السلام عليكم ورحمة الله وبركاته
واهلا وسهلا بكم ……….. وخاصة للي زوجها يدخن ومتعبها معاه
لاليلها ليل ….ولا نهارها نهار….وكان الله بعونهن
وهذه تجارب حقيقيه ومن حياتنا الواقعيه
لنساء عاقلات وذكيات كانوا ازواجهم مدخنين …. وبفضل الله انتصرن
النساء في المعركه ضد التدخين
وللي تنفع معها ياليت تستفيد منها ,,,,علشان نحافظ على بيوتنا
ومجتمعنا من هذا الداء والسم اللعين
وانقلها لكم على لسانهن ……..
الاولى /
كان زوجي يدخن بشراهه ومستحيييل يمر عليه يوم من غير ما يدخن وانا
كنت مررره اتضايق وسارت خلافات ومشاكل ونصحته مافي فايده لين جا
يوم وقلتله ..يااحمد الفلوس الي تشتري فيها الدخان هي ملكنا كلنا مو
لوحدك ومو من حقك تتصرف فيهابكيفك يعني لو سمحت حضرتك اذا مو
ناوي تتركه كل ماجيت تشتري لك باكيت سيجاره بخمسه ريال تعطيني
انا خمسه ريال حقي وحق عيالك .وفرح احمد ماصدق ان الموضوع
انحل ..وقلها ابشري الا ماعطيك المبلغ اعطيك ضعفه عشره ريال بس
اهم شي تخليني على راحتي وصار زوجي كل مايشتري دخان يعطيني
العشره وصارلنا على هالحال فتره وزوجي ماترك الدخان السالفه عاجبته
وشكلها بتطول …وانا فكرت وفكرت وقررت واليوم الثاني اشترى زوجي
دخان واعطاني العشره هوولع السيجاره وانا اخذت ولاعه وولعت العشره
احمد ..ايش تسوين انتي مجنونه.. ..لاوالله صاحيه انت المجنون ..
يابنت الناس الفلوس هذي مانجيبها الا بتعب .. ..انا بسوي زيك انت تحرق
فلوسك بالدخان وتحرق صحتك وانا كمان احرق الفلوس لكن ما احرق
صحتي وهذا الفرق وكمان جلسنا على الحال فتره قصيره هو يعطيني
العشره وانا احرقها قداامه وبعدها عقل زوجي وفكر صحيح كلنا بنسوي
نفس الشي بنحرق الفلوس وكانها هباء منثورا بس للاسف انا بضر
نفسي وصحتي وزوجتي لاوقرر القرار الشجاع وترك التدخين للابد وشكر
زوجته على موقفها واصرارها معه وانتصرت الزوجه …
الثانيه/
انا احب زوجي وزوجي يحببني وكان يدخن وهذا اللي كان قاهرني فيه
وكنت ما قدر استغنى عنه بس ريحت الدخان خلتنا نبعد عن بعض
كثييير ….وحاولت معاه بشتى المحاولات ولكن لا حياة لمن تنادي وانا
اكتشفت ان زوجي يكره البصل كره العمى … اي طبخه احط فيها بصل
مستحيل ياكل منها … وطبعا هذا كان في صالحي وكل مازوجي يدخن
سيجاره اروح انا اخذ بصله اقشرها واقطعها واكلها قدام زوجي كانه
برتقال وهو مستغرب بصل ؟في احد ياكل بصل؟ انتي خبله .. انا رديت
عليه بضحكة اللا مبالاه و قعدت له هو يدخن وانا اكل
بصل ..وقالي ..اشفيك انتي كل مادخن تجين تاكلين بصل قدامي
ماتعرفين اني انا اكره البصل ؟قلتله انت تكره البصل وانا اكره الدخان
والبصل يا كثر فوائده اما الدخان مافيه ولا فايده خراب ودمار للصحه وانا
رح اضل على هالحال الين ماتترك الدخان نهائيا وفكر زوجي وفاق من
غفلته وترك الدخان والحمدلله والحين مافي شي يعكر على حبي
وحياتي معه وكله بفضل الله ثم بفضل البصل 
وعلى فكره
زوجي صار يحب البصل.. طبعا لانه كان السبب في تركه للسم الدخان
الثالثه /
انا زوجه مدخن وهذا اللي كان يحرمني لذة النوم وزوجي كان عنده
هوس شيء اسمه النظافه ما كان يحب يشوف اي شي وسخ واكثر شي
كان يضايقه لمن يجي يطفي السيجاره وما يلاقي الطفايه حواليه فيظطر
يقوم يطفيها بره البيت او بالحمام ( اكرمكم الله ) وان انتبهت لهذه النقطه
