كيف اصبر على امي ضاق قلبي منها؟ الطبيب يجيب 2024.

قبل كل شي رجااء الي بتدخل عشان تغلط تريح
المهم مشكلتي في امي تنكد عليه في كل شي ..من زمان من ونا صغيره ماكنت ائتمنها ولا اقلها شي كل اسرارنا وخصوصياتنا عند الجيران والمعارف وحريم اخواني(المصيبه والطامه الكبرى)
وفوقها انها شكاكه ومسوسه دايما تقول انا داشرات وضايعات وفارطات مالنا الا رجال يدق انوفنا ووالله والله والله الذي لا إله الا هو انا محترمات ومضروب بنا المثل في اخلاقنا ولدرجه ان الناس يحسدونها علينا من طاعتنا لها
ولا تحترمنا قدام احد ولا تقدرنا كرهتنـــــــــــــــــــــــي في كوني انثى دايما تقول الله يكفيني شركم والله يكفيني شر مصايبكم وانكم ملاعين كلاب ولعلمكم انها بدون سبب… تجلس على المسلسلات وتسمع سوالف النسوان وترجع عليه اي شي سيء تسمعه ولا تشوفه ترجع تقول اني بسويه ولا سويته وشوفوا بس اذا سوت حركاتها هذي قدام اخواني؟؟؟
ما على لسانها الا الدعاوي ولا يتبارك لي شي اشتريه ولا اسويه قدامها كل شي بالدس من وراها مع انها حاجات عاديه حتى النت تراه بالدس؟؟
لعلمكم ترى ماني صغيره عمري 27 وممنوع عليه كل شي لا لبس ولا قص حتى غرفه محترمه مافيه تدرون ليش عشان شغاله مرت اخوي تجي تنام فيها في الصيفيه شفتوا؟؟؟؟
حتى الطلعات والزميلات ممنوعه مااطلع الا مره في السنه في زواج بعد الصياح واروح والهم والحزن آكل وجهي…
خواتي تزوجوا في الثلاثين زواج غفله بس عشان يفتكون واخواني مثل واذا شكيت لهم قالوا مالنا دخل..
طفشت من حياتي لاوظيفه ولازواج وتعسرت اموري
الي عندها حل ولا كلمه طيبه تقول
وشكرا