السلام عليكم حبيباتي انا عضوة جديده وهذي اول مشاركة لي
انا متزوجة من سنتين من اول شهر في زواجي حملت ومااكتمل حملي
وجلست بعدها سنه وشوي والحين حامل بالشهر الرابع
تعبت من أعراض الوحام الله يكرمكم طوااااال اليوم استفرغ
جربت كل الوصفات . اول مااصحى من النوم قبل مااقوم من السرير حاولت اكل شي الله يكرمكم على طول استفرغ ، أقوم الحمام من غير مااكل مثلا يادوب أوصل استفرغ .بمجرد اقرب الاكل او الشرب من فمي استفرغ .في الليل قبل النوم . اعطووووني حل
اكتبلكم الحين وقايمه استفرغ الله يكرمكم .جربت اللبان ، حلاوة نعناع . بسكوت مالح ، جربت الحلى مانفععععع
ابي حلللللل 😭😭😭😭😭😭😭
حبيبتي الوحام ماتنفع معاه هالوصفات وماانصحك تجربيها ﻻنها ممكن تضر الجنين
ﻻ سمح الله ولكن بمجرد دخولك الشهر الخامس تخف عندك تدريجيا اوكي
ﻻنو انا مثلك بحملي ولما دخلت الخامس خفت
|
المشاركة الأصلية كتبت بواسطة العنود المغتربه
 اختي الحل انك تروحي عالدكتوره تكتبلج حبوب تقلل القيء
|
شكرًا على ردّك حبيبتي
رحت والحبوب مافادتني 😭
اصبري وتحمل واحتسبي الاجر عند الله
وتذكري قوله تعالى ( حملته أمه وهنا على وهن )
يعني مش بالساهل و ان شاء الله جزاءنا الجنة يااارب
انا مثلك وحمي صعععععععععب طول اليوم استفرغ و ما اكل ما اشرب والله بحياتي ما شفت وحدة مثلي ما اقدر اطبخ ما اتحمل ريحة الطبخ ولا القلي ولا الثلاجة هههه بالطريق وانا راكبة بالسيارة لما نمر بجانب مطعم امووووت من الريحة والمنظر ؟ لدرجة اني قطعت امل ارجع انسانة طبيعية تاكل الطعام
ما ينفع معي حبوب ولا تحاميل ولاحتى حقن
لدرجت اطيح فراش ما اقدر ارفع راسي من المخدة وبعد مرور الشهر الخامس اتحسن شوي بس ما اقدر اكل لحوم.. الا بعد الولادة سبحان الله
والحمد لله تعديت هالمراحل واليوم ولدي وبنتي قاعدين يجرو قدامي ربي يحفظهم ويفرحك بشوفة ولدك سليم معافى