صباح الخير
صبحت محتارة شو اطبخ واخر شي قررت اعمل
اكلة شامية يلي هي " كِبة لبنية "
المقادير " انا حطيت ع النظر بس ححاول احدد كم بالزبط "
كِبة " انا بجيبها جاهزة امي بتعملي اياها بس ازا بدكم الطريئة بجيبها من امي "
لبن حطيت تئريبا كاستين
ملعئة نشا
ملعئة طحين
كاسة من مرقة اللحم او الدجاج ولو ما لئيتي دوبي مكعب ماجي بكاسة مي
نعنع ناشف او اخضر او كزبرة " هدا اختياري في نا بضيفو للبن باخر 5 دقائق
بصل او توم انتو شو بتحبو " بس نصيحة التوم اطيب "
رز كمان انا عملت كاستين
ملعئة صغيرة من البهار المشكل ، فلفل اسود ، شوية ماجي ، زيت قلي ،عصفر برضو شوية صغيرة
وملح للكاستين حطيت معلئة كبيرة ملح
طريقة الكبة اللبينة
حطيت زيت بالقلاية وطلعت الكبة من الفريزر لانو لو من طلعها ئبل بوقت بتخرب وبتتفتفت
ئليتهم شوية صغيرة يعني يا دوب 3 د انو بس غمستهم بالزيت لئسيو وطلعتهم
وهيك منكون خلصنا من المرحلة الاولى للكبة
طريقة اللبن
منحط اللبن والنشا والطحين ومنحركهم سوا ليدوب الطحين والنشا " ما منكون مشعلين النار ع البارد"
منضوي النار تحتيهم ومنحط كوب المي او مرقة الدجاج ونضل نحرك ليغلى او غلوة
منصير منحط حبات الكبة وحدة وحدة وبحظر بلاش تتفتفت
منغطي عليهم ومنخليهم شي ربع لتلت ساعة ع نار هادية
بأخر 5 د منضيف التوم للبن والو اكتر من طريقة " حسب اهلنا بالشام "
منهم يليبيقليه زي ما هلأ عملتو انا وضفتلو للبن اخر 5 د
او بيخلطو بالنعنع او الكزيرة وبضيفهم للبن
او بيستغنو عن كل هالحكي وبقلو بصل وبضيفو الكم حرية الاختيار
وهيك بصير
رح ائددمومع صحن الرز بس اروح من الشغل
وصحة وهنا
شو هل الكبة الحلوة
تسلم ايدك وايد الماما ….نحنا كمان منحط عليها عشبة اسمها طرخون ما بعرف شو بتسموها عنكم
طريقة جدا رائعة
تسلم يدك غاليتي
يقيم
|
المشاركة الأصلية كتبت بواسطة طائرالوئام
 ياعيني ياعيني
شو هل الكبة الحلوة تسلم ايدك وايد الماما ….نحنا كمان منحط عليها عشبة اسمها طرخون ما بعرف شو بتسموها عنكم |
الله يسعدك حبيبتي
والله ما بعرفها انا ببئى اسأل امي
|
المشاركة الأصلية كتبت بواسطة العفو عند المقدرة
ممممممممم
طريقة جدا رائعة تسلم يدك غاليتي يقيم |
الله يسعدك
كلك زوء
طولتي الغيبة ……….والله يعينك ويعطيكي العافيه
|
المشاركة الأصلية كتبت بواسطة nemssah
تسلم يدك
طولتي الغيبة ……….والله يعينك ويعطيكي العافيه |
الله يسعدك يا ربي
شو بدي اعمل والله ضغط بالشغل بالبيت والشغل
كلك زوء
تسلم ايدك 🙂