السلام عليكم ورحمة الله وبركاته
اخواتي انا حزينه صار موقف معاي وافكر فيه للحين اللي صار اني اعرف وحده من سنتين تقريبا هذي البنت كنت اكلمها كل يوم تقريبا وهي اللي تتصل اكثر الاوقات المهم السنه اللي فاتت امي طلعت من شغلها وصارت حالتنا شوي صعبه بما ان امي اهي اللي تصرف عالبيت وابوي خالي المسؤوليه من صغرنا وامي الحين ماشيه في مشروع معين وتنتظر الفوايد من هالمشروع وراح يتعدل الوضع ان شاء الله المهم نرجع للموضوع اختي تدرس في الجامعه ومصاريفها كثيره وامي ماعندها تعطيها وابوي مثل ماخبرتكم ما يبي يشيل المسؤوليه ابدا ويقول ماعندي رغم انه عنده المهم اختي تقول لي انا كل يوم الدكتوره تهزئني وتقول ليش ماجبتي الكتاب الفلاني ووين الادوات و و و الخ
وصارلها اسبوع على هالحال وتقول انا افكر اترك الجامعه
انا حزنت كثير على اختي وقلت لازم ادبرها وان شاء الله اتسلف لان امي ماعندها وماتقدر تدبر اي شي حاليا
انا كلمت صديقتي اللي تكلمت عنها في بداية كلامي معاكم وكنت اكلمها على المسنجر و قلت لها يا فلانه بصراحه انا ابي مبلغ معين وانتي عارفه وضع امي وتعرفين ان ابوي خالي المسؤوليه بس ممكنت تسلفيني مبلغ لحد ما امي تجيها فلوس واول ماتجيها الفلوس برجعها وكان المبلغ 3000 ريال طبعا انا قلت لها وطلبت منها لاني اول وحده عارفه بحالتها الماديه ماشاء الله حالتها الماديه اوكي وزوجها مليونير واذا طلبته يعطيها عيونه وهذا قدام عيني ولا ماكنت طلبت منها ابدا والله انا ماحسدها ولا عمري فكرت احط عيني على حد انا عيني ممزوره الحمد لله بسس هالسنه الظروف شوي خربت حياتنا وقلت لازم اسوي شي لاهلي
المهم قالت لي انا ما اقدر على هالمبلغ اللي اقدر عليه هو 1000 انا قلت في نفسي مش مشكله عادي صح اني ادري ان عندها بس هي ماتبي تطلع الا 1000 ف قلت لها اوكي عادي وكل ما اكلمها تسكت وتتاخر في الرد هذا طبعا من بعد ماطلبت منها الفلوس ولا قبل كانت تكلمني بسرعه وترد بسرعه المهم بعد ما قلت لها انا موافقه ومافي مشاكل ع انج تعطيني الالف قالت بس على فكره هاي الفلوس اللي بعطيك اياها صـــــــــــدقــــــــــــــــــه على روح اختي
انا انصدمت والله قلت يا فلانه انا كنت ابيهن سلف والموضوع واحد 2 3 وانا بنت محشومه ونفسي عزيزه وانتي عارفه هذا الشيء زيين قالت سمحيلي هذي هي الصراحه قلت لها الشرهه مش عليج الشرهه عاللي طلبتك قالت انا ما اقصد قلت لها لو كنت ادري كنت قطعت لساني ولا طلبت منك شي وانسي الصداقه اللي بينا والله لو كنتي قلتيلي انا عندي بسس مابي اعطيج هالشيء بيكون اهووووووون بمليون مره من انك تقولين لي هالفلوس اعتبرها صدقه عليك عشان تطفشيني
قلت لها انسي كل مكالمه كانت بينا وانسي الطلعات صح اني كثير سساعدتك في سوالف كنتي عادي تطلقين عشانها بس هاي اعتبرها في ميزان حسناتي وسويت هالشيء بدون دافع بس من طيبي وكان عادي اهلي يطردوني لو عرفوا باللي سويته عشانك وعشان خاطر بيتك كنت عادي اخرب بيتي عشان خاطر اعمر بيتك قلت لو هلي كشفوني عادي انطرد انا لوحدي ولا انك تطلقين واولادك يتشردون وعطيتها بلوك ومسحت رقمها من تيلفوني
صدق الدنيا ماعاد فيها خير
يا بنات انا ابي اعرف انتن لو مكاني شو رح تسوون ؟؟؟
نفس وماجبرك على طلبك لها الا الضروره بس هيه ماعرفت تختار
الطريقه اللي توضح لك فيها انها ماتبغاكي ترديلها المبلغ ويمكن خانها
التعبير والدليل على كيدا انها قالت لك ( ماكان قصدي )
مافيها شي ادا كانت نيتها الصدقه الاب وهوه الاب ادا جاب اللقمه لعياله
تعتبر صدقه هادا معناته انه نزعل من ابائنا وما ناخد منهم شي !!!
