قصتي حبي بالنهايه انصحوني ارجوكم . -تم الاجابة 2024.

آخواتي مشكلتي بحاول اختصرها واتمنى ترشدوني بنصيحه طيبه بدون اي تجريح
انا بنت عمري 27كنت كحال اي بنت مسجله بمنتدى وكذا وفي يوم شد انتباهي مدونه لشخص كلها يوميات شوق وحزن وكلام يكسر الخاطر مو شعر ولا خاطره لا كان كلام انسان عادي يسولف لحبيبته وفهمت من كتباته بعدين انها زوجته بعد مو بس حبيبته يوميا يدخل ويكتب لها وهي ماتدري عنه وشدني وفاااااائه لها وحبه الكبير! وجلست اتابعه وخاطري مكسور وكنت اتمنى اعرف وش قصته وبعد شهور تجرأت وسألته مو لقافه لكن والله كنت محضره نية الخير بينهم لانه كان يقول في بعض كتاباته حسبي على من فرق بيني وبينك وانا فكرت اعرف منه السالفه وحتى لو كلفني الامر اخذ رقم البنت واخليها تشوف قد ايشش هالانسان يحبها ويكتب لها كل يوم وهي ماتدري قالي خلاص برسلها على ايميلك عشان السريه وافقت وارسلي قصه تعارفهم بشكل شبه مختصر وبعدين قالي تزوجنا وكلام كثير ومشكله صارت بينهم وتصالحوا فيها لكن بالنهايه كتبلي انها ماااااااااااااااتت في حادث انا هنا انصدمت
وجلست ابكـــــي يومها ومانمت من وجع قلبي عليه ومن صدمتي بعد هالحب زواجهم كان لمده سنه ونص وانا ماكنت اصلا حاطه ببالي مطلقه او شئ لكني انصدمت ونزلت بقلبي رحمه كبيرره عليه الله يعلم فيها ومن بعدها صرت اتابع مدونته وانا ابكي لاني حساسه كثيير وتخيلت نفسي الله لايكتب علينا الحزن مكانه وابككي المهم بقيت ادعي له واكتب له كلامي يهديه ويذكره بالله وبالصبر وبالاجر صفحاااااات طوويله بس عشان اخفف لو شوي من حزنه واحتسب الاجر ولحد يقولي يكذب عليك او يألف لأني متأكده مليون بالميه انه كلامه صح وهو له سنين قبلي يكتب لها وكمان ارسلي صور له مكتوب عليها كلام حب واعتذار من زوجته على اخر مشكله كانت بينهم وكان يلوم نفسه انه زعلها واللي يعور القلب اكثر انها كانت راح تشتري له هديه عشان تراضيه صدق حزنت عليه من كل قلبي وبقيت ادعي له وما اخفي عليكم اعجبتني صورته وكان ماشاء لله جدا وسيم ومرتب ومبين عليه خجول ومحترم ارتحت له فوق ماتتصورون رغم اني مو اي انسان اثق فيه بسهوله بس هو غيير حتى كلامه محترم صار مع الايام يسأل برساله ايميل ويطمن علي من بعيد لبعيد وبقيت على هالحال تقريبا سنه ماشفت منه زله ولافي نيتنا إي علاقه مجرد سؤال فقط بعدها جاتني فرصة عمل وسأفرت عن اهلي منطقه وسكنت لوحدي في سكن مع بنات وقلت له على وظيفتي وقالي انا اعرف واحد يقربلك مكان عملك وعطيته رقمي حتى يتواصل بسهوله معي واتس فقط وفعلا ماقصر ساعدني وكان عند كلامه بعدها صرنا قراب اكثر نتكلم واتس كل يوم وانا حاطه ببالي مستحيل اكلمه وهو عمره ماطلب هالشئ ومحترم كثير وانا واثقه منه ارسلي صوره واسمه وكل شئ عنه وقالي كل شئ عن حياته واسراره وانا صرت احبه يوم بعد يوم وماكنت اقوله هالشئ ابدا لاني خجوله كثير واقول في بالي كافي عليه الحب اللي كان واللي هد قلببه من الحزن الين قالي في يوم ان صاحبه يضغط عليه عشان يخطب وهو متردد وشاورني وانا قلبي فرحان وحزين بنفس الوقت وعشان اطلعه من حزنه قلتله خلاص تزوج الله يوفقك كل ذا وانا شايله بقلبي وقلت في نفسي انا حتى لو تزوجت هالانسان ماراح يعطيني حب قد حبـه لزوجته الله يرحمها وظليت اقنع نفسي بهالكلام وبعدها بشهور قالي انه خطب عن طريق عمته فرحت رغم اني تمنيته وصار يخرج مع خطيبته ويكلمني واتس كل يوم فقلت له إحنا لازم نفترق وانت زي اخوي وخلاص انت خاطب ومايصير زعل بعدين رضي وافترقنا لكن بعدها بأقل من اسبوع رجع يكلمني ويقولي انا حاس اني احبك ومقدر استغنى عنك ومن هالكلام انا ساعتها تفاجأت لكن بنفس الوقت قلتله كل اللي بقلبي وكأني مستنيته لاني صدق احببه ولحد يلومني هو انسان نادر نلاقي احد بأخلاقه واحترامه وبقينا سنه واحنا نتكلم واتس وكأننا حبايب وعشت معاه