انا متزوجة من سنتين وحامل الحمدلله مشكلتي بدأت قبل زواجي كنت مخطوبة لشخص من صغري وهو من أقاربي لما كنت بالابتدائي بس ماصار نصيب بيننا وانفسخت خطوبتنا بالثانوي بسبب ظروف عائلية
المهم انا تعلقت بهالشخص بدون ماحس صار يطري علي كثير وأفكر فيه غصبا عني مع انه ماصار بيننا لا مكالمات ولا شي كنت اسمع عنه انه متعلق فيني من اهله ومن اهلي وزعل لما رفضوه اهلي بس قلت مع الأيام ننسى وكبرنا وكبر هالشي جواتي صار دايم في بالي في أحلامي بفرحي وبحزني استغرب من نفسي ليه كذا تعلقت بدون مايصير بيننا شي هو اول شخص فتحت عيوني عليه كانوا يقولون اذا تزوجتي فلان وفلان فعل وفلان قال ،، المهم كنت احاول اشغل نفسي عن هذا الموضوع وبعد كم سنة سمعت انه راح يتزوج لما سمعت الخبر اسودت بعيني كل الدنيا كأنها نار تاكل فيني مع اني المفروض اكون متوقعة هالشي يصير ،، مرت علي ايام من اصعب ايام حياتي عمري ماانساها وبنفس الوقت استغرب من نفسي ليه هذا التعلق وصرت ادعي ربي يصرف عني حبه ولا يعلقني فيه وأتقبل الواقع لكن احس مافي فايدة مو راضي يطلع من عقلي تعبت أبعده وماقدرت لين جا ذاك اليوم اللي ارسلي وهو بشهر العسل انه يحبني ومايحب غيري وانه اهلي هم السبب وأصر انه يكلمني وانا رفضت بس ضغط علي لين وافقت وكلمته وكانت هذي اول مكالمة لي معاه من يوم عرفته وصار بيننا كلام وقال انه تزوج عشان ينساني وانه مازال يحبني ومتعلق فيني بس انا انهيت الموضوع معاه قلتله خلاص اللي بيننا انتهى والله يوفقك مع اللي اخترتها مع ان زوجته سببتلي مشاكل قبل لاتتزوجه عشان تبعدني عنه ولا انا ولا هو كنا نعرف ولين اليوم تدور علي الزلة عشان هو حكالها عني
المهم تركته وقلتله لا تتصل فيني وانساني وحاولت اصبر نفسي وانساه لكن بدون جدوى وحاول اكثر من مرة يتواصل معي بس كنت اطنشه مع اني انحرق من جوا وودي لو بكلمة منه بس خوفي من ربي كان أقوى
وانخطبت بعد فترة ووافقت على طول بدون تفكير وكانت هذي غلطتي بس كنت اقول اكيد اذا تزوجت بنشغل مع زوجي وانساه
وتزوجت وانصدمت بحياتي الزوجية طلع زوجي راعي بنات وكل مرة الاقي بجواله رسالة من اول شهر زواجي واكلمه ويعتذر ومو بس كذا تعامله معي جدا قاسي ضرب مبرح وسب وإهانة لدرجة مرة ضربني ورماني ع الارض قدام اهله بسبب شي أتفه من التفاهة بس عشان الناس يقولون هذا رجال ومايخلي حرمته تمشي رايه عليه
عشت معاه ايام من اقسى ايام عمري ماذقت طعم الفرح والسعادة صح ساعات يصير حنون وطيب عشان لااظلمه بس عصبيته تغلب ع الطيب اللي فيه حاولت احبه بس ماقدرت وكل حساباته بالفيس والانستقرام بنات وليتهم اي بنات كلهم حق جنس ويستعرضون اجسامهم وهو راسل لكل وحدة رقمه
مع اني اجمل منه بكثير والحمدلله بشكلي وأخلاقي وكل من شافنا كان يقولي كيف تزوجتيه
انا مااعيب على شكله الحمدلله خلقة ربي وانا وافقت برضاي بس عشان ابين لكم قد ايش هو تفكيره كله حريم وعينه طويلة ويفشلني بالسوق حتى خواتي ماسلموا من نظراته وآخر همه البيت وطول وقته برا ولا يطلعني ومايعرفني الا وقت النوم عشان يشبع رغباته الجنسية ويسمعني احلى كلام وفجأة يقلب