وصار كل مايطلع من البيت اخذ كل الطفايات وارفعها عنه واذا جاء يدخن
يسال عنها واقله الشغاله رمتها في الزباله ومرة انكسرت ورميناها وعلى
هالحال هويشتري طفايه وانا ارفعها واكذب عليه .. لا تلوموني هالشي
بمصلحته وزوجي طبعا طفش ومل كلما يدخن يقوم مشوار عشلن
يطفيها .. والحمد لله ترك الدخان بعد عناء طويل وفي يوم من الايام لمن
صار مايطيق شي اسمه دخان…….. اخذت الطفايات كلها وسويتها على
شكل قلب وكتبت له بورقه جميله (بما انك تحب النظافه فسنظل دوما
نظيفين لا تطفيء علينا سيجارة واحدة نشكرك على تركك للدخان وهنيئا
لك تاج الصحه والعافيه ) والمهم سويت حركات حلوه ورومنسيه من
الفرحه اللي انا فيها … ويوم جا زوجي وشافها ماتتخيلوا فرحته
وقتها………
الرابعه/
انازوجي كان يدخن للاسف وهو يشتغل رجل اعمال بمجال العقارات وكان
دايما يحكيلي عن بطولاته اليوم بعت واليوم اشتريت وانا كنت ادعيله
بالتوفيق بصوت مسموع وكان الله يحفظه مرره يفرح
وفي يوم جمعه وبعد صلاة العصر ناديته وقلتله ابغى من وقتك خمس
دقايق .قال خير اش فيه قلت انا بدعيلك وانت امن ..لان اليوم جمعه وفيه
ساعة استجابه قال هيا والله يجزاك خير وانا ادعيله ..اللهم وفق ابو
فلان ..امين . اللهم يسر له اموره..امين اللهم …. وجلست ادعيله
وهويامن .. المهم باخر الدعاء قلت .. اللهم ان ترك زوجي التدخين اجب له
هذا الدعاء وان لم يتركه لا تجبه .. واحتار زوجي ونزل يده وما قال
اميين ,..والحمدلله بعدها بيومين ترك زوجي الدخان وهذا كله بفضل
الله………
الخامسه/
انا تزوجت وبعد الزواج اكتشفت ان زوجي يدخن وندمت واصلا ماكان في
فترة خطوبه للتعارف.. وزوجي كان يحب الاطفال مررره …المهم قررت
اني اخذ حبوب منع الحمل ومرت الايام وبعد سبعه شهور قلق زوجي
بموضوع الحمل وقلي لازم نروح للمستشغى …وانا هنا صارحته بالحقيقه
وقالي ليش تسوين كذا من وراي وقلت له لانك مدخن والتدخين يضر
بالجنين وانا ماابغى ابو عيالي يكون مدخن وانا اوعدك اذا انت تركت
الدخان انا رح اترك الحبوب فورا وبالفعل حاول زوجي وترك الدخان وانا
تركت الحبوب ومر شهرين وحملت بعدها وجبت توام بفضل الله … وان
مطمئنه عليهم وعلى ابوهم الغالي من هالسم المضر بالصحه ..
وهذه الحمدلله التجارب اللي عرفتها وانتصرت فيها المراه انتصارا ساحقا
على هذا الدخان القاتل ………نسال الله العافيه
وعقبال جميع المدخنين …
واللي عندها تجربه ونجحت فيها ياليت تقولها …
واهم مافي الموضوع ارادة وعزيمة واصرار المدخن ..على تركه
للدخان..وماننسى ان ندعوا لهم بالهدايه ..والله يهدي من يشاء الى
الصراط المستقيم
…..منقول….
وااسفه جد على الاطاله
وبانتظار رودودكم العطره…,,
تحياتي
….. اختكم : لمعه الماسه ..
اقولها وانا ابي ابكي
ماخليت على زوجي قاصر وماقدر يترك التدخين
المشكلة انه كذب علية وخدعني وهو على باله انه لما يخبي عليه انه يدخن مايجرح مشاعري ماعرف انه بيقتل احساس الحب اللي يجمنا
وربي تعببببببببببببببببببببت وتعب قلبي وانجرحت كفاية
اخاف يجي اليوم اللي تموووووووووووووووووت كل مشاعري واحاسيسي اتجاهه
يااااااااااااااااااااااارب يترك التدخين ياااااااااااااااااااااااااااارب سالته ورجيته في هذا الساعه ان زوجي يترك التدخين
ولكل من أمنت ان يحقق ربي مناها