علمي خطيبك سر السعادة لتضمنيها ! للعروسة 2024.

الرجل متل الطفل ولازم المرأة تعرف كيف تتعامل معه وكيف تخليه يحبها ومتل ما بقول المثل الشعبي " جوزك على ما عودتيه " : يعني متل ما بتعودي زوجك على عاداتك بتلاقي معاملته لإلك .

ومن رأيي الشخصي أنه المخطوبة لازم تعرف شو بدو خطيبه من الزواج وتربط هالشي بالسعادة الزوجية …

أنا خطيبي كتير بخاف أنه يتزوج وما يكون سعيد بزواجه رغم أنه حالته المادية ممتازة – بيت وسيارة وعقارات وشغله ممتاز " محامي " – بس على اعتبار هو الصغير بعد 3 بنات والوحيد كانت كل طلباته مجابة , وهالشي وصله لمرحلة أنه مهما كانت نعم الله كتيرة وموجودة وتوفيقه سابقه , بيضل مكتئب ومتشائم يعني ما بحس بالسعادة لأنه كلشي معه وما تعب بحياته حتى لما خطبني كان كل شي عاجبه ….

المهم أنه صرت أقنعه أنه السعادة ما بنقدر نلمسها لحتى نوصل للقناعة … وما فينا نوصل للقناعة إلا إذا رضينا … وما فينا نرضى إذا ضلينا نشوف اللي فوقنا بالعكس لازم الإنسان ينظر للي أقل منه ليحس بنعم ربنا وكرمه ….

وهاااااد رأيي اللي ماشية عليه طول عمري !!!