السلام عليكم ورحمة الله وبركاته
حبيباتى مبارك عليكم الشهر الكريم
وينعاد عليكم بالخير واليمن والبركة ورزقكم الله ثوابه وجعلكم من عتقاء الشهر الكريم
اسأل الله العظيم رب العرش العظيم ان يبلغنا رمضان نحن وجميع المسلمين
لا فاقدين ولا مفقودين ويكتبنا فيه من الفائزين
ويرد كل المسلمين الي الاسلام ردا جميلا
ويفرج هم المهمومين ويحقق الامنيات ويسعد القلوب
لجميع المسلمين في مشارق الارض ومغاربها 
بننتظر اقبال الشهر الكريم من العام للعام
و انتظار السعادة والامل فى الرحمة والعتق
خلال الشهر
وحب الطاعات من صيام وتراويح وختم القران
بالنسبة الى رمضان هو فى حد ذاته عيد لما بيجى ولازم البيت يبقى مستعد لاستقبال هذا الضيف العزيز الكريم
لابد ان يكون كل ركن مرتب ومنسق والستائر والسجاد مغسول متعطر
حتى لا التهى فى التنظيف والطبخ ويضيع عليا الشهر
ولا اهمل فى التفنن فى الوجبات ولا الحلويات ولا اقصر فى العبادات
وحتى دخول العيد والعشر الاوخر لا ارتبك فى التنظيف والاعداد لاستقبال العيد ويضيع منى الثواب
تفيدنى اذن الحل كل شئ يبقى متنظم ومترتب
من قبل رمضان
كلامى لك للافادة وليس لتنفذيه بحزافيره انا نفسى اغير كل عام طريقتى ونظامى حسب خبره اكتسبتها او معلومة قريتها
او حسب ظروفى واحتياجات المنزل
و انا دايما بتعلم وفى حاجات لم اكن اعملها ونويت اعملها ان شاء الله وربنا يقدرنى وتستفادوا بمشاركتى
الاستعداد دينيا
جدول ختم القران فى رمضان
التعرف على الصلاوات والسنن والرواتب
تجهيز اسدالات جديدة وسجادة صلاه خاتم التسابيح
تعطير السجاجيد الصلاه
الاستعاد للمنزلى
– الاستعداد التنظيمى والتنظيفى
*اول حاجه هنقسم شهر شعبان لاسبوعين للتنضيف واسبوعين تفريز
*طبعا البيت هيتنضف كله شبر شبر وحته حته تنظيف عميق حتى الادراج والدواليب
وادراج المطبخ
القاعدة الاساسية
كل شئ لا تستخدميه طلعيه لاهل الله
لانها واخده مكان ع الفاضى
وبتاخد منك وقت وجهد فى تنضيفها يعنى كل ماتيجى تنضفى تجيبى الحاجه تنضفيها وتمسحيها وتمسحى تحتها وترجعيها تانى وهكذا مع كل مره تنضفى فيها يبقى ليه
*لو فى الكراكيب دى برطمنات او علب تلاجه او اطباق او حلل مش بتستخدميها اديها لحد محتاج بالنسبالك ممكن تكون حاجه بسيطه وتافهه وهترميها بس بالنسبه لحد تانى كبيره ومش هتصدقى اد ايه احتياجاتهم بسيطه وهتاخدى ثواب
*الملابس اى حاجه مش بتلبسيها انتى او اولادك او زوجك يبقى خلاص تتغسل وتتكوى وتتطبق وتتكيس وتعطيها لحد محتاج تعرفيه والاقربون اولى بالمعروف وفى ناس متعففه عمرها مابتطلب ولا تحسى انهم محتاجين بس هما فعلا محتاجين بس من صفاتهم التعفف يبقى هما دول اولى بالخير والصدقه
متعرفيش حد اتصلى باى جمعية وهما ياتوا لحد البيت وتديهم للمندوب وممكن الهدوم دى تبقى هدوم العيد لطفل وتفرحيه فى العيد ويااااااااااااااااااااااااااااه على الثواب
التنظيف
كل غرفة فى البيت هتتنضف من اولها لاخرها تمسكيها وحدها حتى تنتهى منها تماما
سجاجيد تتغسل فى المغسلة او عندك حسب راحتك
فى البيت طريقتين لغسيل السجاد غسيل على الناشفكدة
بمنظف السجاد والمكنسة
او بالماية والكلوركوس الالوان تحت الصنبور "الحنفيه بماية كتير وتتنشف فى الشمس
ووالستاير تتشال وتتغسل وتتكوى
وتتعطر بطريقيتن برضه
الاولى اما فى ماية المكوة
اوالثانية بالبخاخ ومعطر المفروشات وتلفى على الستاير وترشيها بالبخاخ
اوضة النوم:
*السقف هيتزعف ويتنضف بالزعافه او المقشه هنلمع النجف
ويترتب الدولاب والادراج
والتسريحة ولو تجيب مفارش جديدة للكومدات والتسريحة او ديكورات بسيطة لغرفة النوم يكون حلو
