يا دار ما مثلك أبد بدياري =ورسوم غيرك ما أبي ياداري
يا مترفه و متزينه باللولو =ومن حولها سحر المواني جاري
يفرح بها نور الصباح ويبدا =إشراقته ويذبح بقايا الساري
في كل حيّ وكل سكه فيها =من بحرها لآخر طريق اسفاري
ذكرى وكل ذكرى تنادي ذكرى =لين أحسب إني طفلها المتواري
أعشق هواها واعشق أيضاً فيها =شطآنها وامواجها وميداري
والملعب الي كان خلف المسجد =وبْقالة المذّن وفزعة جاري
وأعيادها والثوب والطاقيه =أم الزري .. وعيديتي .. وقطاري
والبرد والجزّه بوسط الخيمه =وعيال حارتنا وصوت القاري
كم حزة ٍ سجّيت مع شاطيها =وابديت له همّي وبعض أشعاري
وكل ما سجني الضيق وزاد الضيقه =ألقا بشوارعها دفا مشواري
يا حيّ ماضيها ومعه حاضرها =ويا حي باكرها جميل الطاري
لا طرّوا الدمام فزّ الخافق =وشلون ما ياقف وهي تذكاري
يا جعلها في خير وخيره تبقا =وابقا بها وتبقى أعزّ دياري
