انا ماشفت نفسي يوم لأني منخلق من طين
ولو اسمي وصل عالي بظل الي عرفتيني
ولكن للأسف هانت ليالينا بغمضة عين
وعلى الفرقا أسبابك نعم أنتي جبرتيني
توصيتي بطعناتي وبعد ما تنزف السكين
وقبل لا الفظ انفاسي على نفسي توصيني!!
دخيلك قلبي الوافي لاتخلينه ولا تطرين
وراس إلي تحبينه تصدي عن مدى عيني
وصلتي حق نهاياتي وشاللي بس بقا تنهين
على ما أظن ماباقي ولا حاجه تحس فيني
مدام انك تحبيني وبنفس الوقت ماتوفين
ومدام انك وفيتي له وبنفس الوقت خنتيني
وشاللي بس تحسينه إذا انتي كنتي تحسين
تحبيني وتحبينه ..تحبينه وتحبيني
حضنتي قلبي ونمتي وعلى صوتي انا تصحين
وإلا منك تمللتي تحضنينه وتمسيني
محال تصير في الدنيا بشر في داخله قلبين
تبينه بقلب وفي قلبك بعد قلبٍ يناديني
انا مابيك لو انك على الفرقا دهر تبكين
صعب ارضى بنزواتك ولوحتى بغيتيني
ثلاث سنين أو أربـع وكاد أنها كثير سنين
بعد هذا العمر كله على أيامي صدمتيني
بعد لاتنطقي بكلمه رجيتك اسكتي تكفين
أخاف انك ان تكلمتي خطأ باسمه تسميني
وإذا مره ذكرتيني مع الأيام أب تنسين
ويبقى لك مثل ذكرى جميله لا ذكرتيني
كثير الي يتمنونك واكيد انك تبين تلقين
وانسي يوم ما انتي تمنيتي ولقيتيني
انا وش جابني لدربك انا وين وغرامك وين
انا اكبر من عيوبك وعيب انك عرفتييني
وانسى انك ذبحتيني وأمانه ادفني السكين
وعلى قبري بدال اسمي ابي كلمة خسرتيني
جَمِيل جَمِيل الذي قرأته هنَااا ..
توصيتي بطعناتي وبعد ما تنزف السكيـن
وقبل لا الفظ انفاسي على نفسي توصيني!!
سلِمت يَمينك أمِـيرة
أخاف انك ان تكلمتي خطأ باسمه تسميني
فديتك ياأميره صدق اميره باحساسك الراقي والرائع
قصيده في غاية الروعه
كلك ذوق غاليتي
الصراحه كلمات روووووووووعه
تلم يمينك يا قمر على هالابيات
تقبلي مروري ولاروع نضم الكلمات
تسلمين حبيبتي اميره ويسلم هالذوق
تقبلي مروري وتحيتي