بسم الله الرحمن الرحيم
عن صفية بنت شيبة عن عائشة رضي الله عنها قالت جاءت امرأة إلى النبي صلى الله عليه وسلم تسأله عن الغسل من المحيض
فقال خذي فرصة من مسك فتطهري بها
فقالت كيف أتطهر بها ؟؟
قال تطهري بها
قالت كيف أتطهر بها؟؟؟
قال النبي صلى الله عليه وسلم سبحان الله سبحان الله واستتر بثوبه
تطهري بها
فاجتذبتها وعرفت الذي أراد
فقلت لها تتبعي بها آثار الدم يعني الفرج
*****
هذه مواضيع حساسة وادرك ان الكثير يخجل منها ولكن لا حياء في تعلم امور ديننا الحنيف
وجايبة اليوم لكم طريقة الطهارة بالمسك بعد الحيض ؟ الدورة الشهرية وهو هام لجميع النساء المتزوجات وغير المتزوجات ؟!
:ق1::ق1::ق1:
نبدأ بخطوات عمل المسك :
بنات خلوا كل شي تستعملونه نظيف الان هالخلطه بنستخدمها لمنطقه حساسه في الجسم
و هذي الاغراض الطلوبه
مسك عبد الصمد القرشي
ماء ورد
ماء معدني
طاسه ذات غطاء محكم
اولا:روحي عند عبد الصمد القرشي وقوليله ابا مسك الحجر ريحته جنان……
ثانيا: خذي نص قطعة المسك و لفيها بنايلون عشان النظافه و ما تتوصخ
اطحني نص حبه المسك بس مو اتخلينها بودره لا
لازم يكون شكلها زي اللي بالصورة
يعني فيها كسر
ثالثا: بعدين اني لماي الورد و الماي المعدني
((..انا استعمل مسافي))
و هذا مقدار كل واحد منه *ماي الورد و الماي المعدني *
و ايصير اتزيدين على حسب حجم الغرشه مب شرط تتقيدون بالكميات
وحطي المسك و الماي الورد و الماي المعدني مع بعض في طاسه قابله للقفل ((يعني ام غطاه))………..
وبعدين رجي الطاسه عدل لين ما تتخلط المحتويات((طبعا المسك ما راح يذوب))
رابعا: هذي انواع القطن الي نستخدمه
طبعا القطعه تكون نظيفه
القطن البيضاوي هذا بس اتغطينه عادي
و قطعه قطن الدائري هذي تجسفينها((يعني تطلع عندج نصف دائره))
مثل ما واضح في الصوره
وتغطسينها في الخلطه وتمسحين بها المنطقه من فوق لين تحت و الخلف بعد…
للمتزوجات لازم ادخلين القطنه داخل0 … وراح اتشوفين انه في وصخ يطلع ((هذا دليل النظافه))
والبنات بس من براا.
+++ملاحظة+++
((يجب مراعات النطافه التامه يا بنات … يعني لا تغطسين القطنه اكثر من مره عشان ما تنتقل الجراثيم في العلبه))
وتستمرين بها الطريقه
بعد ما تخلصين من الدوره ولمده 3 ايام متتاليه
و اذا كنت حابه بعد الاستحمام و وقت الحاجه طبعا
وشوفي النظافه والريحه الحلوه ((حتى الريحه تعلق في ملابسج الداخليه))
و انسي شي اسمه التهابات او حساسيه و افرازات و روائح كريهه…
انا انصحكم بمسك عبد الصمد القرشي عشان هو الاصلي و يكون معقم ولاتستعملون شي ثاني
الان هذا النوع الوحيد الي انا جربته و ما اعرف عن الباجي
جربوا وادعولي
دعواتكم للي قام بتصوير جميع الخطوات
وسلامتكم