اجمل ايام حياتي برساله منه كنت حاسه انه رحمه لي من الله لانه خفف عني الغربه ومشاكل كنت فيها بشكل ماتتصورنه وساعدني بأشياء واكتشفت اني متوافقه معاه بكل شئ من اخلاق ومن احساس ومن كل تفكيره بالحياه مانختلف ابدا وصار هو يحلم فيني رغم انه ماشافني ابدا لدرجه انه لما شافني بالحلم كنت لابسه بنفس اليوم نفس القميص اللي شافني فيه وصف لي من حلمه شكلي وشعري وحتى الهالات اللي بعيوني وغمازات خدودي واللي لابسه وانا انصدمت وماصدقت إلأ بعد مارسلت طرف قميص قالي هو نفس اللي شفته بالحلم شئ مو طبيعي لكن قالي انا كذا احلامي كأنها واقع لاتستغربي صارت معاي من قبل وفعلا يابنات ما استغربتها عليه لانه في حديث ’من صدقت نيته صدقة رؤيته /بعد ماعرف مشاعري له واني احببه ندم انه خطب وتمنى انه ما استعجل وصار يلوم صاحبه وكلم عمته على اساس يفسخ خطوبته لكن عمته حذرته وقالتله خطيبتك تحبك ولو تتركها بتموت لاتكسر فرحتها ورجع قالي وانا قلتله خلاص هي قدرك رغم انها تزعله كثير وتغار عليه بطريقه مستفزه وكأنها بتشك فيه ودائم يتهاوش معها على هالشئ ويقول مو مرتاح وماراح نستمر وانا اصبره واقوله اكيد لك فيها خيره اكثرمني المهم صار يحلم فيني كل اسبوع مره ويشوفني احضنه وكذا واخذت احلامه وفسرتها عن شيخ مشهور بالقنوات وقالي هالانسان انتي متوافقه معاه كثيييير ولو تزوجتيه راح يكون بينكم حب وسعاده وصاير يدعيلي فيه وبعدها بفتره عطيته حلم ثاني وقالي انتي وجه سعد عليه لو تزوجتيه راح تكونوا جدا مبسوطين وزاد قلبي عليييه حسسسره وحب وهو كان يسمع التسجيل وكلام الشيخ بس ماكان يعلق بس يقول عارف هالشئ وواثق منه بس ماحسيته يتمناني وزعلت !ولما سألته حسيت راضي عن خطيبته بنفس الوقت يبغاني وقالي مقدر اطلق بعد سنتين خطوبه وانا الله يشهد اني ماطلبت هالشئ ومستحيل اكسر فرحة بنت فيه لكن كل همي صار فيه صرت افكر هل هي بتسعده وترضيه لو تزوجته او لا ؟؟ هل راح تحبه مثلي او لا ؟كنت بس بطمن عليه ابغاه سعييد بأي طريقه من كثر حبي له وبيوم قالي انا بتزوجها واخطبك تصير الثانيه لكني رفضت لاني ادري راح اموت من الغيره عليه من حبي له وهو زعل من رفضي بعدين قالي خلاص براحتك
ولما شفت كل الطرق مسدوده في اني اكون حلال لـه قررت اتركه وما اكلمه واتس نهائي رغم حبي وشوقي الكبير له سنتين واكثر ظليت احبه وانا ماكلمته ابدا لاني عفيفه وما احب الغلط دعيت ربي وبكييييت انه يعوضني عنه بكل خير وهو انكسر قلبه ويقولي احبك اكثر من خطيبتي ومرتاح لك ولما قلتله مين احلى قالي كلكم حلوووين!!! وقتها حسيت انه مو فارقني عنها بشئ سواء بالكلام بس قررت اتركه وانا ادري انه يحبني اكثر ومصدقته لكن خلاص مافيه امل ياااارب عوضني عنه انزع من قلبي حببه مالي غيرك يالله قوويني فيك ولاتضعفني
تركته لي اكثر من شهرين وحذفت الواتس عشان ما اضعف وقبل ايام رسلي ع الايميل انه صار ينادي خواته بأسمي وخطيبته بعد وانه مشتاق لي لكن قويت قلبي وقلتله بأختصار الحمد لله انك بخير وما ابغى اعرف عنك اكثر من كذا بعدها سكت ومارد علي لانه حس اني ما ابغاه وانا قلبي متقطع عليه
اخواتي ارجوكم ساعدوني ..قووني ..ارشدوني
اتفقنا زمان مانغير الايميل عشان نبقى نطمن كل فتره طويله عن بعض بدون كلام ثاني وانا اعرفه هو مارح يضغط علي بشئ ولا راح يرجع يكلمني بدون رغبتي
صرت اتمناه واتحسر كل ماشفت عروسه ماسكه ايد عريسها بحب واقول بنفس انا هاينه نفسي بالخفاء ومو مستفيده إلا الدموع والحزن على السرب والوهم والله ضميري حي يعاتبني على كل شئ خطأ اسويه رغم اني نيتي من اول ماعرفته سليم وهو كماان بس مابأيدنا حل ارجوكم ادعولي يكون من نصيبي لو خير لي والله اني ابكي علييه
وارشدوني اخواتي بكلمه طيبه وايش رايك باللي سويته صح ؟؟وكيف اقوي قلبي واصبر نفسي بدون ما اضعف اتمنى من الاداره الكريمه تنزل موضوعي

