"""////// ـــــــ وجيه ــــ كثار ــــــ//////""" -كلام عذب 2024.

عيونٍ زيفاها ..واضح..
وضحكات وحكي ..فاضح..
شفاتٍ..حللت..اسرار..
وجيه اكثار..

وانا
في زاوية.."حزني"
ويمطر داخلي .."مزني"
يبلل "غيبته" باعذار..
و
يبللني ..
يغرقني..
ألين ..يغيب هالعالم..
ولا أسمع..
سوى نبضي..
صدى رفضي..
رعود شاردة..وامطار..

وجيه اكثااااار..
*
*
وجيهٍ همّها تسرق..
بقايا حلمي البارح..
تراقب كل مايشرق..
وبان بطرفي السارح..

وكأن الدنيا مافيها…
سوى حلمي..
سوى ذاك الصباح إلي..
يفجّر داخلي..أشعاار..
وجيه اكثار..

كأن العالم ابكبره..
تذكرني..
تذكرني..
وصاروا همّهم.. همّي..
ولا كنّي…"بكيته" يوم..
ودمعي مالقاله "حضن"..
يلمّه..من شتا "كمّي"..

تناسوا..
تناسوا كل شيٍ صار..
وجيه اكثار..

وجيه اكثار..وبلحظة..
(بريئة حيل..)
وما لاقت على هالليل..
تحّول هـ"الصخب"..ازهار..
!
طرف فستاني "الحالم"..
تجرّه لي..
فراشة..ترتجي انوار..

"طفلة"…ودها تلعب..
تنادي داخلي.."طفلة"

"ابلعب لين ماأتعب.."
معاكي..يا نقا الحفله..

ابستأذن عيون الناس..
وبسكن طهرك لحالي..
ياعزّالي..
ألا ياليتني باقي..
"صغيرة… تنط..وتشاقي..
انا وانتي هنا..وصغار..
ولا نفهم
ولا نقرأ..
وجيه اكثار..

أمانه يالمساء.. عجّل..
وانهي مابقى منّك..
و ربّي صارت اتخجّل..
عيون الناس..مو منّك..
عيون اكثار..
عيون اتغار..

عيونٍ سهمها…من ناااار..
تشّوه مابقى فيني..
من اسنيني..

ويترك حقدها…آثار..
وجيه أكثااار..

دائما تنيرين متصفحي

لك حبي