السلام عليكم خواتي العزيزات
مشكلتي ومشكلة اهلي كبيره ولا يعلم بها الا الله وهو اللي قادر ان ينصرنا على من ظلمنا بإذن الله
اول حاجه اهلي او امي وابوي مروا بمشاااكل الله يعلمها ..
ناس ظلموهم وحسودهم وفتنوا بينهم وخربوا حياتنا وانعكس ذلك علينا انا واخواني ..
حياتنا كل يوم تسوء وامي يزيد ضيقها من تصرفات ابوي المهمله ..
يا بنااات ابووي كان يحب امي وكانوا عايشين حياه حلووه وكنا ننعم بخير والحمدلله ..
لكن جونا نااس واقرب ناس لنا !!
خوالي عمامي اجدادي كلهم حاولوا يفتنوا بين امي وابوي ..
ابوي كان طيب وحنون وملتزم بصلاته ودينه وامي الحنونه الطيبه الصابره ولكن ضعف شخصيتها مضيعتنا كتومه مره وتسكت دائما ويغلطوا نااس بحقها وهي تظل ساكته ..
انا مقهوره يا بناات لا احد يحبنا ولا احد يزورنا لا خوال ولا عمام .
حسدوا امي على ابوي وفرقوا بينهم ..
انا مخنووقه هم السبب يسوون المشاكل وتالي يتركونا ..
والحين كل شي انعكس علينا ..
ابوي صابته عين وماعاد يهتم فيها ولا يحب يودي ولا يجيب صحيح مثل ما كان طيب وحنون بس فيه اشياء يسويها والله يهديه ..
هو وامي دائما مشاكل لو على حاجات بسيطه امي تتعب ولا يوديها المستشفئ وهو كذلك امي مو مهتمه فيه كثيييير ..
يا بناااات هم كانوا احلى ثنين لكن حسبي على من فرقهم ..
امي ماتعرف تقرأ او تدعي ..
وابوي م عاد يهتم بذي الاشياء ..
ولا نروح لرقيه شرعيه ولا شي ..
وحالتنا كل يوم تسوء واناا اكتشفت والله يبعد عنا شر خلقه اني محسوده وكلنا ..
وحالتنا الماديه جداً بسيطه علئ قد حالنا ولكن الحمدلله ..
بنات الله يسعدكم ادعوا لنا عل وعسى وحده فيكن دعوتها مستجابه ..
وابي دعاء يهلك الظالم اللي ظلمنا واللي حسدنا واللي فتن بين امي وابوي ..
لانه لا يشفي غليلي لين يهلك عدونا حتئ نشفي من عينه وضرها ..
مخنووقه واعذروني مادري وش كتبت لكن ابكي دائماً لما اشوف امي وابوي ولما اشوف صور الماضي كيف كنا وكيف صرنا
ااااه ياارب اكتب لكم وانا دمعتي علئ خدي ..
اكيد تقولون ادعوا وصلوا وحنا الحمدلله نصلي وندعي اللي نعرف ..
لكن احنا ما كملنا دراستنا بسبب حالتنا يعني ابتدائي فقط ..
ف انا ابي منكم دعوه وابي تعطوني دعاء يهلك من عادانا وينصرنا علئ الظالمين ..
اسفه طولت وامانه يالاداره نزلوه
ان شاء الله ما راح ننساكي من صالح دعاء
واستغفري كثير
واقري البقره بالبيت بنيه الاصلاح بينكم والشفاء
مره كل 3 ايام
وحاولي تكونين ايجابيه لان البيت كله والله اعلم حالتهم سلبيه فحاولي تغييرين شوي جو بين امك وابوك صلحي وجبه او قهوه المغرب وجلسه بينكم
وحاولي تجيبين اشياء كانت حلوه بالماضي بين امك وابوك الذكريات الحلوه لها دور بثاره العاطفه بينهم
بالنسبه للي ماذينكم حاولي تاخذين من اثرهم وشربيه امك وابوك بدون لايدرون ان كانت عين منهم فان شاء الله تروح
بالتوفيق
اللهم لاتمكن منا حاسد حسبي الله ونعم الوكيل عليه توكلت وهو رب العرش العظيم :