السلام عليكم ورحمة الله وبركاته
انا بنت في بداية العشرين حبيت واحد وبادلني نفس الشعور وطلب يدي للزواج وبعدها ب 6 شهور بدينا نخطط كيف يتقدم لي بدون ما احد يعرف ان بينا علاقة
فكرنا وطلعنا بحل والحمدلله الامور مشت على ماتمنينااه .. بعدها بشهر امه جات بيتنا واخطبتني حق ولدها وكنت مستانسه لاني اخيرا راح ارتبط بالانسان الي حبيته وعشقته .. لكن للاسف الشي الوحيد الي ماكنت متوقعته يصير ان ابووي مايوااااافق عليه والمشكله الاكبر من هذي اني ماعرف السبب الي خلا ابوي يرفضه مع اني اعرف هالشخص اكثر من اي انسان ثاني لاني من تعرفت عليه وانا معاه لحظه بلحظه ومن تعرفت على هله عرفت انهم ناس حيل طيبين وخلوقين وحابيني ..
لكن ابوي الله يهداه حطم كل احلامي 🙁
مع العلم ان هالسالفه مر عليها تقريبا 5 شهور .. وابوي كان موافق مبدئيا لكن ما ادري شلي فر مخه وخلاه يغير رايه مع ان عمي كان يمدحه لنا ويعرف اخوانه .. وانا كلمت ابوي فهالموضوع وقلتله يبا انا استخرت وارتحت له وهاي الشخص انا ابيه .. يجاوبني بانه مايصلحلي بدون مايقول السبب اقوله طيب ليش شالسبب الي يخليك مب موافق من حقي اعرف لان انا الي راح اعيش معاه لان لو جات على التدخين ف انا راضيه بهالشي ونادر ما يكون في شباب مايدخنون هالايام .. يرجع يقولي هو مايصلح وبس . 
انا ماقدر اعيش من غير هالانسان الي حبيته ماااااااااقدر وفنفس الوقت مابي اغضب ربي وابيه بالحلال لكن شالحل مع ابووووي ارجوكم عطوني حل لمشكلتي ابي ارتاااح تعبت من التفكير فهالموضوع .. وخصوصا ان السالفه مر عليها اكثر من 5 شهور وانا مابي ابوي يشك ان بيني وبينه شي لان في الاخير الولد يبيني بالحلال وانا نفس الشي لكن الامور تعقدت اخاف لو رجع يخطبني يقول ليش متعلق فيها هالكثر ويبدا بالشك ..
راح يشك فيكم ،
عموماً يمكن خيره 🙂
وادعي بأن الله يسخر لك أبوكي ويلين قلبه
والله كريم توكلي على الله
بس عاد بتبشرينا
ياااااااااااااااااااااااارب الله يجمع بينكو بالحلال عاجل وليس أجل
وصلى الله عليه وسلم
(خوفك من ان ابوك يعرف بسبب علاقتك فيه .. على ان ابوك تلقينه مو عارف بس كل ذا من خوفك ..هذا اللي اقصده )
كل شيء له خيره ما نقدر نسوي شيء لو ما كان مقدر او مكتوب ..!
بس ما دام انكم حبيتو بعض وخطبك ماكنتو تلعبون .. ادعي ربي كل يوم انه ييسره لك لو فيه خير لكم ويبعده ان كان به شر .. وادعي ان ربي يهدي ابوك .. ولا تنسين احنا بالعشر الاواخر يمكن دعوتك تدرك ليلة القدر والدعوة فيها مستجابة ..!
وحاولي تعرفي السبب من ابوك .. من باب انه من حقك تعرفين ليش رفضه .؟ مادام يمدحونه وانك ارتحتي له .. قولي لابوك وش شفت فيه شنو عيبه بس مو بتهجم ..!
كل شيء بهدوء زين ..!
ولا توسوسين انه عارف عنك .. والله ما يعرف لو يعرف زوجكم وريح نفسه او ضربكم اثنينكم ..!
خذيها مني مستحيل ابو يعرف ان بنته كلمت ولد ويسكت ..!
يمكن سامع شيء عن الولد او ما ارتاح له .. تأكدي ان ابوك يحب مصلحتك اكثر من اللي تحبينه ..!
وان ابوك ما بيمنع شيء بيسرك بإذن الله .. إلا وراه سبب مو اي سبب ..!
انا كمان رفضت اللي خطبني ولسبب كنت جاهلته عنه بعد ما عرفت ايقنت اني ماراح استحمل اعيش معاه ..!
الله يوفقكم ويسعدك ويسعد اهلك .. ويسعده كمان ويهديه ..!
والي حط الصور جعل ايديه الشلل
الله يهديكم ،،
,
بلنسسسبه لموضوعج ي اختي مافيها شي اذا قلتي لابوج انا ارتحت للرجال ويمكن هالشخص مكتوب لي واذا انت شايف انه مو مكتوب لي فليش والباقي يمدحونه وانا ارتحت من مدحهم له اذا انت شايف شي قولي عشان ارتاح وما حط ابالي ولا افكر
وحاولي تكلمين امج وتقوليلها انه تكلمه وتقوله خل تمشي بنصيبها وان شالله خير وانتي عاد لا تفكرين انه يشك لان عالشي حقج وعادي لو اصريتي وماراح يشك ولا شي خلج طبيعي وكوني واثقه وبيني انج ماتعرفينه بس خلج مصره ع موافقتج
وان شالله خير والله يكتبلج الي فيه الخير
موفقه