من الحزن بكتب بيوت مره قليلات = بحق أمي نوره اللي مثلها ماعرفنا
جانا الخبر ذاك العصرانا وأمي والبنات = ابوي قال امي ماتت والحل تطلبنا
هلت دموعنا اربع اربع وتعالت اصوات = في هالمصيبة يارب نطلبك ثبتنا
وآجر ابوي وعمامي وعماتي والقرابات = عز الله أنا على فراقها ابد ماقدرنا
في ليلة القدر صلينا عليها ذيك الصلاة = صلاة ميت اللي مثلها ما شهدنا
رحتي يامنا نوره و تركتي لنا الذكريات = هي أمنا حتى لو أنها ما ولدتنا
في حضنها أنا و اخواني عرفنا البدايات = و أيدينها قبل الأرض حضنتنا
عشنا و ربينا معاها من عمرنا مافات = و منها ابد والله ما يوم ازعلتنا
كانت تلقنا الشهادة في كل الأوقات = و لا مر يوم بالكلام جرحتنا
ام حنون قاسمتنا الحزن و المسرات = من حزننا تحزن وتفرح لفرحنا
جلالك يايمه خليته عندي حق الصلات = لاجل اشمه ويخفف كدرنا وحزنا
بريتها يا بوي و بريت كل الأمهات = و حنا مع امي بهذا لك شهدنا
يالله يا رحمن عساها بالجنان الفسيحات = يا ربنا ياكريم هذا رجانا واملنا
ثبت امنا نوره واشفعلها يابديع السماوات = ياللي عليك بكل حال اعتمدنا
يارب اغفرلها وارحمها و كل الأموات = وارحمنا إذا تحت التراب صرنا
ويغفر لوالدي ويرحمة ويدخلة الجنة مع الانبياء والصديقيين والشهداء(آمين)
قصيدة اكثر من رائعة سلمت يداك ويدا بنتك تقبلي تحياتي
ويغفرلك اختي مثل ماذكرتيها
سبحان الله الحمدلله الله اكبر