بسم الله الرحمن الرحيم
السلام عليكم ورحمة الله وبركاته
كيفكم يااحلا سيدات اليوم راح اقول لكم قصتي بالكامل بس ابي منكم دعوه في ظهر الغيب ..وجزاكم الله خير
نبداء القصه ……………….
انا اول متزوجت جلست اربع سنوات بدون حمل …
ومع العلاج وتعب ودوخه وكل يوم وانا عند حرمه تمرخني والعشاب اللي لوعة كبدي والمشايخ اللي عرفوني من كثر ماجيهم …………….
المهم بعد المحولات الفاشله من العلاج ……
قلت يابنت انسي شي اسمه حمل وحاولت بكل الطرق اني انسى الحمل عشان نفسيتي ترتاح 
وصرت اعزم الجيران وكمان الدخل اليوتوب عشان التثقف بدين وازود معلوماتي فضليت ع ها الحال 6شهور وبعدين سافرت عند اهلي بالمدينه المنوره …………..
وسبحان الله رحت للحرم ودعيت وبعدها روحت ل امي الله يحفظه ويشافيها..
وسبحان الله امي قالت لي انتي شكلك تعبان فيك شي قلت لامافيه شي يمكن عشان الدوره بتجي موعدها بعد اسبوع ..امي رفعت ايديها قالت يارب عساها ماتجيك الله يكتب لك الحمل 
وانا قلت امين بس ماظنيت اني بحمل ………….
المهم احس ظهري يعورني ورجولي وحس ماني طايقه احد …
وتآخرت الدوره عندي قلت لزوجي جيب لي حبوب من الصيدليه عشان تنزل الدوره …قال زوجي خلينا نروح للمستشفى احسن عشان تعطيك النوع اللي يناسبك …طبعآ روحنا للمشفى قالت لي الدكتوره لازم تحليل حمل …
المهم حللت….وجاء زوجي وخذ التحليل قالت الدكتوره .مبرووك المدام حامل زوجي مو مصدق اانا طرررررررررررررت من الفرحه وصرت ابكي قلت هذي دعوة امي ..الله يخليها لي
والمهم بشرت امي واخواتي وطاروو من الفرحه …
وطبعآ سافرت مع زوجي للمنطقه اللي عايشين فيها ……..
ورحت للمستشفى وانا فرحااااااااااان قلت اخيرآ افتح ملف الامومه
ويوم جيت عند الدكتوره ..كشفت علي بسونار 
وقالت لي ..لازم تنزلين الجنين لان الجنين مشوه ولا راح يستمر حملك لان الجنين مافيه دماغ
انا صابتني صدمه وجلس ابكي وقول لدكتوره انا اربع سنوات وانا انتظر الحمل ..اخر شي تفجعيني ..
وطلعت وانا اصرخ وابكي كآني طفل حتى ناااس اللي كانو يستنو دورهم خافو ويقولون لاحول ولا قوة الا بالله >وشفيها هذي تبكي 
المهم قلت لزوجي الجنين مشوه قال زوجي خلاص راح تسوي تنظيف وربنا بيرزقنا خير منه ……واانا صرت اصارخ وقول لالالالا انا راضيه فيه لو انه مشوه انا ابيه ولا راح اسوي تنظيف
وحزن علي زوجي وقام يذكرني برحمة رب العالمين
المهم روحنا مشفى ثاني وطمنوني قالو الجنين مافيه شي هذي الدكتوره كيف اصلآاكتشفت ان الجنين ماعنده دماغ وهو لسى شهرين مايبين
المهم راحت سبع شهور بسلام وفي شهر الثامن راجعت عند المشفى وقالو المويه اللي حول الجنين ناقصه واحتمال يموت في بطنك
انا انصدمة قلت ليش يصير معي هيك
وطوالي سافرت عند امي ورحت للمستشفى بالمدينه المنوره وكشفو علي وقالو لازم تتنومين
المهم طلعت ع مسؤليتي بعد ايام حسيت الطفل مافيه حركه ولا نبض زي قبل >>رغم ان الشهور تمشي وانا مو مبسوطه بحملي احس الجنين مشوه وفوق هذا كل يوم مطلعين مرض بالجنين
واول يوم دخلت فيه التاسع 
راجعت المستشفى وكشفت عليه دكتوره وقالت لازم تتنومين وصارت تصارخ ع الممرضات ..وانا مدري وش السالفه
قالت الدكتوره "الطفل مافيه ولا قطرة مويه ناااشف ويمكن مايعيش
انا جلست ابكي وامي تهديني وتذكرني بالله ورحمته
الموهم دخلوني للمستشفى وبسرعه حطوني بغرفة الانتظار وبجنبهاغرفة ولاده .هذي الغرفه خاصه للحالات الحرجه
