[IMG]https://img690.********************.us/img690/7316/41398414.gif[/IMG]
حبيباتي عيدكم مبارك سعيد
تعيدو و تعاودو بالصحة و الهنا و الرزق و التيسير و راحة البال
و كل متمنيتو يا رب
ينعاد عليكم اعوام عديدة باليمن و البركات و تقبل الطاعات
تقبل الله صيامكن و قيامكن في رمضان
و تقبل منكن طاعاتكن و صيامكن في شوال
عصير اليوم:
عصير سموثي باللوز والخوخ و الكرموص و التفاح و التمر
لذيذ و صحـــــــــي بــــــــزاف بدون سكر او اية اضافات
مفـــــيد جدا جدا جدا… للصغار و الكبار
و يليق كفطور او عشا خفيف و مغذي لمتبعي الريجيم الصحي
ان شاء الله ينال اعجابكن
نخليكم مع المقادير و الطريقة البسيطة
المقادير :
[IMG]https://img683.********************.us/img683/9720/22588564.gif[/IMG]
دائما الكميات حسب عدد الاشخاص
خوخ
تفاح
كرموص
لوز
تمر
ماء
شخصيا لكل كاس عصير من الحجم الكبير كنعمل :
نصف خوخة كبيرة + نصف تفاحة كبيرة
+ 2 كرموصات + 7 تمرات (من النوع الرطب القابل للطحن بحال الدڭلة)
+ 2 ملاعق كبيرة رقائق اللوز
و كنطحن كل كاس كبير بنصف كاس عنبة ماء
باش كيجي القوام ثقيـــــل و عاقد او ما يسمى سمـوثي
و مع الفواكه و التمر لا داعي لإضافة السكر
وممكن تعوضو الماء بعصير الليمون او الحليب لو توفر او اي سائل كتفضلو حسب الرغبة
الطريقة
:[IMG]https://img683.********************.us/img683/2758/69288681.gif[/IMG]
اولا كنغسلوالفواكه فالماء و الخل و كنضفوها مزيان
شخصيا مكنقشرش الفاكهة لان القشر كيعطيني طعم و قوام مميز اضافة الى اللون و الفائدة اغلب الفيتامينات كتكون مركزة فالقشرة فمن غير الصحي نلوحها
و كنقطع الخوخ و التفاح و نحيد ليه العلف
و كذلك التمر كنحيد ليه العلف (كنختار التمر الرطب القابل للطحن)
و كنقطع الكرموس
و كناخذ اللوز كنقطعو رقائق باش يسهال طحنو
و هنا صورة للقياس للي كنعمل لكل كاس
كيف قلت
لكل كاس عصير من الحجم الكبير كنعمل :
نصف خوخة كبيرة + نصف تفاحة كبيرة
+ 2 كرموصات + 7 تمرات (من النوع الرطب القابل للطحن بحال الدڭلة)
+ 2 ملاعق كبيرة رقائق اللوز
و كنطحن كل كاس كبير بنصف كاس عنبة ماء
ثم فالخلاط كندير الماء و التفاح و الكرموص و الخوخ
وكنطحن الكل مزيانحتى كيتجانسو
ثم كنضيف اللوز و التمر بهاذ الترتيب
باش كيعطيو قرمشة و قوام للعصير
و كيف سبق و قلت كنطحن كل كاس كبير بنصف كاس عنبة ماء
باش كيجي القوام ثقيـــــل و عاقد او ما يسمى سمـوثي
يعني قياس الماء حسب عدد الكؤوس للي بغيتو تقدمو اي حسب عدد الاشخاص كل كاس كبير بنصف كاس متوسط
[IMG]https://img683.********************.us/img683/4841/96476659.gif[/IMG]
التقديم :
كنقدم السموثي مباشرة بعد الطحن
مزين برقائق اللوز
ممكن يشرب او يؤكل بملعقة حسب الرغبة
فالصيف بحال دابا كنطحنو بالماء المثلج اما فالبرد فبالماء عادي
و دائما غير يتطحن يتقدم باش تكون الاستفادة من فوائد الفاكهة اكبر
عصير منعش …روعة بهل الحر..
مشكورة اختي العزيزة
يقيم
يعطيك الف عافية
……
بارك الله فيكن جميعا حبيباتي
كل باسمها
ردودكن فرحاتني
الله يفرح قلوبكم
و يجزاكم عني خيرات الدارين
على دعواتكن الطيبة ياطيبات
الله لا يحرمني منكن
عصير كتير بيشهي
دمتي مميزه