولك نصيحة لأن بهالدنيا مراح ينفعك لامسئولين ولاملوك
إلجئي لرب العالمين وإدعي عليه دعوة الظالم مستجابة بإذن الله وبينتقم لك ربنا سبحانه وتعالى
الأقوى من كل بشر لأن الطبيبن بالحياة نادرين .. والله يوفقك وينصرك عليه اللهم آمين
حسبي الله ونعم الوكيل
أختي العزيزه عليكي بالاستغفار
أن شاءالله يفرج همج
كيف يعني ينكر الولد اللي في بطنك 00هي الدنيا فوضى ولا بنات الناس لعبه عنده
شوفي اختي 00صحيح لا ملجأ ومنجي للأنسان من عذاب الدنيا وفي الآخره الا الله الواحد الأحد خالق الليل والنهار سبحانه 00ولكن رب العالمين جعل لنا ايضا مسببات تعيينا على اثبات الحق وازهاق الباطل في هذه الدنيا
عليك بالتوجه الى اقرب محكمه والقيام بدعوه ضد هذا الزوج الظالم 00وصدقيني الله سبحانه ماراح يترك عبد مظلوم دعاه في جوف الليل الا ونصره باذنه تعالى 00روحي واتكلي على الله وحده ولا تقولين انا وحيده ومالي احد وتضعفين وتتركين حقك يضيع 00على الاقل علشان الطفل البريئ اللي في بطنك ماله ذنب يضيع حقه في هالدنيا وان شاءالله ربي بينصرك علشانه
وبعدين كيف راح يقدر ينكره بسهوله ؟00اليس هناك عقد للزواج ؟ اليس هناك شهود على الزواج؟
يا اختي لا يضيعك خوفك 00ترى الدنيا لسى ما مات الخير فيها باذن الله 00ولابد ما تلاقين قاضي منصف ربي يكتب لك النصر على ايده
وتقدرين كمان تروحين على لجنة حقوق الانسان في السعوديه 00هم ماراح يساعدونك وبس 00الا راح يعينون لك محامي من عندهم اذا ثبت الصدق في قضيتك 00في ارقام هواتف لهم في كل مدينه من مدن السعوديه ولهم مكاتب ايضا في كذا مدينه 00بس مدري انتي من وين ؟
الله ينصرك باذنه تعالى 00ولا تنسين كثرة الصلاة في جوف الليل 00وعليك التسلح بالدعاء فانه خير معين لك في محنتك 00تقربي الى ربك بالدعاء والحي عليه في ذلك 00فان رب العالمين يُحب العبد اللحوح في الدعاء
وربي ييسر امرك ان شاءالله
عشان يتأكد يمكن هو شكاك
