مدري ايش اقول
انا متزوجه من 3 سنوات وعندي بيبي
المهم بسبب بعد زوجي وعمله في منطقه ثانيه عن منطقتي
دخلت ع التويتر صار الشباب يراسلوا خاص وتعرف عليهم بس يحاولو يتكلمون عن الجنس أو الأشياء الخاصه اعطيهم بلوك
إلا واحد ارتحت له لأنه لما كان يتكلم عن نفسه كنت أشوف نفسي فيه نفس أحلامي طموحاتي هواياتي تعلقت فيه تجرأ وقال احبك عملت له بلوك بس من ثاني يوم ألغيت البلوك ورجعنا سوا هوه يبي صوري بس انا مستحيل ارسل له صوري من سابع المستحيلات وبعد مايعرف عني معلومه صح كله كذب هوه ارسلي صوره من شفته تعلقت فيه أكثر
مأنكر اني صار له مكان بقلبي
بس والله أحب زوجي وكل ماراسله أحس ب تأنيب الضمير
بيني وبينه رسايل التويتر الخاصه وبس ماعمري كلمته أو ارسلت له صورتي
أبيه والله أبيه
بس أخاف من ربي واخاف أفقد زوجي
قالت ايش قالت احب زوجي
وقالت ايش قالت انا معجبة بشاب الي رسل لي صورته
الحين دوختينا بصراحة ما عرفنا تحبين زوجك ولا شاب الي ارسل لك صورته؟؟؟؟؟
يا ناس يا عالم خافوا الله
والله راح يجي اخر زمن بسببكم
للررررررررررررررررررررررررررررررررفع
اتقي الله يا عزيزتي
فيه مليون قبلج قالو مستحيل نسوي ونكلم ونطرش الصور
و في النهاية سوووها وسووو اللي اكبر منها
لانه الشيطان شاطر و بيزين لج هالطريق واللي رافضته الحين بتقبلينه بعدين
كيف تقولين تبينه استغفر الله وانتي انسانة متزوجة وعلى ذمة رجال !!! اتقي الله
ترضين ريلج يكون بنفس موقفج ؟ يتعرف ويكلم ويحب !!! ما اعتقد فيه وحدة عاقلة ترضى بهالشي
سوي للشخص حضر و احذفي برنامج التويتر كله … واستغفري ربج
وكلمي ريلج قولي له ينقل لمنطقتكم او اقنعيه تروحي عنده … و روحي للحلال اللي رزقج الله اياه واتركي عنج الحرام
توبي لله توبي لله توبي لله قبل لا ينفضح امرج وتنكشفين جدام ريلج
الله يهديج
استغفر الله العظيم الذي لا إله إلا هو الحي القيوم و أتوب إليه 
وفي الاخر
زوجها تعرف على وحده عن طريق لتويتر
وطبعا تزوجها على زوجته
حبيبتي الدنيا دروس والدنيا دواره
يعني راح يعاقبك ربك لانك قلتي ماتقدرين تستغنين عن فربك يمكن يعاقبك بهذا الشي ايضا
ان زوجك يحب وحده بس يرتبط فيها
اللي تسويه حرام وخيانه انتي محصنه
اليوم رسائل وبكره مكالمات وبعده خرجات وبعده …..اظن معروف وش النتيجه ، وخلي في بالك ما فيه زنا بلا مقدمات .
اذا انتي تبغينه ومتأكده انه يبغاك وموب يبغى حاجه معروفه يطمح لها كل شيطان انسي اطلبي الطلاق من زوجك وتزوجيه مع اني متاكده انه يضيع وقت ولو تموتين ما تزوجك لانه معروف اللي كلمتني بتكلم غيري .
توبي الى الله وصوني بيتك
عذه مفدمات الوقوع بالزنا والعيااذ بالله
فاتقي الله , اتقي الله , اتقي الله وتوبي اليه واشكريه على ان سترك سبحانه وانتي تعصيه
توبي اليه وتذكري بأن الله يراااك !!
طيب عزيزتي بفترة بعد زوجك راسليه كلميه تواصلي معه ع الهاتف ع تويتر عندج الحلال فليش تسلكين طريق الحرام،،
ومثل ما انت عطيتيه معلومات غلط أكيد هو نفسج عطاج معلومات عنه كلها كذب..
( نظرة فابتسامة فموعد فلقاء وكلها تؤدي للدمار والرزيلة)
إختي العزيزة//
دام مزوجة وعندج طفل وتعيشي بنعمة فاحمدي ربج على هذي النعمة ولا ادمري بيتج وتخربيه بإيدج بعدها راح تندمي وليت يفيدج الندم،،
ترضين زوجك يكلم بنات من وراك؟؟
فكيف بأعظم خيانة وهي خيانة الزوج وهو من أختارك ووثق فيك وأمنك على بيته في غيابه..
لو علم زوجك ما راح تسلمي ترا انتبهي،،
فاتقي الله يا أختي هذا من الشيطان ليهلكك وليخرب بيتك ،،غلطتي نعم فعليك بالتوبة والندم والإستغفار وأن تكون لديك نية صادقة في ترك هذا الشخص ،وكتابة مشكلتك هنا دليل على صدقك وعزمك على تركه ،، فاحذفي تويتر من جذوره ولا تتركي للشباب مجال فهم مثل ما كلموك يكلمون بنفس الوقت عشرات البنات ،،وكلمة أحبك سهلة عليهم ترا يبون مصلحتهم ..
إلجأي لحلالك وهو زوجك واستمتعي معه قبل أن يحل عقاب الله عليك،،
هدانا الله وإياك