وبلحظة ضعف ويأس رجعت لحبيبي السابق كنت ادور ع الحنان والحب ،، ابي من يحتويني ويخاف علي من حقي كأنثى ورحب فيني وطيرني بالعلالي وخلاني اسعد انسانة واحتواني وطبطب علي وحسيت الفرحة رجعتلي بس فكرت بعقل وتركته وادري اللي سويته غلط واكبر غلط مو خوف من زوجي بس خوف من ربي وقلت خلاص لازم ارضى بنصيبي وقال بسوي كل اللي تبغينه حتى على حساب سعادتي بس اشوفك مبسوطة قي حياتك بس الحين المشكلة بعد سنة من تركي له رجعلي وليته مارجع انا اضعف خصوصا بظروفي الزوجية
رجعلي ويقول انا محتاجك ساعديني لاتخليني انا ضعت بدونك ودمرت نفسي ماقدرت ارده بوقتها لانه ماتخلى عني لما لجأتله وصار يشكيلي من حياته ومن وضعه حسيت فيه الضياع والدمار راح لطريق الحرام والشرب يقول انتي السبب بعدك عني دهورني المهم جلست معاه فترة انصحه وأحاول أغيره والحمدلله تجاوب معي وترك الاشياء السيئة ويقولي انا مرة فرحان عشانك معي وجنبي لا تخليني ويقولي لو يرجع زمن العبودية والله لأصير عبدك
الحين انا أبغى اتركه للأبد خلاص تعبت من تأنيب الضمير وخايفة من ربي وأخاف اقوله ابعد ويرجع مرة ثانية لاني مهما غيرت رقمي يقدر يجيبه بحكم القرابة اللي بيننا
بنات ساعدوني بجد محتاجة لكم طبعا لو زوجي يدري بيذبحني خلاص أبغى أنساه وانشغل بطفلي اللي جاي كيف أخليه يبعد عني للأبد لاني كم مرة افهمه اللي بيينا حرام وربي ماراح يوفقنا بس يبعد ويرجع
الحين عمري 25 ومانسيته من طفولتي بكل صلاة والوتر ادعي ربي يصرف حبه عني ماقدرت
ساعدوني بحل الله يخليكم وادعولي ربي يبعدني عنه وقدورا ظروفي ومابي هجوم بالردود الله يسعدكم
اعرف زوجك كمان بيخونك بس هذا مايخليك تخونيه
اوكي مابجي عاتبك
بس حبيبتي
خلص لا تكلميه شو هالشخصية الضعيفة الخمر مو الحل لحتى ينساك كان قادر يلجأ لله
حبيبتي اهتمي بطفلك وبزوجك واعملي على تغييره
بشتى طرق ترى في فتاوي ومواضيع لحل خيانة زوجية
هدي مو نقطة ضعفك لازم من هنا تبدي تغيري حياتك مشان طفلك على الاقل صلي ادعي استغفري
ولا تنسي ابتعدي عن قريبك
اعملي حظر لرقمه
الله يعينك
وزوجك ضروري تشوفين له حل مايصير موزع ارقامه على بنات خلق الله ويكلم فلانه وعلانه وما يصير عيب جدا جدا انه يمد يده عليكُ وخاصه انك حامل الحين المفروض خلاص اذا مد يده عليك لا تستني ولا دقيقه وروحي بيت اهلك وقولي لابوك انه يضربك والله جد اتكلم ترا منتي حيوانه عنده او كلمي امه قولي له انه يضربك وراعي بنات وهالشغلات ..
انتي باين انك تصبرين له واجد …؟
المهم ادعي له ربي يهديهً ..
واهتمي بنفسك وخاصه انك حامل الانُ وانسي الماااضي ي بنت الحلال
الله يستر عليكي
دنيا ما تسوى بلا حب بلا متاهات وضعف نفوس
اتقوا الله ولتنظر نفس ماقدمت لغد
ياصحبة المشكلة
يعني كان لازم تكتبين كل شي يقوله لك
يااداره ليه تسمحون بعرض مثل هذه المواضيع
خافو الله اكثر المشاكل خيانة زوجية ومتشابهه وش القصد منها ؟
حب وحبيب وخيانة وخبث ومسلسلات
استغفرالله العظيم
انتي تعتبرين خاينة
وانتي لستي أقل من زوجك لأنك مثله خاينة
تعرفين اعرف كلامي جارح لكن ابيك تصحين من ضياعك
هو يبي يأخذ الي يبي وخصوصا انتي متزوجة وبعدين يرميكي
الحقي على عمرك الحقي قبل لا يرميكي هو وزوجك كمان
تعرفين انتي قلتي زوجي خاين حتى تبررين فعلتك
لكن العذر أقبح من الذنب