دى اول مشاركة لية فى المطبخ حبيت اقدم لكم فتة الكوارع بطريقتى لانى الحقيقة عملتها الاسبوع دة وعجبت جوزى وقالى اعمليها كل اسبوع علشان كان هياكل صوابعو وراها وكمان لانها طبق مغذى ومفيد ومن فوائده 1-علاج خشونة المفاصل لاحتوائها على مادة جيلاتينية تقوى المفاصل والعظام 2-تحتوى على النخاع الغنى بالبروتينات وفيتامين ا الذى يحتاجة الجسم لضرورة الرؤية فى الظلام وتحتوى على الفسفور الذى هو عنصر هام فى تكوين بلازما الدم وهو مقوى للذاكرة ومنشط للاعصاب 3-تزيد من السائل للمنوى للرجال اللذين يعانون من ضعف الخصوبة رزقنى اللة واياكم بالذرية الصالحة المقادير 1 كارع منظف ومقطع قطع متوسطة راس ثوم مقشرة ومدقوقة ناعمة 6 حبات طماطم كبيرة نصف فنجان خل ابيض وقليل من الزيت 2 كوب ارز ابيض عيش محمص ماء لتسوية الكوارع ورق لورى- فلفل اسود- ملح- حبهان الطريقة 1- نغلى الماء فى حلة كبيرة ونتركها لتغلى كويس على النار 2-نضيف الكوارع بعد غسلها كويس ونسيبها تغلى على نار عالية وبعدين نشيل الريم من على الوش 3-نوطى النار ونضع الفلفل والحبهان وورق الورى ونغطى ونسيبها على النار لمدة ساعتين 4- نضرب الطماطم فى الخلاط نحمر جزء من الثوم فى معلقة زيت وبعدين نضيف نصف الخل وبعدين الطماطم ونسيبها تتسبك 5-نحمر باقى الثوم ونضيف باقى الخل تكون الكوارع استوت نضيفليها الخل بالثوم ونضيفلها خمس معالق صلصة من اللى اتسبكت 6- نضيف للصلصة كبشة من شوربة الكوارع 7-نجيب معلقتين زيت فى حلة ونسخنهم ونضيف الارز وبعدين نقلب وبعدين نضيف 2 كوب ماء مغلى ونغطى علية ونسيبة يستوى 8-نرص العيش فى صينية مفرودة وبعدين نضيف الارز الابيض وبعدين نسقيهم بالشوربة ونضيف الصلصة على الوش نقدمها مع الكوارع الساخنة والشوربة بالصلصة والخل والثوم ونضيف ملح حسب الرغبة. جربوها بالطريقة دى ويارب تعجبكوا.
واهلا وسهلا فيكي معنا بالقسم
بانتظار اطباقك المصورة
ينقل للقسم المناسب