السلام عليكم ورحمة الله وبركاته
حبيت أقول لكم قصتي بحملي الثالث..
حملت وظليت شهرين ونص وقالت الدكتوره ان الحمل بكيس فارغ مافيه جنين داخل الكيس وسويت عملية تنظيف للرحم لانزال الكيس((وكان وقتها نفسيتي تعبانه للحمل بكيس فارغ))
كنت اول مره اسمع بهالحمل..بس الحمدلله رب العالمين
بعدها خذت راحه 3شهور وتركت المانع وظليت شهرين بلاحمل ورحت لافضل دكتوره بالبلد وهي معرووفه بمهارتها…
المهم بدت باول تحليل للهرمونات طلع عندي هرمون التبويض ضعيف احتاج ابر تفجير وقتها انصدمت كيف صار كذا..وبعد سوت تصوير للمهبل من تحت وسوت تحليل للحيوانات المنويه بعد الجماع بساعتين وقالت الحيوانات المنويه الجيده عددها قليل وفطريات وو
قالت الحل الوحيد تسوي تلقيح صناعي((انصدمت وقتها))توني حامل قبل هالشغلات ذي
المهم وقالت خلينا نسوي صبغه للرحم يمكن عندك انسداد في قناة فالوب وقتها تحتاجين حمل بانابيب
تضايقت وقتها كيف صار كذا قلت بقلبي يمكنها غلطانه..
المهم وكلت امري لله وقلت لها خليني اجرب بابر التفجير وانتظر لمدة 3 شهور ان نفع والا ارجع لك..قالت اوك
وعطتني موعد ل 3 يوك دوره عشان ابر التفجير
ظليت وقتها الح بالدعاء لله وجا موعد الدوره وجات الاالام الدوره ولاشي نزل خذت 10 من تاخر الدوره وسويت تحليل والحمدلله طلعت حامل
بس اللي قهرني الدكتوره خلتني اعيش في قلق دائم واستعجلت الامور وكلشي قالته طلع مو صحيح..والحمدلله رب العالمين حملت بلا ابرتفجير ولامنشطات ولاحاجه بفضل الله
اللي ابي اقوله كل واحد توكل امرها لله وحده ولاتاخذ بكلام الدكاتر في كلشي
الله القادر على كل شي
دمتم بــــــــــــــــــــــــــــــــــــــــووووود
تسلمي لمرورك غلاااااي
ربي يسعدك اختي
ويرزقك الذرية الصالحة
ويرزق كل منتظره بذريه الصالحه