طيب برضو انتي قلتيلها مساعدتي ليكي فمشاكلك لميزان حسناتي ليه
ما زعلت وقالت شفقانه عليه (انتو الاثنين جرحتو بعض يعني اتعادلتو )
كابري ودقي عليها وفهميها انو اموركم اتعدلت وانك ماعدتي بحاجتها
وارجعو زي ماكنتو بس لاعاد تقوليلها خصوصياتك ابدا انسي عشان
نفسك مو عشانها واستغفري كثييييييييير واوعدك انها راح تنفرج
شويتين واجيب لك أيه حلوه لاني مو حافضتها وتذكري خيركم من يبدا
بالسلام واعمالك ماراح تطلع لربك طول ماانتي مقاطعتها ( فكري بعقلك
موبقلبك ومشاعرك ) اتفقنا والله يفرجها من عنده يااارب 
ويمددكم باموال وبنين ويجعل لكم جنات ويجعل لكم انهارا مالكم لاترجون
لله وقارا وقد خلقكم اطوارا "
قال صلى الله عليه وسلم " من لزم الاستغفار جعل الله له من كل هم فرجا
ومن كل ضيق مخرجا ورزقه من حيث لايحتسب "
في اكتر من وعد الله ورسوله !!!
اتمنى اني اكون افدتك مع خااالص دعواااااااااتي 
اني يوم قلت لها انتي تتصدقين علي وكذا قالت والله هاي الصراحه ولا تزعلين بعدين قلت لها انا مش بنت شوارع عشان اخذ منج صدقه ولا انتظر من حد وقعدت اعطيها كلام هي شكلها انحرجت وماكانت متوقعه اني برد كانت تحسبني بسكت وكوني محتايه هالشي بيخليني ذليله وبسكت بس ابدا الحمد لله ماني ذليله ابدا
هذا معناته انها كانت متعمده
ويوم انا جرحتها فعلا انا جرحتها بس هي اللي خلتني اسوي كذا وانا حبيت اقارن بيني وبينها فقط ما قصدت اجرحها ولو جرحتها ترا هي اللي بدت
مشكوره يا غلايه على النصايح تسلمين
واول مره اشوف واحد يبا يتصدق ويقول بتصدق لو هي فعلا كانت تبي تتصدق ماكانت قالت لج الله يهديها
اختي الواحد عنده مشاكل ويتحمل ويصبر عشان ينال مرادة
وانا بشوف انه البنت صحبتك غلطانه والمفروض ماتقول صدقة
المفروض تقول ان كان عندك جيبيها ان كان ماعندك بلاش مافيها حاجة ..!!
وخصوصآانها غنيه ماشاء الله او يمكن اول مررة تطلبي منها فما عرفت ايش تقول لك ..؟بحكم انها صديقتك …
والله يكون بعونك تحياتي لكي