التنظيف فوق الدواليب
وتفرشى مفارش مشمع خفيف او رولات السفرة لمنع تكون الاتربة وسهوله التنظيف
وتلمعى بالبليدج الخشب
المرتبة تشفطيها بالمكنسة وتهويها من الناحيتين
تقلب المراتب وتتنظف تحت السرير وتتنكس الارض وتتلمع
قبل تلميع الارض مرة اخيرة تزعفى السقف والجدران لانه التراب الخفيف بيطير معاك وانت بتنضفى التلميع اخر شئ قبل الفرش وطبعا تعطير المراتب والستائر
ولو عندك ايرويك ممتاز
ولمسة اخيرة مفرش سرير جديد لاستقبال الشهر
غرف الاطفال
نفس نظام غرف نوم
بس ممكن تذودى عليه المسات ديكوريه جديدة اضاءات وفوانيس
لمراتب الاطفال ممكن تمررى عليها فوطة منديه ماية بديتول
او ترشى عليها بودرة تالك
للروايح الغير مستحبه او لو عندك اطفال عندهم تبول لا ارادى اثناءالنوم
السفرة
تنظيف الجدران والبراويز والستائر النجف
تلميع النيش تنيف الصينى والكريستلات والحاجات اللى بداخل النيش
تلميع الترابيزة والكراسى غسيل وتنظيف قماش الكراسى بمنظف المفروشات
تميع الخشب
لو سفرتك فيها اشغال نحاس لمعيها بملمع النحاس
والانتيكات الفضيات
تتلمع وتتنظف
وبرضه السجاد تيتغسل باى طريق من الطريقتين تعجبك
والستائر ويتتعطر السجادة الستائر والكراسى
المفرش يتغسل ويتفرش
ويرجع كل الانتيكات والتحف مكانها
الصالون
هنعمل كل شئ من تنظيف الجدارن واللاثاث والستائر والسجاد النجف
وكمان هنلف بالمكنسة على الصالون بالقطعة المخصصه للمفروشان
و بسائل تنظيف المفروشات هنغسل الصالون على الناشف يعنى فوطة مبلوله بالسائل التنضيف ومعصورة جدا نغسل القطعة مرتين تلاتة
و بالريشة نمسح الصالون علشان الذهب بعد ما اطمان انه الصالون اتهوى ونشف
ننظف الانتيكات والتحف ونلمع الفضيه
ونغسل المفارش
نرجع الحاجات لمكانها ونعطر المفروشات والستائر والسجاد
الحمام
بالديتول او جولد او اى معقم له ريحة عطريه
يتعمل ويترش يوميا قبل النوم
غسل الاحواض والبانيو
ومستر ماسيل ممتاز لتلميع الحنفايات وازالة البقع الصابون الجيريه
ولا غنى عن هاربيك الاسود
اخر حاجة
الـ Big Bossـ
[COLOR="Magenta"]المطبخ
الاول السيراميك طريقه حلوة وبسيطة مهما كان حجم مطبخك
هتقفلى المطبخ وتضعى قدر كبير ماء على النار
وتتريكه يغلى لحد ما تتكاثف الماء على الجدران
بعدها بمساحة غير بتاعه الارض تمسحى الجدران هتلاقى كل الدهون او الاتربة او الاوساخ طلعت معاكى بسهولة وبجرة يد
تقدريى بقى بمستر ماسيل البرتقالى تبخى على جدارن بخة وبنفس الطريقة تمسحى بالمساحة
تطهير وتعقيم وريحة منعشة
تنظيف البتجاز
وتلميعة والفرن
تنظفى الادراج وتجرديها وترتبيها
[COLOR="Green"]تنظفى الدرف وترتبيها
فوق المطبخ تتنظف وتفرشى اى شئ مشمع او رول السفرة او حتى الفويل
تنظيف مواسير الغاز ولفها بالاسترتش الشفاف للحفاظ عليها من تراكم الدهون
تنظيف الشفاط
والحوض وتلميعه
بكدة نكون تم تنظيف الشقة تماما بحول الله وقوته وعونة
خلصنا كل شئ
تبدئ تعملى مفرزنات رمضان هنعمل ايه وهنستعد ازاى
هنجيبايه ….
وللحديث بقيه[/COLOR]
انتظرونى
يتوج بالنجوم
..
تحياااااااااتي لك
|
المشاركة الأصلية كتبت بواسطة صفا محمد علي احمد
 الله موضوووووووووووووووووووووووع في قمة الروووووووووووووووووعة عااااااااشت ايدج حبيبتي تقبلي مروري المتوااااااااااااضع صفا
|
تسلمى حبيبتى
والرائع فعلا مرورك الكريم
واتمنى ان يكون الموضوع فادك
محبتى لك وودى :rose:
|
المشاركة الأصلية كتبت بواسطة * شموخ أمراه*
يتوج بالنجوم .. |
نورتى حبيبتى
تواجدك الغالى ….اغلى من النجوم
اتمنى ان يكون موضوعى فادك
محبتى لك وودى 