السلام عليكم ورحمة الله
مساء وصباح الخير لكم اخواتي
بنات
انا خشمي فيه ميله بالعظم من داخل من زمان يعني جهه مافيه الا فتحه صغيييييره للتنفس هذي الجهه المايله والثانيه لا عادي والجهه المايله حتى من برا الأنف مبينه يعني زي الانتفاخ البسيط بالجهه المايله
واذا طلعنا لعزيمه أو شي لازم احط زمام التركيب عشان يخفي الشكل ويزين شكلي شوي
واليوم لاحظت شي خوفني مرررره مادري هو من الميله أو لا
ولاقلت لأاحد لين مااتاكد لاحظت اني لما اصور نفسي بالجوال يكون الجهه اللي فيها انفي المايل كلها مو نفس الجهه الثانيه يعني حواجبي واحد نازل عن الثاني شفتي جهه نازله عن الثانيه خفففت ورحت أركض لصوري القديمه اللي عني ودققت فيها لقيت نفس الشي يعني هالشي من زمان فيني ولااحد لاحظ من اهلي ومادري عن الناس اذا لاحظت أو لا ومادري هالميله من أنفي او لا يعني اذا وقفت عند المرايه يكون شكلي طبيعي بس اذا صورت نفسي شي مو طبيعي
يارب رحمتك فعلآ البني آدم ماهو شي
ياأخواتي أول شي أبي دعواتكن
وثانيآ حبيت أستفسر عن أفضل مستشفى لتعديل الانف بالمملكه وبكم الاسعار ,, يعني حاليآ أقرب مستشفى لي الحبيب وودي اروح له بس بعد مابحثت لقيت كلام يخوف عنه وكأني تراجعت
فيه وحده منكن عندها الخبره الكافيه عن مستشفى الحبيب بالقصيم او أي مستشفى ممتاز بالمملكه يسوي مثل هالعمليه وهل لها آثار جانبيه لاني قريت كلام يخوف عن عمليات الانف انه أكثرها ماتصير بالشكل المطلوب ويصير فيه سلبيات ويخرب شكله ومادري ايش فخفت والله ..وعلى طول قلت مالي الا بنات سيدتي يفزعن لي
وكم تكلف عمليه الأنف
مشكورات حبيباتي أتمنى المساعده بقدر الامكان وجزاكن الله خييير
ادا هيا خلقه ﻻ تسوي شي ادا مثﻻ طحتي مثلي او شي
روحي اكشفي وادا ﻻزم راح يسون لك عمليه
حبيبتي وش فيك الله يهديك انا ماقلت ابسوي عمليه تجميل ولا ذكرت بكلامي عملية التجميل وانا اعرف وش معنى الحلال والحرام
ارجعي أقري كلامي زين انا أقول عندي ميلآآآآن بالعظم بالانف فاهمه شلون يعني ميلان !!؟؟ وانا ماطحت ولكن الشرع ماحرم اني أسوي شي فيه مصلحه لي وفيه شفاء لي ياحبيبتي ..من زمان رحت لدكتور وقال عندك الانف مايل العظم من جوا وبعد العشرين تقدرين تسوين عمليه
وترى عمري 24 يعني 24 سنه وانا ماقلت ابغى اسوي والحمدلله والشكر راضيه بس كتبت لكم الموضوع يوم خفت وحسيت بشي مو طبيعي وكذا مره جلست اصور نفسي واختي الصباح المسكينه قبل تروح المدرسه اخليها تصور وحالتها حاله وفعلآ اكتشفت الميلان وقلت لامي ووريتها الصور وهاوشتني ههههههه تقول يالموسوسه وتقولي العمليه صعبه وانا احسها عادي الحمدلله يعني مستحيل مافيه احد قبلي سواها وش رايكم يابنات
اتمنى احد يفهمني ويرد علي
ولكن انت في السعودية
اول شيء ماتقلقي ربما هذا الميول يضفي ع جمالك وانتي مابتعرفي
الجمال عزيزتي نسبي احيانا ميول خفيف او حوله او صبه بالعين خفيفه تميز الانثى وتجعلها فاتنه عن غيرها
الميول الي بتقولي عنه في العظم ربما ماتستفيدي كويس من العمليه
اكثر اطباء التجميل هدفهم الربح المادي ولاغير بكل اسف
الانف التعامل معه بكل حساسيه لذلك ما انصح بالعمليه ابدا
هناك تجارب لممثلات ومطربات استفادو مؤقتا من تجميل الانف ثم تشوهو بعد فترة لان الانف عباره عن غضروف صعب التعامل معه،،
اتمنى تكوني استفدتي من كلامي لو حبيتي اسم دكتور يملك عيادة خاصة في جدة ممكن ابعثي ع الخاص وانا مستعده اديكي اسمه هوه على حد علمي افضل الموجود ومع كذا برضو ما انصح
امنياتي التوفيق لك اختك في الله زينه، قلبي معك