بسم الله الرحمن الرحيم
اول شي في بداية زواجنا كان يحافظ على صلاتو ما عاد طبعا الفجر والعصر بس يصلي في البيت بالرغم انو المسجد قريب مرره من بيتنا
صرت احاول اقومو يصلي الفجر والعصر بس من غير فايده بعدين صار مرره يهمل الصلاه يمكن يصلي فرض والباقي طنش حتى ما يقضي الي فاتو ماره جاني ابوي يقول لي الناس يصلو وزوجك جالس في السياره انا زعلت
وصار ابوي كل ما يشوفني يجلس يعارني في السيد الي ما يصلي لدرجة اني اتخاصمت انا وابوي وقلت لو هذا بينو وبين ربو انت ما لك دخل
قالت لي وحده انتي يكفي انك تقو لي لو قوم صلي مو لازم تجلسي تتخاصمي معاه
هو من الناس الي نومه ثقيل جربت امشي بنصيحتها بس برضو ما دخلت مزاجي
انا عنيده
صرت اقومو قبل الاذان بنص ساعه واجلس اترجاه واتخاصم معها لدرجة انو كان يتكلم علي بس كنت اقول في نفسي مو هو الي يتكلم الشيطان وصرت اقولو اذا اتعوذت من الشيطان راح اخليك واقوم سبحان الله على نياتكم ترزقون لما كان يتعوذ ماعد ينام يجلس يقولي طيرتي النوم ويصلي بس في البيت واستمرينا على هذا الحال يمكن سنه حافظ الحمد على صلاتو بس يصلي في البيت
وبعد سنه رجعنا لنفس الموال عشان يروح المسجد يوم من الايام سمع هو محاضره يقول فيها الشيخ عن الاجر للرجل او المراءه الي يقومون ازواجهم للصلاة الفجر والي مايقوم نطشو بماء بارد جاء وقلي عن المحاضره طبعا انا ما استرجي اطشو بمويه بس لما كنت اقلو روح المسجد وما يرضى اجلس اهدد ويقوم طوالي ويروح المسجد
وانا مع نفسي فرحانه الين يوم من الايام مره اتاخر قلقت عليه وجوالو في البيت قومت وخرجت قلت بطالع من الباب اشوف تخيلو صدمتي
لقيتو نايم تحت الدرج 
مرره زعلت منو وهو صحي طبعا من النوم وشافني وانصدم وانحرج
كان شكلو يضحك وهومنحرج مني كان نفسي اضحك عليه 
بس مسكت نفسي
وجالست ذاك اليوم كلو ما اتكلم معاه وهو يحلف ماعد اعيدها خلاص اوعدك المهم اليوم الثاني تخيلو قام لحالو وراح المسجد
طبعا السيد صح كان يمشي فتره تمام وفتره يرجع الين الحين والحمد لله هو محافظ على صلاتو واذا فاتو فرض يقضيه الله يثبتو
وسلامتكم
اختي الغالية ادعي لزوجي انو يصير مثل زوجك
|
المشاركة الأصلية كتبت بواسطة امراة وفية
 الله يثبتو ماشاء الله
اختي الغالية ادعي لزوجي انو يصير مثل زوجك |
وانتي كمان حبيبتي لا تسبيه في حالو اجلسي قولي لو انا احبك ولما اشوفك تصلي يتعلق قلبي فيك اكثر ومن ذا الكلام
واجلسي كل ما اذن زني على راسو انا كنت حتى لو عندو ضيوف وما قام يصلي اناديه واقلو اذن كانو الاذان ماحد يسمعو غيري
هههههههههههههه