لادراسه . لاثقه بالنفس . لازواج .اللهم لاعتراض
سلام عليكم . انا بنت عمري 20 . عندي اكثر من مشكله مشكلتي قبل 7 سنوات تركت دراستي لمن كنت بالمتوسط بدون اسباب كرهتها ونفرت منها . والحين ندمانه اشد الندم كل سنه احاول ارجع بس الله مايكتب لي احس بضيق اذا جا موعد الدراسه واضايق لما اشوف الي بعمري صارو بالجامعه. حالتي النفسيه تعبانه بسبب دراستي الي تركتها اهلي يعايروني ياجاهله يافاشله حتى الي يخطبوني يعرفو مستوى تعليمي وماعاد يرجعو .مادري انا شسويت بحياتي حتى اصير فاشله كذا والله تعبت واتفشل من نفسي لدرجة صابتي رهاب اجتماعي وماطلع من البيت لو ايش يصير والله اخر مره طلعت من البيت قبل 9 شهور بدون مبالغه! وفوقها وزني زاد وصرت سمينه ، وزني 82 
وخدودي سمينه حتى ملامحي مو باينه وخشمي كبيررر ماعندي ثقه بنفسي مرات ابكي زي الاطفااال وشغري يتسسساقط بشكل فضيع . هذا ابتلاء من الله؟ ولازم اصبر عليه ؟ لان ماشفت وحده بعمري وحالتها مثلي الكل يدرسون ومتزوحين وحالهم افضل من حالي والله ماحسدهم بس احس انا الوحيده بهالدنيا كذا حالي ثقتي بنفسي صفر حتى وجهي استحي احطه بوجه احد ماااعندي ثفه واهلي يضحكو على خشمي فكرت اسوي رجيم بس خايفه خشمي يصير مثل الجسمي الله يخليكم سااعدوني وردو علي انا مريضه نفسيا؟ولا هذا ابتلاء من ربي؟ لاتبخلو بالردود طلبتكن اسفه موضوعي مشربك
حبيبتي انتا نفسك تركت دراستي اول متوسط صار لي 7 سنين وهالحين راح اكمل منازل اذا الله راد تشجعي ولا تخلين احد يحبطك سوي رياضه ويجيم ولا يهمك كلام الناس اطلعي واستانسي وخلي عنك الكلام الفاضي
ودراستك كمليه ضرررروري والبنت ما تنخطب مشان الشهاده الاخلاق اهم والله يعينك ويعطيك قوه الاراده
ناخذ موضوعك حبه حبه بالنسبه لدراسه والله بنت جيراننا مادرست دارسه في دور مو مدارس صدقيه ولما صار عمره تقريبا 22 راحت للمدرسه وسوو له اختبار معلومات او زي كذا يحددوون اي مرحله تصلح لعمره حاليا وبعد الأختبار علطووول وصلوه مره 3ثانوي وهذاها تكمل دارستها طبيعي جدا ،، وبرضوو زوج اختيبعد زواجه وعمره بالثلاثين كمل دراسته ثانويه والحين ماشاء الله بيتخرج من الجامعه تشجعي بس روحي الحين قولي لأهلك السنه الجايه بكمل ،،اما الثقه بالنفس فإذا درستي ونحفتي طبيعي بترجع ثقتك بنفسك لأنوو وش ناقصك اساسا !! اما من ناحيه الزواج اولا انتي صغيره حتى لو كنتي تدرسين صغيره على الزواج ،، فلا تتضايقين توووووك صغيره شيلي سالفه الزواج من بالك ،،، نجي لسمنه السمنه حلها في يدك اسهل شي رجيم ورياضه عده شهور ويكون جسمك يجنن لاتصتصعبين الموضوع
شوفي ي روحي
المدرسه كمليها يختبرونك ويحددون اي مرحله تدرسي عززي ثقتك بنفسك ولايهمك احد ابد اقري
بجوجل طرق لتعزيز الثقه بالنفس وماعليك من اي احد السمنه اعملي ريجيم وامشي نصف ساعه يوميا
الزواج انسي هالفكرة لانك لسه صغيرة والعمر قدامك فكري بدراستك وبالريجيم اللي حتعمليه
كرري دائما انا الافضل انا الاجمل اقري سورة البقرة يوميا لاتقولي طويله جربي بس وحترتاحي
ايضا قراءة سورة يوسف فهي جلاء للحزن والهم والغم تقربي من الله من عبادات وصدقه ونوافل
اتمنى لك حياة افضل لاتنسي حبيبتي " طريق الالف ميل يبدا بخطوة"
حاولي وكوني الافضل اقهري كل من ضحك عليك خليه يتمنى يكون انتي براجاحه عقلك وببرستيجك
