أبرحل والله العالـم وش اللـي بداخلي من شوق
……………….. وبطـوي صفـحة ٍ عـّـيا زمان الجـور يطويها
أبرحل تايه بغـربة وطـن مالي عـليه حقـوق
…………………. وطـن وحدوده عـيونك ودمع ٍ حاير ٍ فـيها
أبرحل دمعة ٍحارت من ادنى الموق لاقصى الموق
……………….. خـذلها الــوقـت يـوم انه حـرمها من هقاويها
أبرحل واجمع آلامي وابرقع ثوبي المشقوق
…………………. وابفهق عن دروب الشك رجلي قـبل تمشيها
أنا ادري ان الـزمن قاسي واعرف اني بليا ذوق
……………….. ونـفسي يـوم ودعـتك رمـت فـي النار رجليها
عمر هالحب مايفنى مدامـه في الحـشا مخلوق
………………….. ولــو دنـيـا الـعــنا جارت وورتـنا بلاويها
أبنسى آه كـيف انسى وانا اللي من زمن محروق
…………….. اكــّـذب كانني قلت اقدر انسى بعض ماضيها
ألا ياحـظـي المقـفي علامك للـشقى مـطفوق
……………………. انا طـالـبـك لاتفــتح لعـيني ســدّ واديـها
أبنسى كيف والذ كرى وسط قلبي تسوقه سوق
…………………… وهــذا طيف عاتـقـها وهـذي رجفـة يديها
أنا فـي ذمة الله ما عـلي مـن الشقا والعوق
…………………. انا فـي ذمـة اللي لاقــبض هالروح يحييـها
جعـل عـين ٍ بكت للـحب ابد ما تنحرم مــن مـوق
…………………….. ولا تفقد ولـوطالـت ليالي الهـجـر غالـيها
وعـين ٍ خانت العـشرة عـساها امر الولي من فوق
…………………. عـساها فـي زمان ٍ دبـرتـه ضاعـت خطاويها
وابرحل والله العالـم وش الـلي بداخلي مـن شـوق
………………….. وبطـوي صفـحـة ٍ عـيّـا زمـان الـجـور يطويها
—————————————————————-
قرأتها فنثرتها لكم
بقايا روح
…………………. انا فـي ذمـة اللي لاقــبض هالروح يحييـها
أختي بقايا روح قصيده في منتهى الذوق والجمال .
واصلي وأتحفينا بالأفضل .
وتقبلي غاليتي مروري .
…………………….. ولا تفقد ولـوطالـت ليالي الهـجـر غالـيها
رووووووووووووووعه حبيبتي..
تسلمين على القصيدة
والله يعطيك ألف عافية …
أختكم بقايا روح
لااا هانت يمينك بقايَاا 
, رائعه
كلك ذوق حبيبتي في كل اختياراتك
لك تحياتي واحترامي