عجينة فطاير لجميع الانواع …
من مطبخ قلب الامارات ….
المقادير …
5 اكواب طحين رقم 1
نص كوب زيت
علبة روب زبادي
بيضتين
ملعقتين خميره
ملعقه ونص بيكنج بودر
ملعقتين سكر
نص ملعقه ملح
ثلاث ارباع الكوب ماي
الطريقه …
ينخل الطحين بعدين نحط عليه البيكنج بودر والملح والسكر..
نذوب الخميره في ربع كوب ماء ونتركه ..
نخلط الروب والزيت والبيض ونخفقه بعدين نحط عليه الخميره ..
نخلطه مع الطحين ونعجنها ويا الماي ،، ونتركها ساعتين …
هاي العجينه بعد ما تخمرت ،،، ناخذها ونشكلها مثل ما تبون …
نحنا بنسوي منها فطاير جبن بيتزا وخلية نحل ،، وممكن بالدياي او الخضار او اللحم ..
وهاي طريقة لف الكرواسان …
وهاي بعد لف ونخليها نص ساعه قبل ما ندخلها الفرن ،، ونفس الشي مع البتيزا وخلية النحل ،، وممكن نرشها بالسمسم
وهذا فطايرنا بعد ما جهزت الكرواسان والبيتزا ،،، وخلية النحل ..
ممكن نحط عليه الشيره او العسل …وبالعاااافيهــ
|
المشاركة الأصلية كتبت بواسطة ifni
 رائع حبيبتي ويستحق التقييم
|
لذيذة وصفاتك عزيزتي
قلب الامارات
مشكورة حبيبتي حفظك الله ورعاك
تحياتي