لكن موضوع مليء بالنصب لذلك يتطلب التحليل النصب

المشاركة الأصلية كتبت بواسطة سجلت لأجلك هذا نصاب من بين35600810 مليون نصاب على شبكة الإنترنت وأنت ما صدقتي خبر بكره تتزوجي وتقولين والله كان فلان يحبني أكثر من زوجي الجديد وتراسلينه ويكتشفك زوجك وتتطلقين وكلام فارغ مثل الأول الحقيقة أعتقد أن هذا الشخص كان متعلق بواحدة من جماعته ولم يتم لهم الزواج وتزوج من أخرى لا يحبها وكان يكتب عن الحبيبة الأولى وعندما راسلتيه بين لك أنه الحبيب الذي لم ينسى محبوبته التي ماتت !!! وهو أول يقول حسبي الله على من فرقنا هل يتحسب على الموت أم القدر أم هذا هو النصب بعينه وبعد أن شعر بحاجة للتسلي بك بين لك أن متزوج ويريد الثانية وفي الحقيقة أنه لم يفكر في العلاقة والزواج بك إلا بعد زواجه الأول الذي لم يسعده لتلقه بفتاة من قبل زوجته وش رأيك بالتحليل 100% لكن موضوع مليء بالنصب لذلك يتطلب التحليل النصب

يَ أختي يسعدكِ ربي ..
كلآمكِ صحيح مئة بـ ألمئة !

شكله يلعب عليج