وامي واقفه عند راسي وتقراء القرآن علي
بعد 12 ساعه من الانتظار جاء دكتور استشاري اعطاني ابر وتحاميل وقال هذا طلق صناعي
وانا كنت فرحانه قلت اصلآ مااحس بشي 
بعد 10 دقائق وتعالي شوفي انوأأأأأع الصراخ
وجلست 9ساعات وانا احس بالمووووت والمشكله يزيدون الطلق واانا الرحم عندي موفاتح
اخر شي تجمعو حولي الاستشاريين والممرضات يتشاورون اخر شي
قالو لازم عمليه انا طوالي وافقت من الآلم اللي احس
وامي تبكي وتقول لالالا اصبرو عليها
قال الدكتور ياماما بنتك لها يومين وهي ماولدت لازم نجري لها العمليه ولا راح تفقدو الجنين ..ورضت امي بالعمليه
ووقعت ع العمليه وحلقو بطني وعقموه قالو انتي بعد نصف ساعه تدخلين غرفة العمليات
وودعت امي وسبحان الله قبل لدخل غرفة العمليات 5دقائق جاء دكتور سوداني وكشف عليه قال انتي ماتحتاجين عمليه وجاب آله زي عود الاسنان بس طويله ودخلها فيه وفقع كيس الجنين واعطاني ابرة توسيع عنق الرحم
بعدها تعالي شوف انواع الالم وصرأأأخ وجات السستر وقالت لاتصارخين ايش فيك قلت بيبي نزل وراحت تكشف عليه وهي تصارخ ولاده ولاده
امي فرحت قالت يارب جعلك تولدين طبيعي ولا عمليه
وجاء الدكتور اللي يبي يسوي عمليه لي وتفاجآء قال كيف صار وانتي مقفل عنق الرحم
المهم جات الدكتوره تولدني ويوم طلع راس الجنين قالت ادفعي وانا من الخوف قفلت رجولي ..وصارت تخاصمني تقول خنقتي البيبي
ويوم سمعتها تقول كذا وانا افتح رجولي عشان مايموت
وبعد اتعب والمرض والحاله النفسيه جالسه انتظر طفلي المشوه
يوم طلع وسمعت صرأأخه وهو يبكي صرت اضحك وابكي
فرحه بحزن وقالو مبروووك يامدام ولد
وخيطوني وسوو لي تنظيف وعطوني البيبي وانا احضنه ماني مصدقه ان جاني طفل وبنفس الوقت خايفه انه مشوه وحطوني بغرفة وجات امي تاخذ البيبي وتبوسه وتقول الحمدلله ع سلامتك ,,والحمدلله انهم ماسوو لك عمليه
المهم دقت امي ع زوجي وبشرته اني ولدت وجبت ولد وزوجي طوالي حجز طيران وجاء للمدينه عشان يشووف ولده اللي تعبنا بحمله وولادته
وجاء الدكتور وكشف ع البيبي وقال البيبي تمام وانا مسكت ايد الدكتور وقلت له القصه كامله عشان يطمني راح الدكتور كشف عليه مره ثانيه وخذه يسوي له فحوصات
بعد ساعه جاء قال والله والله البيبي زي الفل مافيه ولاشي ولا تشوهات بس وزنه صغير كان كيلوين بس
قلت الحمدلله اللي ريح بالي
وحضنت طفلي ودموعي اربع اربع
ودائمآ الدعي لدكتور السوداني اللي انقذني من العمليه
والحمدلله خرجت من المشفى وجاء زوجي مومصدق انه عنده طفل
والحمدلله رب العالمين
وارجوو كم يااخواتي ان تدعون لي بتوفيق
واسآل الله ان يرزق كل محرومه بذريه صالحه
انتهت قصتي وارجو ان تحوز ع اعجابكن
مع تحياااتي
جلكسي بالبندق
لاتنسون التقييم
ما حكيتي شو سميتيه؟؟؟
جعله الله من مواليد السعاده
واشكر مرورك ياعسسسسسسسل
والله حزنتيني وفرحتيني
الله يرزقك بره
ويرزقك بإخوان وخوات يملوا عليكي البيت
بتستاهلي احلى تقييم يا ام نعيم
اللهم امين
وجزاك الله خير يالغلا
والف شكر لمرورك الرائع وتقييمك لموضوعي
""""""""""""""""""""""""""""""""""""""""
بنت وكبرت جزاك الله خير والف شكر ع مرورك الرائع
دمتم بخير
الحمدالله رحمة ربي فوق كل شي
اصرارك على الأمل كان أجمل
ربي يرزق كل المنتظرات يا رب مثل ما رزقك
تقييم+نجوم