طوري نفسك لاترضب بالقليل عززي ثقتك نمي مواهبك لا تتحبطي من احد يمكن بيضحكون عليك ويستهزئون لما تقولي حكمل او بدرس لا يهمونك ضعي هدفك نصب عينك قولي انا حصير مثلا استاذه دكتورة حققي احلامك واهدافك كوني مثالا للعزيمه والاصرار واسم للنجاح وعنوان للجمال
موفقه
حاولي تشغلين نفسك بشي ولا تفكرين كثير بوضعك.. سوي لك مشروع طبخ مثلا سوي لك حساب بالانستغرام واعرضي شغلك.. الله يفرج همك
للاسف للاسف ان اهلك اللي هم اهلك يعاملونك بهذي الطريقه البشعه جدا ويصفونك بالفاشله والجاهله للاسف هذا بدل ان يشجعونك انك ترجعين تكملين دراستك ويرفعون معنوياتك حبطوك بهذا الكلام القاسي ودليل على تفكيرهم المتخلف اعذريني على هالكلمه لكن هذي الحقيقه ….واذا هم مايشجعونك حبيبتي احنا مثل اخواتك كلنا نشجعك انك ترجعين وتكملين دراستك الدراسه هي المستقبل والدراسه راح تفتح لك ابواب كثيره بالمستقبل نشالله وتسهل عليك امور كثيره خصوصا بزمننا هذا علشان الوظيفه وممكن تقولين علشان الزواج ايضا لانه للاسف الحين صار الزواج بالشهادة كالوظيفه تماما ويحكمون على زوجة المستقبل من شهادتها ومن الشهادة يحكمون انها مثقفه او يرونها قادرة على المسؤؤليه واغلبيتهم الان ياخذون صاحبة الشهاده لمصلحه بان تتوظف وتساعده او حتى ان لم تتوظف يتزوجونها كبريستيج اجتماعي تفاخر يعني …والجامعيه ليست بافضل من البنت الغير مكمله لتعليمها بعض الجامعيات تجدينهم متكبرات وبلا اخلاق انا قلت البعض وليس الكل وفي بنات مثل وضعك كثير ماكملو دراستهم وماشالله ربة بيت واخلاق ….الشهادة بالنهايه ليست مقياس لاخلاق البنت ولا مقياس حتى للجهل او الفشل في الحياة …بالنسبه لكلامك انك صرتي منعزله وماتطلعين من البيت وزاد وزنك وتقولين ابتلاء من الله غلطاانه حبيبتي ونعم بالله لكن هالشي جبتيه لنفسك وابليتي فيه بنفسك واهملتي نفسك وصحتك وجمالك فكان عليك ان لاتهتمين لكلام اهلك المحبط لازم تكونين قويه وواثقه بنفسك ولايهزك كلامهم واذا ماعجبهم كلامك لاتزعلين نفسك وتحبسين نفسك بالبيت وتنعزلين عن الناس هل هذا حل برايك؟!!!تعتقدين بهالتصرف تنحل مشكلتك؟!!! لازم تبدئين حياة جديده مع نفسك وارجعي كملي دراستك وحاولي تنزلين وزنك وتهتمين بشكلك اي كلام قاسي من اهلك طنشيه وفقك الله
اعرف وحده تركت الدراسة في المتوسط ويوم تزوجت ماشاء الله كملت وخلصت ثانوية وتفكر تدخل الجامعة انتي حاولي تكملي دراستك لان هذا المهم وهو مستقبلك لاتضيعه وانتي باقي صغيرة وان
شاء الله قادرة لاتفكري في الزواج فكري كيف تصلحي الخطأ الي سويته وثتبتي لاهلك انك قادرة
وموبس عشان اهلك لا عشان تضمني يكون عندك شهادة اذا موحابة دراسة ادخلي دورات كمبيوتر
او انجليزي او أي شيء اشغلي فيه نفسك واما بنسبة للوزن اكيد راح يزيد لان طول وقت جالسه
ومافي حركه لازم تتحركي في البيت وتشغتلي وتسوي رياضة وحاولي تسوي رجيم وتخفيف بس
مومن عندك لا من طبيبة آحسن وآن شاء الله ينزل وزنك والاهم هو ثقتك خليها دائما عالية ولاتخلي
شيء يحبطك ودائما قولي ان قادرة اكمل وانا قادرة انزل وزني وانا حلوة بس انتبهي من الغرور هه
امزح معك لاتشيلي هم ياحلوة انتي صغيرة انبسطي في حياتك ..
الله يعينك ويصبرك ويسهل امورك يارب