بسم الله الرحمن الرحيم
السلام عليكم ورحمة الله وبركاته
انا متزوجه لي سنه وعشر شهور عندي ولد الحمدلله بدخل في الموضوع دوغري مااعرف للمقدمات
زوجي كان له علاقه سابقه لوحده كان يحبها واهي تحبه وتقدم لها وماوافقوا اهلها كل هالكلام قبل يتقدم لي بعد مارفضوه اهلها تقدم لي ووافقت عليه ومشت حياتنا وحملت بعد الزواج ب4شهور ومشت الحياه
الحين له فتره متغير مرره حاط على جولاته باسوورد ومهمووم ومتضايق ويعصب علي واحاول افهم منه واساله وش فيك مايقول كم مره سألته اذا سألته يقول مشكله تخصني انا ومن مصلحتنا مايصلح تعرفين
انا يوم قال كذا نغزني قلبي قلت بس اذا مايقدر يقولي فهي سالفه حرمه ثانيه غيري
قلت له سالتك بالله وش فهي خلاص مليت من هالوضع قال السالفه انا كنت اعرف وحده قبل اعرفك
قلت ادري وش فيها (( السالفه كيف عرفت انه يعرف وحده قبل اعرفه قالي عنها هو ايام الملكه )) قال رجعت تكلمني وترسل لي رسايل تهديد وتزعجني وتقول والله لااخرب بيتك وادمر مستقبلك ليش انت تتهنى وانا لا ومن ذا الكلام زوجي محول جولانه كأنه مقفل عشانها وتقوله والله لااعلم اخواني عليك واحدد موقعك وانهي مستقبلك قالها انا يابنت الحلال متزوج وعندي ولد وماينفع ذا الكلام قالت ماعلي منك ** نقطه لازم انوه عليها البنت ضايع مستقبلها
قلت لزوجي ايش معنى الحين رجعت قال ضاع مستقبلها وتبغى تشبكها فيني المشكله واني انا السبب في ضياعها
وتقول لازم ترجعلي قلت له من متى ذا الكلام قال من 9 شهور قلت يوم كنت حامل قال ايه وقلت للحين مصره قال ايه بعدين قالي لاتشيلين هم انا محول جوالي وبغيره وبتدق وبعدين بتيأس اهم شي انتي
لاتفكرين بالموضوع وتخليني اندم اني قلتلك
انا يابنات الهمم والتفكير ماكلني اكل اخاف تنشب فينا وتدمر حياتي
واخاف زوجي يحن لها او هي تستدرجها لان حسب ماعرفت انه كان يحبها وتحبه مررره
وزوجي من النوع الغامض ويكذب كثير فااخاف يكون في شي من وراي ولاادري
تكون وش اسوي الله يعطيكم العافيه ردوا علي وادعولي
ممكن تشرحيلي
لانو اذا كان هو سبب ضيعان مستقبلها مافيه حل غير يتزوجها وبعدين يطلقها اذا كان مو حابب عيش معها
واذا كانت المشكلة مش هيك
الله يكون بعونك حبيبتي وييسر امورك بس ماتسكتي عندك هلا ابن لازم تعرف كل شي بعدين قرري شو تعملي
حسبى الله عليها شو بدها بزوجك
والله مو انا بس هي تبغى تنشبني فيها عشان ارجع لها
لان اول مارفضوه اهلها وقالها ان لازم نقطع العلاقه لاني خطبت غيرك وبتزوج
يقول بغت تنجن وصارت تصرخ وتسب وكذا
يعني هي مره شكلها متعلقه فيه
علما الكلام بالغصب يقولي غاامض مره وجولاته مقفلها
حاولت افتحها ودرى اني حاولت وهاوشني وعصبت وصرت اشك اكثر واخاف اكثر
اذا قلت ليه عاد رمز يقول فيه اشياء ماابغاك تشوفينها
الله يهديهم البنات هاليومين
المفروض انها ماتدور عليه خصوصا انو اهلها اللي رفضوه ماسحب حالو من حالو
بس هي ضيعت مستقبلها وحبت تضيعو معها
انت ماعليك غير الدعاء لله والتضرع وقيام الليل وادعي الله يحفظلك زوجك